العودة   مصر موتورز مجتمع السيارات > منتديات السيارات العامة > القيادة فن و ذوق

القيادة فن و ذوق كل ما يتعلق بفن قيادة السيارات


إضافة رد
 
أدوات الموضوع
  #21  
قديم 15-12-2014, 08:08 PM
الصورة الرمزية YahiaAshraf
YahiaAshraf YahiaAshraf غير متواجد حالياً
التخصص العملى: طالب بالأكادمية العربية للعلوم و التكنولوجيا و النقل البحرى بالاسكندرية
هواياتي: السيارات - الكمبيوتر
 
تاريخ التسجيل: Mar 2011
الموقع: Alexandria
المشاركات: 11,343
YahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond repute
افتراضي رد: شات البنات المبتدئات فى القيادة


المشاركة الأصلية كتبت بواسطة ام اسلام مشاهدة المشاركة

على فكرة شوفت واحدة من يومين بتسوق عربيه ومكتوب عليها عفوا السائق تحت التدريب برضو ايه المشكله يعنى عشان مش يبقى لهم حجة بقى

أنا مره شوفت ميكروباص ومكتوب ورا على الزجاج مكان التراب اللى عليه

خلى بالك السواق اعمى
رد مع اقتباس
  #22  
قديم 16-12-2014, 09:32 AM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: شات البنات المبتدئات فى القيادة

موضوع اللى يقعد يزمر ورايا او يرعش بدون سبب
فكرنى انى الأول كنت اللى يزمرلى بدون سبب ابصله فى المرايا باستغراب
طبعا يزمر تانى
اقوم ادوس فرامل
طبعا يزمر تالت
اقوم اقف
يزمر بجنان
اقوم اجيب مارشيدير بس متحركش ( اللمبة تنور بس )
يقوم يزمر بهبل
اقوم راجع عليه

طبعا انا غلطان و مش صح اللى بعمله
بس للأسف بحس بقلة الحيلة انا اساسا بمزمرش و لا برعش لحد غير فعلا لو فيه مصيبة و لو حزمر بزمر على استحياء و انا بشاور و بعتزر
فبما انى مش بايدى حاجة لما حد يعمل فيا كدا فا للاسف بتغابى عليه ربنا يهدينى
__________________

سبحانك لا علم لنا الا ما علمتنا
رد مع اقتباس
  #23  
قديم 17-12-2014, 08:04 PM
loolita loolita غير متواجد حالياً
 
تاريخ التسجيل: Dec 2014
المشاركات: 23
loolita has a spectacular aura aboutloolita has a spectacular aura about
افتراضي رد: شات البنات المبتدئات فى القيادة


المشاركة الأصلية كتبت بواسطة د.هبه77 مشاهدة المشاركة

باختصار الي هيجرئك عالسواقة الفترة
يعني بقالك اد اية بتسوقي
الحاجة التانية خليكي باردة متخليش حد يوترك
الراجل اول ما يشوف واحدة ست سايقى يبتدي بقي للتشويح والزعيق والتبريق وتحمير العنين وممكن كمان لو فاتحة الشباك تسمعي شتيمة
الحل تقفلي شباكك علي قدر المستطاع ...متبصيش علي حركاتهم خاااااالص عشان متتنرفزيش بصي علي ابعاد العربية


يعني اغملي فلتر للاشخاص من عنيكي وتبصي عالحديد بس
والحاجى التانية تفتكري كويس ان الي بيتحانق دة كان يوم من للايام لما يحب يدوس فرامل بيدوس بنزين ويلبس فابعربية الي قدامه ...يعدها بقي عشان ميتضربش يطبق المثل .. اعمل نفسك ميت
استخدمي مراياتك يمين وشمال ومتمشيش لو مقفولة .. بو ماشية كدة اركني وانزلي افتحيها او قولي لاي حد معدي جنبك افتحلي المراية لو سمحت
ولازم تعرفي ان مجتمعنا ما شاء الله الراجل يشوف ست سايقة يبتدي يحس بالأنا والأنا العليا ويحاول يهز ثقتها فنفسها ... زمارة بقي ..يكسر عليها ...المهم تتوتر وتخرج عن شعورها ومتعرفش تعمل حاجة وتعيط فالاخر..
نصيحة للمرة الالف متتوتريش من صوت القلقس واهم حاجة ..الدعاء
دعاء الركوب
وقبل ما تسوقي
رب اكفنيهم بما شئت وكيف شئت
وتزودي رصيدك من الخير الي هيحمي عربيتك
تقفي لحد كبير بيعدي
تتجاوزي عن اخطاء الاخرين ومتهتميش انك ...تعرفيهم غلطهم
مشوار مساعدة لحد كل فترة
سواء توصيلة او تعمليلهم مشوار
حد محتاج العربية مقرب ليكي تديهاله وتنوي قبلها لله
بجد كل ما رصيدك يعلي ..كل ما ربنا يجبر اخطائك وييسرلك سواقتك ويستر طريقك
ربنا يسترها عليكي ويرزقك خيرها ويبعد عنك شرها
اهلا دكتورة هبه
منورة التوبيك
كلامك اكتر من رائع ومنظم وهحطه حلقه فى ودنى
ربنا يبارك لك





