|
#1
06-01-2012, 07:29 AM
|
||||
|
||||
انا مذهول لأقصى درجة من المهازل اللى بتحصل فى المنتدى ...
مبدئيا يا جماعة انا عاوز اقول حاجة ..
اول مره دخلت فيها المنتدى وقبل حتى ما اسجل فيه شدنى اوى طريقة الحوار بين اعضاء المنتدى .. وشدنى اكتر ان نادرا ما الاقى موضوع استفسار من احد الاعضاء ومفيش حد يرد عليه حتى لو مقدرش يفيده اوى .. وبعد ما قلبت فيه شويه قررت وفورا انى اشترك ... اشتركت بنيه مساعده الغير فى كل ما يتعلق بالعربيات باللى ربنا انعم عليا بيه من خبره متواضعة فى العربيات بشكل عام .. وقررت من اول لحظة سجلت فيها انى ابدأ فى الرد على استفسارات كتير فى اقسام كتير حسيت ان رأيى هيكون مهم فيها وهينفع صاحبها .. ولو حد دور فى اول مشاركات ليا هيتأكد من صحه كلامى .. الحمد لله انا راضى عن مجهودى فى المنتدى وحسيت ان فى ناس كتير استفادت منه .. وكنت فخور جدا وانا حاسس ان مجهودى بييجى بفايده وبحس ده من الردود على مشاركاتى بعد كده .. لانى عمرى ما بخلت على حد باى معلومة صغيره او كبيره ... ومع تفاعلى يوم ورا يوم فى مصر موتورز اللى كل يوم كنت بزداد اعجاب بيه وبطريقة ادارته والاهم من كده الروح الجميلة بين الاعضاء اللى والله العظيم عمرى ما حسيتها فى اى منتدى تانى على الشبكة العنكبوتيه ... ومع مرور الايام انا اصبحت مدمن لهذا المنتدى .. يعنى بجد وبدون مبالغة اصبح الدخول على مصر موتورز من الاعمال اليوميه بالنسبة لى .. ياما عشنا لحظات حلوه على هذا المنتدى الرائع .. عشناها كأسره واحده واخوات .. اعيادنا وافراحنا فرحنا بيها سوا .. وياما شفنا ايام وحشه برضو واحنا مع بعض .. انا فاكر اول مره المنتدى وقف فيها لعطل فنى من اول ما اشتركت .. بقيت زى المجنون .. مبقتش عارف اتصرف ازاى .. ومبقتش عارف المشكلة من عندى ولا من المنتدى .. وساعتها عرفت اد ايه انا بقيت مرتبط بالمنتدى وبأعضاؤه .. وبجد كنت فرحان انى بدل ما عندى عيلة بقى عندى اتنين .. عيله بكل ما تحمله الكلمة من معنى .. ناس عاقله ومحترمة ومهذبه وعلى قدر عالى من الادب والتواضع .. بقيت افكر مع نفسى سبحان الله اللى جمع ناس حلوه زى الموجوده هنا مع بعض .. وبقيت فرحان اكتر لما لقيت ملتقى مصرى لمحبى العربيات فيه كل المميزات دى .. استاذنا الغالى وائل " ابو نورا " مؤسس ومالك المنتدى .. وهو شخص على قدر عالى من الاحترام والتواضع .. من يوم ما احتكيت بالمنتدى وانا عرفت انه شخصيه رائعة ومحبوبة من جميع اعضاء المنتدى .. للاسف لم انل شرف لقاؤه وجها لوجه ولكن اذكر انى كلمته اكتر من مره فى التليفون وده كان شرف كبير فعلا .. ياما سهر الليالى وهو بيحارب اعداء المنتدى من اعداء النجاح .. وياما بذل مجهود وتعب ايام متواصله علشان المنتدى ياخد المكان اللى هو فيه دلوقتى ويبقى بالصوره الجميله دى ويوصل للمرحله دى من النجاح فى وقت قياسى ... و استاذنا احمد ممدوح " كورسير " شخص قلما تجد مثله فى هذه الدنيا .. انسان بسيط وطيب ومن الذ وامرح واطيب واجمل الشخصيات اللى ممكن تتعامل معاها فى حياتك .. روحه الجميله اللى دايما ماليه مواضيعه كانت دايما بتبقى