محتاج مساعدة فى اسرع وقت بخصوص بيجو 305

[ياسر غزى]

الساده الافاضل لى بكل احترام راى اخر بالنسبه ل 305 هيه فى الاخر بيجو ولا يقارن اية سياره بيجو بسياره فيات اما عن اسعار قطع غيارها غاليه نسبيا ولاكنها معمره حتى فى الظروف الصعبه سواقه سيئه او طرق وعره تحتاج اعادة نظر من القائمين عليها
انا تاجر قطع غيار سيارات مستعمله واعرف جيدا الفرق بين الاسد الفرنسى والسيارات الايطالى مع كل الشكر

[ahmedfahim]

المشاركة الأصلية كتبت بواسطة ياسر غزى الساده الافاضل لى بكل احترام راى اخر بالنسبه ل 305 هيه فى الاخر بيجو ولا يقارن اية سياره بيجو بسياره فيات اما عن اسعار قطع غيارها غاليه نسبيا ولاكنها معمره حتى فى الظروف الصعبه سواقه سيئه او طرق وعره تحتاج اعادة نظر من القائمين عليها انا تاجر قطع غيار سيارات مستعمله واعرف جيدا الفرق بين الاسد الفرنسى والسيارات الايطالى مع كل الشكر

الله ينور عليك يا بشمهندس
ان شاء الله انا ناوى اجيب العربية دى قريب جدا

[حسام البورسعيدى]

اوعى تغلط الغلطة دى يا كبير ...

اياك والـ 305 اللعينة ...

اهم حاجة تبعدك عنها ان قطع غيارها غاااالية جدا جدا و نادرة كمان ...

يكفى انى اقولك ان جوز الكبالن الاستيراد بيعدى 600 جنية لو لقيتهم اساسا .. الكربيراتير معدى 300 جنية واكتر ... بلاش دى .. المكنة بالفتيس الاستيراد بتاعتها معدية 6 الاف جنية .. ههههههههه

ده غير ان الفتيس 4 نقلات بس و الموتور ضعيف جدا وتصليحة مكلف جدا ..

علشان كده بقولك اوعى تغلط غلطة حياتك وتجيبها ...

وكل الكلام دة عن تجربة مع عربية ولاد خالتى 305 موديل 1978 ... اللى عاصرت معاهم مشاكلها وياما ركبتها وصلحتها معاهم .. فأنا عارف اللى انا بقوله ....

تحياتى يا كبير ....

[medo84eg]

مع احترامي لكل الاراء
و كلها صحيحه
و لكن
بالنسبه للعربيه دي اولا لازم اننا نتفق انها ذات صناعه ممتازة
و نتفق بردو ان قطع غيارها غاليه لكن معمره
كمان مش اي حد بيفهم في اصلاحها
لكن بسبب انها عربيه فرنساوي و لو متحافظ عليها معتقدتش هتحتاج تصليح كتير
ايوة قطع غيارها غاليه
لكن عمرها اد ايه ؟
اللي قال انها عربيه حلوه و ذكر مميزات معاه حق
و اللي قال وحشه و ذكر عيوب العيوب دي موجوده
و عليك القرار
لو بتحب توفر فلوس و تدفع في قطع غيار غاليه و تعيش يبقي هاتتها
لكن لو عاوز تجيب رخيص ثم رخيص و ربنا يفرجها ( و لكن عمر قطع الغيار اقل ) يبقي اشتري الفيات مثلا
اتمني اني اكون افدت

[حسام البورسعيدى]

المشاركة الأصلية كتبت بواسطة medo84eg مع احترامي لكل الاراء و كلها صحيحه و لكن بالنسبه للعربيه دي اولا لازم اننا نتفق انها ذات صناعه ممتازة و نتفق بردو ان قطع غيارها غاليه لكن معمره كمان مش اي حد بيفهم في اصلاحها لكن بسبب انها عربيه فرنساوي و لو متحافظ عليها معتقدتش هتحتاج تصليح كتير ايوة قطع غيارها غاليه لكن عمرها اد ايه ؟ اللي قال انها عربيه حلوه و ذكر مميزات معاه حق و اللي قال وحشه و ذكر عيوب العيوب دي موجوده و عليك القرار لو بتحب توفر فلوس و تدفع في قطع غيار غاليه و تعيش يبقي هاتتها لكن لو عاوز تجيب رخيص ثم رخيص و ربنا يفرجها ( و لكن عمر قطع الغيار اقل ) يبقي اشتري الفيات مثلا اتمني اني اكون افدت

كلامك جميل ورأيك يحترم وعلى راسى طبعا ..

وانا متفق معاك فى حالة واحدة .. ان تكون الـ 305 المعدلة المعروفة باسم "الطيارة" من اول موديل 80 ...

لكن القديمة لا والف لا ...

عربية ضعيفة جدا وحاجتها مش موجوده .. بالرغم انى من بورسعيد ..

واستحالة هتلاقى حالة نضيفة منها علشان نقر نقول حاجتها معمرة والكلام ده ...

وموديلات قبل 80 (القديمة) مفيش اى موتور بيركب عليها غير موتورها ..

ناهيك عن مشاكل عفشتها المتكررة ....

ودى نصيحة عن تجربة ومعاناة طويلة مع العربية دى ...