بسم الله الرحمن الرحيم حساس الأكسجين (الشكمان) Heated Oxygen Sensor) )

[الشيخ محمد الميكانيكى]

بسم الله الرحمن الرحيم

حساس الأكسجين (الشكمان) Heated Oxygen Sensor) )

سوف نتناول تعريف حساس الأكسجين او كما يطلقون عليه حساس الشكمان Heated Oxygen Sensor) ) وطريقة عمله وكيفية أختباره وزى كل مرة هحاول أبسط المعلومة قدر أستطاعتى علشان المعلومة توصل لكل الناس












حساس الأكسجين(الشكمان) O2 Sensor وظيفته هى قياس نسبة الأكسجين فى العادم الناتج عن حريق الخليط (هواء+بنزين) وعن طريق تحديد هذه النسبة يستطيع الكنترول معرفة ما إذا كان خليط الشحنة الداخلة الى المحرك غني أو فقير
(Lean or Rich)علشان يقدر يظبط كمية البنزين اللى الرشاش بيرشها عن طريق انه يطول او يقصر زمن الرشة وطبعا زمن الرشة هيه الحاجة اللى نقدر نتحكم فيها لأن كمية الهواء الداخلة بتبقى حسب رغبة السائق عن طريق دواسة الأكسليراتولر وطبعا بالنسبة للمحركات التى بها تربو يمكن التحكم فى كمية الهواء نسبيا



ويوجد حساس الشكمان بعد مشترك مانيفولد العادم مباشرة (بعد الفرن) وفى معظم السيارات الحديثة يوجد 2 حساس أوكسجين بعد مشترك مانيفولد العادم والثانى بعد الكاتليزر ووظيفتة الحساس رقم 2 هو التأكد من ان الكاتليزر يعمل بصورة صحيحة




















أزاى غنى او فقير او بالنسبة لأيه؟

فى الأول لازم نكون متفقين على ان النسبة المثاليه لكمية البنزين إلى الهواء الداخل للشحنة هى 14.7:1 بمعنى تانى ان كل1 جرام بنزين خارج من الرشاش الى غرفة الحريق المفروض يقابله 14.7 جرام هواء وعمليا على جهاز تشخيص الأعطال النسبة دى مش هنشوفها بالطريقة دى بس هنشوف فرق الجهد (سيجنال) الحساس وهى فى حالة السلانسيه بتكون من 0.45 إلى 0.5 فولت



طب أشمعنى النسبة دى بالذات؟

علشان دى النسبة اللى بنتج عند حرقها تعطى اقل كمية ملوثات للبيئة مثل ال (NOx, CO, HC) اول اكسيد الكربون وجزيئات الكربون (الهباب) وأكاسيد النيتروجين


طب امتى بنقول على الخليط غنى او فقير؟

· إزاى غنى؟
علشان نفهم فى الأول هنثبت نظريا نسبة البنزين فى الخليط ولنفترض انا كمية البنزين دى هتكون 1 جرامولو كانت نسبة الهواء الى البنزين 13.2:1 معنى كده ان كمية الهواء فى الخليط هى 13.2 جرام وكمية البنزين هى 1 جرام وبكده هيكون الخليط غنى بالبنزين لأن نسبة الهواء قلت عن 14.7 (مع تثبيت نسبة البنزين)والنسبة دى هتتقرى على جهاز التشخيص فى قراءة خرج فولت الحساس وهتكون حوالى 0.9 فولت

وده هيسبب عدم أحتراق كامل لكمية البنزين الداخلة فى الخليط فنلاقى

- رائحة العادم بها جزيئات بنزين لم تحترق بنقول عليه( العادم ناى)
- خروج داخنة لونها مايل للسواد من الشكمان
- تراكم الكربون على سن البوجيه فبنقول ان البوجيه مش حارق أو مهبب ومع الوقت يتسبب فى ضعف الشرارة الخارجة من البوجيه ويؤدى الى تلافه بصورة أسرع
- تراكم الكربون فى مصفة الشكمان وعلى ديل الشكمان
- تراكم الكربون على حساس الشكمان ومع الوقت يسبب تلف الحساس
- سحب أقل للسيارة