اول حاجة بشوفها لما بفتح المنتدى .. عضو متميز وقريب لقلوبنا جميعا وصاحب اعلى عدد مشاركات فى المنتدى ... كل دى صفات لمستها فيهم من خلال احتكاكى بالمنتدى طوال الفتره دى .. وده كان شئ عادى من منتدى رائع زى مصر موتورز .. ولكن اللى مش عادى .. واللى انا مش قادر اصدقه لغايه اللحظة دى انه يحصل خلاف ويحتد للدرجه دى بينهم ... وانه يصدر من عضوين .. مش عاوز اقل اهم ولكن اشهر عضوين فى المنتدى بما لهم من نصيب كبير من مشاركات المنتدى .. وتصدر عنهم اسائات خارجه بهذه الشكل .. فده شئ لا يصدقه عقل ابدا ... ايا كان السبب .. فميش اى سبب فى الدنيا .. سواء كلام فى سياسه او غيره يستدعى انه يحصل خلاف بين عضوين بمثابه اشقاء فى منتدى واحد .. ولو حد حاسس انى ببالغ فى كلامى ده يدور على فيديوهات لمقابلات المنتدى زى مقابله الاحتفال السنوى .. ويشوف الروح اللى بين الاتنين دول بالذات ازاى ... طبعا وارد ان الشيطان اللعين يدخل يعكر الصفا بين اى ناس فى الدنيا .. واحنا بشر ومش ملايكة ولازم وحتما ولا بد نغلط ... ولكن الحكمة اننا نعرف بسرعه غلطنا وتحس ان اللى بيحصل ده عيب وميحصش قبل الموضوع ما يتمادى .. صدمتى النهارده لا توصف مش علشان كورسير اخد وقف 4 ايام او علشان ابو نورا اخد وقف اسبوع وقرر هو انه "يبقشش" ع المنتدى ب اسبوعين وقف زياده بدون اى مبرر وكأن فراق المنتدى واعضاؤه شئ عادى وسهل .. ولكن صدمتى بسبب احساسى بان المنتدى بدأ ينحدر .. كثرت الخلافات لاتفه الاسباب وبقينا بنبص تحت رجلينا .. بل بقينا بنرجع ونبص لورا بدل ما نبص لقدام ونشوف مستقبلنا .. مصدوم لاننا بدأنا ننسى ان المنتدى عباره عن جدار من الطوب اذا شلنا منه طوبه واحده هينهار كله ... انا اول مره اتكلم فى موضوع زى كده وبالصراحه دى فى المنتدى .. بس انا فعلا بقيت مصدوم من اللى بيحصل .. وحاسس انى بقيت مخنوق اوى من الخلافات بين الاعضاء اللى بقت مبتخلصش وبقت تتشعب وتتعقد اكتر واكتر ومحدش عاوز يتنازل علشان المركب تكمل وتمشى .. بجد مذهول ومصدوم ومخنوق ومهموم .. ربنا يهدى الجميع .........
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ  
|
|
#2
06-01-2012, 09:08 AM
|
||||
|
||||
|
رد: انا مذهول لأقصى درجة من المهازل اللى بتحصل فى المنتدى ...
المنتدى نفسه ككيان ملهوش دعوة
لانه ببساطة هو صورة سايبرنتك عن المجتمع البشرى و الله بيحصل ده دليل ان احنا بشر و بشر صادق مش ألات خلف الشاشات
__________________
سبحانك لا علم لنا الا ما علمتنا
|
|
#3
06-01-2012, 09:34 AM
|
||||
|
||||
رد: انا مذهول لأقصى درجة من المهازل اللى بتحصل فى المنتدى ...
اللهم اصلح ذات البين
|
|
#4
06-01-2012, 10:01 AM
|
|||
|
|||
|
رد: انا مذهول لأقصى درجة من المهازل اللى بتحصل فى المنتدى ...
يارب اهد الجميع ..
|
|
#5
07-01-2012, 04:55 AM
|
||||
|
||||
|
رد: انا مذهول لأقصى درجة من المهازل اللى بتحصل فى المنتدى ...
و الله نفس الحالة اللى أنا فيها دلوقتى يا أستاذ حسام ....
ربنا يهدى الجميع ............
__________________
That is My Renault
|
 |
|
|
