العودة   مصر موتورز مجتمع السيارات > السيارات الصينية والهندية > شيرى إسبيرانزا CHERY SPERANZA > M11 , M12


إضافة رد
 
أدوات الموضوع
  #1  
قديم 13-01-2014, 10:20 PM
medo_nice medo_nice غير متواجد حالياً
 
تاريخ التسجيل: Oct 2008
المشاركات: 38
medo_nice will become famous soon enough
حصرى كل شئ عن سيارات اسبيرانزا CHERY SPERANZA M11 , M12

اسمي محمد اول موضوع لي في المنتدي الجميل والجامد ده
الفكرة هنا اني عاوز الاعضاء الكرام مالكي ام 11 أو ام 12 من موديل 2010 حتي 2014 تكتب كل شئ عن العربيتين من خلال تجربتهم للسيارة سواء ايجابيات او سالبية علشان اللي هيجيب عربية من اي نوع من الاثنين يقدر يحصل علي اكبر كم من المعلومات من الناس اللي راكبه وبلاش نعتمد علي اراء اصحاب معارض البيع لانهم من الاخر بيخدو عمولة بيع علي العربيات اللي بيبعوها وخصم علي كمية العربيات اللي بتتسحب من التوكيل
وبالتالي لو غبور عرض نسبة خصم كبيرة علي صاحب المعرض علي طول صاحب المعرض بيغري البياعين اللي عنده بعمولة حلوه لو سوقوا العربية كويسين وبالتالي هقنع المشترين بالعربية ده اكتر من اي عربية تانية علشان عمولتي فيها اكتر من السيارات التانية وده كلام منطقي جدا
يعني بتوع المصرية كانو بيقولو شعر في ام 11 و ام 12 لما قلة شوية ونزلت ايمجراند واكيد عملتهم امتر وخصم السعر من غبور لصاحب المصرية اكتر من ابو الفتوح بداء البياعين يقولو ان الايمجراند احسن بكتير من اسبرانزا ووكيل قوي وسمعته عالية عن ابو الفتوح وبلاش تدخل في حاجة مش مضمونة عكس كلمهم قبل ما تنزل ايمجراند وتوافر الاسبرانزا ام 12 و 11
وده حصل معايا منهم شخصيا شكرو اوي في الايمجراند وقالو ان اسبرانزا مش حلوه وقطع غيار قليلة وخدمة التوكيل سيئة
مع العلم انهم بيقولو علي التيجو الشكل الجديد 2014 رهيبة وتوكيل ابو الفتوح غني عن التعريف وده كان كلام لمشتري في المصرية حصل بامانة الله امام عيني وسمعته بودني والله علي ما اقوله شهيد - لذلك انا سئلت ناس كتير معاهم ام 11 و 12 ونفسي احصل علي معلومات اكتر بس من مالكي العربيتين لانهم افضل مصدر للمعلومات عن اي حد تاني
وانا هبداء بنفسي واحط كل المعلومات اللي حصلت عليها ولو ان شاء الله اتوفقت واشتريت اي وحده منهم هكون من الاعضاء الدائمين علي الموضوع ده واكتب كل حاجة بشوفها او بتقبليني في العربية بأمانة سواء سلبية او ايجابية علشان اساعد اي حد ناوي يشتريها او بيقارن بينها وبين اي نوع اخر - واعتقد ان ده هو المساعدة الحقيقية وعمل لوجه الله تعالي مش لاصالح توكيل معين ولا معرض معين

التعديل الأخير تم بواسطة AbOnOrA ; 29-01-2014 الساعة 04:41 PM سبب آخر: توضيح العنوان
رد مع اقتباس
  #2  
قديم 13-01-2014, 10:22 PM
medo_nice medo_nice غير متواجد حالياً
 
تاريخ التسجيل: Oct 2008
المشاركات: 38
medo_nice will become famous soon enough
خبر رد: كل شئ عن m11 و m12

نبداء بسم الله الرحمن الرحيم اول مشاركة في الموضوع وفي انتظار باقي الاعضاء الكرام