المشاركة الأصلية كتبت بواسطة د.هبه77 مشاهدة المشاركة

قصة قصيرة بقي عشان تعرفي
انا الحمد لله بسوق بقالي 12 سنة المهم من فترة حوالي سنة تقريبا كنت طالعة من شارع جانبي علي عباس العقاد بلف يمين
مستنية الدنيا تهدي
وواخدة بالي ان عالناصية في مكنة بنك مصر والناس واقفين طابور لحد الشارع
وانا بلف اصلا في عربية راكنة موازي للشارع بتاع عباس العقاد وواحد وراية حاطط ايده عالقلقس مبيشلهاش
تقريبا هو والقلقس توأم ملتصق
من كتر القلقسة اتوترت وبلف لقيت ميكروباص سريع جدافبدل ما اخد الملف علي واسع خدته ضيق ويقوم اية بقي
الاقي ان في عربية راكنة صف تاني مكنتش شايفاها لان العربية الصف الاول مخبياها
فللاسف حكيت في العربية

وعليه ... لازم ارجع تاني واخد الملف علي واسع
واخينا الي وترني حالف مية يمين مايشيل ايده من عالقلقس
فوانا برجع مش راضي يرجع واضطريت ارجع بالراحة جدا لحد قبل ما ألمس عربيته مباشرة ...ماهو مش مديني مجال ارجع
متخيلة طبعا انتي دلوقتي انا ضغطي بقي كم
لقيت دة نزل وجه عند شباك عربيتي وفارد نفسه بقي وبيشوح وازبد وارغي وبيخبطلي عاï»»زاز فاكر اني هخاف ومش فاهم انه كدة بيستفزني اكتر
انا بقي .. خير اللهم اجعله خير... فتحت الشباك ومش هقولك بقي
عبرت بكل امكانياتي عن اعتراضي التام عن الموقف وشجبت وادنت الطرف الاخر بكل ما اوتيت من قوة
...عارفة الحلة البرستو لما تفتحيها وهي لسة مبردتش ..بالضبط كدة
وانا علي جمله واحدة بس بصوت عالي جدا
لما تلاقيني مزنوقة ومش عارفة اطلع يبقي ترجع
قلتهاله ييجي 5 مرات الراجل لقيته اتخض وابتدي يرجع ورا
مكانش متوقع هجمة مضادة
وطبعا طابور عملاء البنك متابعين الموقف كلهم جم وقسمو نفسهم 3 فرق
واحد شال الشخص دة الي صوته بقي واطي جدا وعنيه مبرقة مش مصدق..وهو طبعا فاهم نفسه انه غلطان ... وخدوه علي عربيته
الفريق التاني بيعتذرلي
والفريق التالت وقف عباس العقاد عشان اعدي
علي فكرة انا بريئة جدا وطيبة جدا جدا بس مننكرش ان هو مستفز
الخلاصة مش كلهم كدة طبعا بس خدي بالك برضة
ما زلت مصرة اني طيبة

ههههههههههههه
حضرتك عسوله جدا\
مشاركة متميزة جدا ياحبيبتى


المشاركة الأصلية كتبت بواسطة ام اسلام مشاهدة المشاركة

على فكرة شوفت واحدة من يومين بتسوق عربيه ومكتوب عليها عفوا السائق تحت التدريب برضو ايه المشكله يعنى عشان مش يبقى لهم حجة بقى
اهلا ام اسلام
شكرا لمرورك الكريم
منورة


