البشر الوان و انواع

[Eng/salwa]

المشاركة الأصلية كتبت بواسطة samirayad يوجد صنف آخر أسأل الله أن أكون منهم وهو صنف دائما يفعل الخير مع من يستحقه ومع من لايستحق الخير والصراحه ...........منذ فتره طويله من الأعوام التى مرت من عمرى سألت نفسى بأه ياواد تعمل الخير مع من يستحق ومع من لايستحق الخير قولت لنفسى أيوه أعمل الخير مع أى إنسان يقابلك .....حتى ولو كان عدوك وإذا بى أرى أن هذا هو هدى النبى لأنه كان يفعل الخير ( حتى مع اليهود ) -------------------- ولقيت واحد صديق بيدردش معايا فى هذا الصدد وبيقولى هى دى عايزه كلام !!!!!!!!!!!!!! أعمل ياسيدى الخير مع أهله وغير أهله فإن فعلته فى أهله ... فهم أهله ....... يعنى أنت أصبت فى مكان عملك للخير طيب ....لو أنت عملت الخير مع غير أهله يبقى الفوله فين ...........؟ أنت أهله فهل فيه واحد عاقل لايريد أن يكون من أهل الخير ............؟ ------------------- ولقيت نفسى ناسى مثل شعبى جميل بيقول أعمل الخير ....وأرميه البحر وبناءا عليه ( على رأى الجماعه بتوع مجلس الشعب ) أنا بأحترم جدا أمثالنا الشعبيه ....التى نبعت من تجارب صادقه

هذا هو الصنف الذى يراعى ربنا فى قوله وعمله
وهو الصنف الاخير من انواع البشر التى ذكرتها
جزاك الله خيرا
وجعلنا جميعا ممن يستمعون القول فيتبعون احسنه
واذا وصل الانسان لدرجة ساميه من الايمان و الخلاق
فإنه يفعل الخير مع اهله و من هو ليس اهله ويحارب النفس الامارة بالسوء
حتى تصل نفسه لدرجة النفس اللوامه ثم الراضيه المرضية ثم المطمئنة
اللهم اجعل نفوسنا جميعا يارب راضية مرضية مطمئنة
ولن نصل لهذا فى رأيى الا اذا كنا كبشر متسامحين متحابين متآلفين
لاننا لوفضلنا نملأ نفوسنا نملأ نفسونا بدون تفريغ أول بأول فتلك هى الكارثة بعينها
وده سبب كل امراض الاجسام و النفوس فى آن واحد

اللهم آت نفوسنا تقواها وزكها انت خير من زكاها انت وليها و مولاها
كتير من الادعيه نحس بها قوى فى وقتها
وصلح الانسان مع نفسه هو اول درجة من شفاء القلوب و سمو النفوس

اللهم ألف بين قلوب جميع المصريين يارب واهديهم للصالح وولى امورهم للاصلح

[aymanlaw]

مفيش انسان معصوم من الخطأ ,ونحن لانعيش فى المدينة الفاضلة ,وإلا ماكنش الدعاء الأخير الذى اسردتيه هو هو نفس الدعاء الذى نسمعه كل جمعة فى المساجد ,لاظلم هينتهى ولاالحقد هيزال ولا الكدب هينفذ ,هكذا تكون الحياة (قابيل+هابيل)ولكن المطلوب هو دعاء(لاإله إلا أنت سبحانك إنى كنت من الظالمين)فدائماً نحن ظالمين لأنفسنا وظالمين للغير ,اما ماتسعى إليه من حديثك لن يكون له محل من الأعراب لأننا دائماً نخطأ (وجلى من لايسهوا)وأعتقد مفيش حد لايسهوا وحضرتك اسمك على ماعتقد الأستاذه سلوى يعنى ننسى وده بيحصل كتير وهو نعمة من الله عزوجل لأنه لو لم يكتب علينا السلوى فأنه لن يكن لنا عذر على الأطلاق وكان ساعتها هبيقى يومنا اسود من قرن الخروب لأننا ليس لنا حجة فكيف ننسى ونحن لم يكتب علينا النسيان!!....على العموم شكرأ على الذكر الجميل

[د.هبه77]

والله انا اللي كسبتك فعلا
وحضرتك من الناس اللي الواحد يعتز بمعرفتهم
ربنا يعينك دايما علي فعل الخير في كل وقت وحين
ويجري الخير علي يديك اينما كان
وتكوني (سلوي) لكل حد متضايق او مهموم
احبك الله الذي احببتني فيه
ومتقلقيش مش دايما اسفنج
احيانا الشوك بيطلع برضة

