|
#1
13-07-2013, 08:56 AM
|
|||
|
|||
باركولى غيرت فتيس الكروز ف التوكيل
رمضان كريم على كل اعضاء منتدانا
والله ياجماعة الخير انا بصراحة من فرحتى حبيت اطمنكم كلكم بان منصور شيفورلية اتغير وبقى عنده شئ اسمة ... ارضاء عميل .. حفاظا على السمعة /////////////////////// مش هطول عليكم هحكيلكم مشكلتى مع الساحرة كروز طبعا انا مش حارم العربية والله من اى شئ وغيرت ليها زيت فتيس على 45000 وف التوكيل غيروه ... وبعد ما العربية عدت ال 60000 قلت خلاص الضمان راح .. قلت هعمل زى اللانسر اروح لااى ميكانيكى وخلاص .... فجاه ظهرلى عيب جنننى وخلانى اشد ف شعرى العربية من ال 40 الى ال 60 كيلو بتنط للادام وبحس بصوت غريب ف الفتيس الله واعلم ممكن خنقة زيت بعد ا 70 كيلو العربية مفيهاش مشكلة .. الفتيس ف الآر بيعمل نتشة .. قلت لا لازم الحق نفسى .. رحت ع التوكيل وحكيت مشكلتى للمهندس قالى عربيتك كام كيلو قلت لك 60200 كيلو . قالى طيب متقلقشى هجرب العربية واقولك المشكلة فين ... وجرب فعلا وسالنى عن معاد تغيير الزيت وقلت له من 13000 بس اخد عينة وقالى الزيت محروق ... قالى هتصل على مهندس المصنع واتصل وقالى حضرت العربية هتغير فتيس كامل رحت مصدوم ... ياربى ال 53000 الف جنية اجيب بيهم عربية تانية .. قالى يافندم اطمن المصنع عندنا هيتكفل بكل شئ ودا لان حضرتك بتعمل كل شئ ف التوكيل بانتظام .. والله ياجماعة ماتتخيلو السعاده الى حسيتها بجد ... يابشمهندس انت بتصبرنى ولا بتتكلم بجد .. قالى والله بجد انت هتشيل مصاريف التركيب بس .. ياعم انت هتزعلنى تانى لية مانا كنت فرحت ... قالى ان شاء الله مصاريف التركيب مش هتكون كتير ... رحت قلت له طيب حضرتك هتغيرو الفتيس كلة قالى اه والله كله وتقدر تاخد رقم الفتيس دا ولما التانى يركب ابقى شوف .... قلت حضرتك هتحطولى فتيس ال 2013 قالى انت عارف ازاى ... قلت له ال 2010 mh8 وفتيس ال 2013 mh9 قالى هنحط لك فتيس ال 2013 رحت قلت له امتى كل دا قالى سيب العربية وخد بيان استلام وتعالى بعد بكره استلمها .... وفعلا سلمت العربية ورحت بعدها بيوم استلم العربية لقيتها تمام مغيرين الفتيس وشكلة زيروووو فرحت طبعا رحت ادفع مصاريف التركيب لقيتها 1070 جنية اهو ارحم من تمن الفتيس ادفع الف ولا ادفع 53 الف .. وطبعا زيت الفتيس الجديد كمان زيرو بشمع بلادو هههههههههههههه يعنى رحمونى من زيت جديد وفتيس جديد ... والله حبيت افرح كل مالكى الكروز ان من النهاردا بقى عندنا توكيل بجد بيحس بينا وبمشاكلنا وبمشاكل جيوبنا وقله الشغل ف الايام دى ........ حبيت الكل يفرح بجد بس ليا رجاء من الخبراء طبعا ازاى اعرف ان الفتيس دا فتيس ال 2013 MH9 محتاج حد يقولى اعرفة ازاى تحياتى للجميع واسف على الاطالة .............. كريم 
|
|
#2
13-07-2013, 10:51 AM
|
|||
|
|||
|
رد: باركولى غيرت فتيس الكروز ف التوكيل
بجد الف مبروك احلي حاجه في الموضوع اني حسيت بفرحتك بحق وحقيقي .. ربنا يسعدك وتلاقي خدمه العملاء عند جسن ظن حضرتك وعند الجميع ان شاء الله .. كل سنه وانت طيب ورمضان كريم
|
|
#3
13-07-2013, 01:46 PM
|
||||
|
||||
|
رد: باركولى غيرت فتيس الكروز ف التوكيل
الف مبروك على الفتيس الجديد
بس قولي انهي مركز خدمة غيرت عنده الفتيس ؟؟
__________________
 الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn
|
|
#4
14-07-2013, 01:21 AM
|
||||
|
||||
|
رد: باركولى غيرت فتيس الكروز ف التوكيل
انا مش مصدق نفسى الصراحه
مبروووك ع القتيس الجديد تقبل تحياتى
|
|
#5
14-07-2013, 05:10 AM
|
|||
|
|||
|
رد: باركولى غيرت فتيس الكروز ف التوكيل
الف مبروك وان شاء الله تكون العربيه تمام ومتحتجش حاجه تانيه وهي ديه ميزه الصيانات في التوكيل
|
 |
|
|