المشاركة الأصلية كتبت بواسطة AbOnOrA مشاهدة المشاركة

والله انا بستعجب من الرجالة اللى بتنزل تجعر للستات كدة اينعم فيه مواقف بتبقى مستفزة جدا بس مهما كان لازم الواحد يحط فى مخة انها ست وان ممكن يكون مكانها اخته او مراته او امه (انا شخصياً عندى التلاته سواقتهم زى التيييييييت الصراحة ) فبحاول اكبر دماغى املاً فى ان ربنا يوقف لثلاثى الدمار الشامل بتاعى ده ولاد الحلال برضو
بمناسبة القصص القصيرة من يومين كنت مطبق يومين فى المكتب ونازل مش شايف قدامى واذا براجل " كما هو فى البطاقة فقط" سايق تاكسى وزانق بعربيتة عربية واحدة ست فى شارع بالعافيه يمشى عربيتين ولا عايز يطلع ولا يرجع وسايق البرود على بنوتة كدة ياعينى شكلها كان هيعيط من الخوف علما بانها مفتحتش بقها والله بس هو ازاى ميربيهاش يعنى علشان متعرفش تسوق ولولا ولاد الحلال اتلمو عليه برضو ومشيناه بالعافيه مكانش مشى

والسؤال اللى بيطرح نفسه ليه تتعامل مع واحدة ست بغباوة وتستعرض لوزك وبلعومك قدامها وانت بتجعر لما ممكن واحد ارجل منك يديك على قفاك ومتتكلمش !!
الخلاصة :
استرجل وعامل الستات بذوق ولو حتى شايف انها مستحقوش رجولتك تستحقه
احنا عاوزين نصعب عليكو بس يا مهندس وائل
وتساعدونا على الطريق
مشكور على المرور
رد مع اقتباس
  #24  
قديم 17-12-2014, 08:05 PM
loolita loolita غير متواجد حالياً
 
تاريخ التسجيل: Dec 2014
المشاركات: 23
loolita has a spectacular aura aboutloolita has a spectacular aura about
افتراضي رد: شات البنات المبتدئات فى القيادة


المشاركة الأصلية كتبت بواسطة احمد على 1999 مشاهدة المشاركة

موضوع اللى يقعد يزمر ورايا او يرعش بدون سبب
فكرنى انى الأول كنت اللى يزمرلى بدون سبب ابصله فى المرايا باستغراب
طبعا يزمر تانى
اقوم ادوس فرامل
طبعا يزمر تالت
اقوم اقف
يزمر بجنان
اقوم اجيب مارشيدير بس متحركش ( اللمبة تنور بس )
يقوم يزمر بهبل
اقوم راجع عليه

طبعا انا غلطان و مش صح اللى بعمله
بس للأسف بحس بقلة الحيلة انا اساسا بمزمرش و لا برعش لحد غير فعلا لو فيه مصيبة و لو حزمر بزمر على استحياء و انا بشاور و بعتزر
فبما انى مش بايدى حاجة لما حد يعمل فيا كدا فا للاسف بتغابى عليه ربنا يهدينى
المشكله فى سواقين الميكروباص
والنقل الكبير\
والتاكسى ايلى لو لمسانه بس هينزل يبهدلنا

شكرا على المرور الكريم للتوببيك
رد مع اقتباس
  #25  
قديم 17-12-2014, 08:10 PM
loolita loolita غير متواجد حالياً
 
تاريخ التسجيل: Dec 2014
المشاركات: 23
loolita has a spectacular aura aboutloolita has a spectacular aura about
افتراضي رد: شات البنات المبتدئات فى القيادة

عاوزة اسمع خبراتكم فى الوقوف على مطالع الكبارى فى الزحمة

انا اتعلمت فى الكورس الاتى\
طبعا انا على الغيار الاول والعربية وقفت على مطلع كوبرى خلاص ودايسه دبرياج للاخر مع فرامل
الكوبرى هيتحرك
بدرج دبرياج بالراحه لحد ما ترعش اثبت رجلى
اشيل رجلى من على الفرامل وازود بنزين سنه عالى شويه
اشيل رجلى من على الدبرياج للاخر وتمشى العربية

بس المشكله وانا بزود البنزين الزياادة شويه
صوت العربية بيكون عالى والناس بتبص عليا هههههههههههههه
كائن غريب )
لدرجه عسكرى قالى اطلعى اهدى شويه
بس انا لسه جديده فى السواقه ومش بيضبط معايا صوت البنزين ده خالص

موضوع فرامل البد ده مش بحبه ابدا ولا عملته لان مش عملى خالص وهيربكنى
ومش بمور خالص الا لو الوقفه هطول ساعتها ارفع فرامل اليد


وبالنسبة للنزول من على الكوبرى مش بمور بردو بخااااف العربية تجرى منى
بفضل خانقاها بالدبرياج وعلى الغيار الاول وفرامل
ولما الطريق يفتح اسيب فرامل بس تنزل وحدها

ايه رايكم صح كده ولا فى تعديلات

التعديل الأخير تم بواسطة loolita ; 17-12-2014 الساعة 08:16 PM
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:46 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017