انا سألت في ابو الفتوح اللي في المعادي من 5 ايام قالي موجودة ام 11 و 12 موديل 2014
لو تحب تيجي تشوفهم واقفين عندي رحت فعالا وشفتهم ام 11 سيدان وزجاج فاميه يتم اثباته في الترخيص والام 12 مش هتشباك زي ما الناس بتقول لان الهشباك بتبقي زي الابيزا او الماروتي او الفيات الاونو او الاسكودا الفليشيا صح ام ده بالبلدي بين اللاثنين ليها شنطة صغيرة عن السيدان يعني ممكن اقول ميني سيدان بس فتحة الدخول لشنطة ام 12 اوسع واعرض من ام 11 و شنطة ام 11 اطول في الطول من ام 12 واصغر في العرض من ام 12
انا ان شاء الله ناوي اجيب ام 12 موديل 2014 عمله 83000 ج في ابو الفتوح اكثر 1000 ج من ام 11 موديل 2014 بالنسبة للتحديثات لموديل 2014 للعربيتين عن الموديلات السابقة انهم خلو العفشة اقوي وانعم عن الاول والصاج بتاع ام 12 بقي تقيل عن الاول ومحمل والاكصدام الامامي وراه دعامات قوية عند التصادم لقدر الله من الامام تحافظ علي صدر العربية مهما كانت قوة الخبطة ويبقي الخسارة في الاكصدام وبس يعني اكبر خبطة تغير اكصدام كامل وبس - الردياتير محمي والموتور والشاسيه بفضل الدعامات
لما قعدت في الام 12 حسيت اني في عربية الماني او ايطالي التابلوه خاماته افضل بكتير من الموديلات القديمة والتقفيل ارقي بكتير من القديم
بالنسبة للمعلومات اللي عندي كانت علي ام 11 اكثر من ام 12 لانها مش منتشرة زي الام 11 بس العربيتين واحد من حيث الشكل العام والتكنولجيا والموتور والعفشة والصالون والتابلوه والانوار والازرار كلهم شكرو في الام 11 جدا جدا ومفيش شكوي من اي حاجة بس عيوب التصنيع في الام 11 والام 12 اقل بكتير جدا عن الموديلات الاخري مثل 516 لما كانت نزله و 620 و ايه 113 زي مثلا مساحات مش شغاله كويس لمبة نورت مره ومره لا اكرة باب او شنطة نشفه شوية دراع نور او مساحة خشن في الحركة بس كله تعالج بسهولة في التوكيل بدون اي مشاكل تاني الثبات عالي في السرعات العالية والبطيئة والمنحيات علي سرعة 120 ك امان وثبات تمام التمام واحد من اللي سئلتهم قلي ان دخل بوش العربية في عربية لانوس في جنبها اليمين قال الوش بتاع ام 11 اكيد ادمر نزل يبص بعد الخبطة لقي نغزة بسيطة في حرف الكبوت بتاعه واللانوس الرفرف اليمين بالباب اليمين في الضياع مصدقش نفسه ان عربيته حصلها نغزة بسيطة وبس بعد الخبطة القوية ده كانت ام 11 2011
بعد المعلومات ده كلها كنت بفاضل بين ام 12 وايمجراند لقيت ام 12 احلي واشيك ونفس الاوبشنس واقوي في الصاج وعفشة رياضية
ارجو تصحيح اي معلومة ذكرتها تكون غلط من مالكي ام 11 او ام 12 ولو فيه اي معلوما اضافية ياريت تزودني بيها
رد مع اقتباس
  #3  
قديم 14-01-2014, 01:35 PM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: كل شئ عن m11 و m12

موضوع جميل يا استاذ محمد
و حيبقى مرجع كويس عن العربيات ديى
__________________

سبحانك لا علم لنا الا ما علمتنا
رد مع اقتباس
  #4  
قديم 17-01-2014, 06:06 PM
medo_nice medo_nice غير متواجد حالياً
 
تاريخ التسجيل: Oct 2008
المشاركات: 38
medo_nice will become famous soon enough
Smile رد: كل شئ عن m11 و m12

الله يخاليك
انا بس عاوز ان اللي يفكر يشتري نوع معين من السيارات يلاقي صفحة خاصة بالنوع ده موجود فيه جميع المعلومات المطلوبة والتقييمات اللازمة للسيارة بشرط يكون ماكي السيارة هما اللي بيكلمو عنها مش حد سمع من حد
وياريت كل نوع سيارة يتعملو صفحة خاصة بيه علشان البحث في المنتدي يكون اسهل واسرع للوصول للمعلومات المطلوبة
رد مع اقتباس
  #5  
قديم 28-01-2014, 01:05 PM
مصطفى عبدالعزيز مصطفى عبدالعزيز غير متواجد حالياً
 
تاريخ التسجيل: Jan 2014
المشاركات: 1
مصطفى عبدالعزيز is on a distinguished road
افتراضي رد: كل شئ عن m11 و m12

السلام عليكم يا استاذ ميدو انا معايا m11 من سنة ونصف تقريبا وانا اشتريت العربية بعد ما قعدت ادرس اربعة اشهر فيها وكل السيارات من نفس فئتها فوجدتها الاوسع والافخم والاكثر فى الكماليات والاجمل فى التصميم والاعلى فلا مشكلة فى جميع انواع المطبات يعنى تنسى حكاية تاخد المطب بالجنب وبعد شرائها واستعمالها لمدة عام ونصف تاكدت الحمد لله ان دراستى لها ومقارنتى للسيارات الاخرى كانت سليمة يكفى ان اقول لك اننى لاكثر من ثلاث مرات اسير على 180 على طريق الكريمات والعربية ثابتة لدرجة انك تسيب الدركسيون ومفيش مشكلة وبدون مبالغة من الصعب على كل السيارات فى فئتها منافستها فى موضوع الثبات ده ببساطة لانها الاثقل وزنا فيهم جميعا والاعرض والعيب الوحيد الذى وجدته فى السيارة هو ان عفشتها رغم انها ناعمة جدا ولا تشعرك باى مطب ولكن تحتاج تربيط كل 6 شهور على الاقل وربما هذا لانى اقارن بسيارة كيا كانت معى ولم تحتاج لتربيط لمدة 3اعوام وفيما عدا ذلك فالسيارة ممتازة وتستمتع بالتابلوه الرائع التصميم عندما تركبها وتتميز بنظام صوتى رائع لوجود6 سماعات موزعين بشكل جيد وكراسيها تتميز بالتساع والفخامة والكنبة يمكن طيها الثلث والثلثين مما يتيح فرص للتخزين افضل وهذه الميزة غير موجودة فى كل السيارات فى فئتها وتنذرك صوتيا عند وجود اى خطا مثل التحرك بدون انزال فرامل اليد اونسى المفتاح فى الكونتاكت او ترك الشنطة مفتوحة وبها نظام الايموبيليزر لمنع السرقة وفرامل مانعة للانزلاق وتوزيع للمكابح فتشعرك بالسيطرة الكاملة عليها حتى عند الفرملة على السرعات العالية والملفات النهاية هى سيارة امكاناتها تفوق ثمنها وانا من ملاك السيارة الاعضاء فى الموقع وتحت امر اى عضوللاستفسار وتبادل الخبرات واسف على الاطالة
رد مع اقتباس
إضافة رد

الكلمات الدليلية
chery, chery speranza, اسبيرانزا m11, اسبيرانزا m12

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:36 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017