مبرد زيت محركـ

المشاركة الأصلية كتبت بواسطة وائل احمد السيد السلام عليكم انا حابب اقول مشكلة حصلت معى اليوم يمكن يكون فيها حل ولو لم تفيد اهو قلت اعرفكم بالمشكلة التى واجهتنى وطرق حلها انا كنت رايح اليوم لترصيص العجل عند واحد اعرفة ببنزينة شل اللى بجوار نادى السكة الحديد وانا على بعد 10 متر منة لقيت العربية بتطلع دخان من الكبوت من ناحية قربة الراداتير امام الدركسيون مباشرا فطبعا ركنت على طول وبطلت العربية وفتحت الكبوت فوجدت قربة الراداتير فاضية والمية مغرقة الموتور وحوالين القربة . وطبعا مية الراداتير مش مياة بالمعنى المفهوم لا دى مياة مخصوصة زى اكنها مية وزيت مع بعض فطبعا انا ليس لدى اى خبرة تذكر بالسيارات فقمت بالاتصال بصديق وشرحت لة اللى حدث وكان ردة عليا كلاتى : قال اكيد ان مروحة الراداتير قفشت فطبعا سخنت الموتور ومية الراداتير سخنت جداوخرجت من غطاء القربة بدخان ابيض فقلت لة ان المية اللى موجودة عامل كأنها فيها زيت فقالى استنى لما الموتور يهدى خالص وبعد كدة دور العربية وزود مية لحد ما تيجى لنا بالحرفيين المهم عملت كدة دورت العربية و زودت مية وطلعت على الحرفيين وانا مراقب حرارة المحرك وكان الحرارة زيادة لكن المؤشر لم يتعدى نص المؤشر . المهم وصلت فاول حاجة اكتشفنا ان مروحة الراداتير مش شغالة وفية ريحة شياط طالع من موتور المروحة فاكتشفنا ان المروحة بتخبط (مزنوقة )فى الكفراللى حولين المروحة وهو اللى مخليها مش بتشتغل ودة اثر على موتور المروحة وخلاة يطلع شياط وكمان جعل فيوز المروحة ضرب وكان فيوز مقاس 30 فطبعا اشتريت فيوز جديد وركبتة وفكينا المروحة كلها واستعدلنا الشاسية اللى تحت المروحة لانة كان معوج من اثرمطب جامد فى وش العربية وهو اللى كان ضاغط على كفر المروحة الفيبر وجاعل المروحة بيخبط فى الكفر وطبعا لما استعدلنا الشاسية كل حاجة رجعت زى ماكانت وجربنا دورت العربية وسخنتها فالمروحة اشتغلت لوحدها والحمد للة انها لم تبوظ وجربت التكييف المروحة اشتغلت فقلت بالمرة اشترى مية خضرا للرداتير وغدا اغير المية العادية بالمية الخضرا والحمد للة على كدة وعلى فكرة سألنا على المروحة بالكفر بتاعها كاملة 475 جنية وماكناش لاقينها لاننا دورنا عليها كتير لكن لاقيناها عند واحد معرفة لكن ما استخدمنهاش علشان الكهربائى اتصل بينا وقل لنا انة صلح العيب اللى موجود اللى انا شرحتة قبل وكانت بسيطة والحمد للة والكهربائى ربنا يباركلة صانيعى تمام التمام التكلفة الفعلية للعربية وهى شيفولالية افيو 2011 كالاتى : 30 جنية مصنعية للكهربائى // فيوز 5 جنية // جركن مية خضرا 20 جنية المقصود من كل كلامى هو ان ممكن تكون المشكلة صغيرة جدا ولكن عدم وصف المشكلة بدقة ممكن يكون الحلول مش عملية ومضيعة للوقت والمال واللى شاف غير اللى سمع يارب اكون قدرت اوصف المشكلة كويس للافادة شكرا للجميع وتحياتى للجميع