[Eng/salwa]

المشاركة الأصلية كتبت بواسطة aymanlaw مفيش انسان معصوم من الخطأ ,ونحن انا لم اقول ابدا اننا معصومين من الخطأ ولكن السعى لتدارك الخطأ مطلوب لانعيش فى المدينة الفاضلة ,وإلا ماكنش الدعاء الأخير الذى اسردتيه هو هو نفس الدعاء الذى نسمعه كل جمعة فى المساجد وهل هناك عيب فى ان ادعى و الامام و غيره يدعى كل جمعة و كل وقت وهل تكرار الدعاء حتى لو ربنا سبحانه و تعالى أجل الاستجابة لوقت يعلمه هو وحده يضير الداعى او يصيبه بالملل او استعجال الاجابه ,لاظلم هينتهى ولاالحقد هيزال ولا الكدب هينفذ ,هكذا تكون الحياة (قابيل+هابيل)ولكن اكيد كل ده لن ينتهى الآن لاننا فى الدنيا و ليس فى الجنة متفقة معك لا خلاف وهل تصنيفى لانواع البشر ينفى او يتنافى مع كلامك مش عارفة حضرتك مختلف فى ايه المطلوب هو دعاء(لاإله إلا أنت سبحانك إنى كنت من الظالمين)فدائماً نحن ظالمين وطبعا ده دعاء رائع و هو دعاء ذا نون فى الظلمات سيدنا يونس عندما دعى وهو فى بطن الحوت اكيد كان موقن من الاجابة واحنا ندعى و الائمة تدعى كل جمعة طيب حضرتك عاوز تقول ايه من قولك ان دعائى يدعوه كل جمعة ؟؟؟؟؟؟ ايه المشكله لأنفسنا وظالمين للغير ,اما ماتسعى إليه من حديثك لن يكون له محل من الأعراب لأننا ايوه فهمنى بقه اخى الفاضل ايه اللى بترمى اليه فى كلامك ده وايه اللى انت معتقد اننى اسعى اليه ولماذا لا محل له من الاعراب ؟؟؟؟؟ وايه اللى مزعلك من موضوعى اصلا هو تصنيف البش و انواعهم موضوع يزعل ؟؟؟؟ زهل الانواع دى مش موجوده حولنا دائماً نخطأ (وجلى من لايسهوا)وأعتقد مفيش حد لايسهوا وحضرتك اسمك على ماعتقد الأستاذه سلوى وهل انا اشرت فى كلامى الى غير ذلك اخى الفاضل وايوه اسمى سلوى يعنى ننسى هو فيه مشكلة تناقض هذا الكلام فى مضمون كلامى واعتقد انى رديت على الاخ الفاضل م/سمير عياد و قلت فعلا شفاء النفوس فى المغفرة و النسيان لا تناقض قولى بس ايه اللى مزعلك فى موضوعى وانا لا اجد حرج من الاعتذار اذا كنت زعلتك فى حاجة اخى الفاضل بس مش هقدر أغير اسمى يعنى ننسى وده بيحصل كتير وهو نعمة من الله عزوجل لأنه لو لم يكتب علينا السلوى فأنه لن يكن لنا عذر على الأطلاق وكان ساعتها هبيقى يومنا اسود من قرن الخروب يارب اجعل ايامنا كلها ابيض من الحليب القشطة و لا ارانا الله جميعا مكروه فى حبيب الحياه ابسط بكتير مما نتخيل جميعا وانا اذكر نفسى قبل الآخرين بذلك وربنا يهدينا جميعا يارب لأننا ليس لنا حجة فكيف ننسى ونحن لم يكتب علينا النسيان!!....على العموم شكرأ على كلامك هنا متناقض فكيف تقول اننا بشر قبل ذلك ولازم نغفر ونسامح ثم تقول هنا اننا كيف ننسى على العموم شكرا على مداخلتك و ارجو الا اكون ضايقتك بموضوعى هذا الذكر الجميل

الرد فى الاقتباس

[خميس حسن]

اللهم ارنا الحق حقا وارزقنا اتباعه
وارنا الباطل باطلا وارزقنا اجتنابه

للاسف يابشمهندسة الحق اصبح غريب فى زماننا وينفر منه الكثير من الناس
والدبلوماسية تكسب