· إزاى فقير؟
لوثبتنا نظريا نسبة البنزين فى الخليط بى 1 جرام ولو كانت مثلا نسبة البنزين للهواء 16:1 وهتتقرى على جهاز التشخيص بى حولى 0.2 فولت ومعنى كده ان الخليط فقير بالنسبة لكميه البنزين لأن كمية الهواء زادت عن 14.7 (مع تثبيت نسبة البنزين)


وده هيسبب

- سخونة زائدة ناتجة من الحريق مما يسبب زيادة سخونة المحرك
- حدوث الصفع (تصقيف المحرك مع دوسة البنزين)
- زيادة نسبة أكاسيد النيتروجين NOx الملوثة للبيئة فى العادم التى تتكون فى دراجات الحرارة العالية



تركيب حساس الأكسجين (الشكمان) وطريقة عمله



يتكون النوع الشائع من حساس الأكسجين من مادة الزركينيوم دايووكساييد (Zirconium Dioxide) وهى مادة ِشبيهه للسراميك موضوع بين سطحين من البلاتنيوم (two platinum electrodes )وعند تشبع مسام هذه المادة بى (أيونات) الأكسجين ينتج فرق جهد ويكون فرق الجهد هذا بماثبة سيجنال أو أشارة الحساسويوجد أيضا ساخن كهربى فى جسم الحساس وظيفتة التسريع من وصول الحساس لدرجة حرارة التشغيل وهى حوالى 315 درجة مئوية
Open & Closed Loop
عند بداية تشغيل السيارة يتجاهل الكنترول قيمة سيجنال حساس الأكسجين بسبب انه لايعطى خرج سيجنال صحيح الا بعد وصوله الى درجة حرارة التشغيل حوالى 315 درجة مئوية ويظهر هذا على الجهاز عند قراءة ال Parameters للحساسات فنجد عند بداية التشغيل على البارد ان الكنترول بيعمل Open loop على قراءة الحساس بمعنى ان الكنترول بيحط قيمة أفتراضية من عنده لقيمة سيجنال الحساس وعند وصوله الى درجة حرارة التشغيل يدخل فى موود ال Closed loop عندما يبدء فى الأخذ بقراءة الحساس
علاقة عمل حساس الأكسجين (الشكمان) بكنترول المحرك وكيفية تشخيص أعطاله
Heated Oxygen Sensor and it’s Realtion To ECU

حساس الأكسجين ال 3 طرف وتكون تقسميته كالأتى



A كهرباء عمومى 12 فولت قادمة من علبة الفيوزات عند فتح الكونتكت للسخان
B أرضى عمومى للسخان وأرضى السيجنال ( Low Refrence)

C سيجنال الحساس (high Ref. ) إلى الكنترول


ملحوظة
يتم فصل السخان هنا عن طريق تايمر مثل سخانات المحركات الديزيل

حساس الأكسجين ال 4 طرف وتكون تقسميته كالأتى



1- كهرباء عمومى قادمة من علبة الفيوزات 12 فولت عن طريق الريلاى الرائيسى للكنترول
2- أرضى كنترول
3 و 4 سيجنال الحساس ال High و ال LOW





معنى Low Refrence Signal) ) هى أرضى سيجنال الحساس
معنى ( high Refernece Signal) هو خرج فولت الحساس بالنسبة لأرضى السيجنال


و هذان السلكان (high و low) يدخلاان الى الكنترول ويعمل هنا الكنترول كا أفوميتر حيث يقيس فرق الجهد بين ال LOW و أل High و يحول هذه الأشارة (الأنولوج) إلى إشارة ديجيتال وبالتالى يستطيع التعرف على قيمة أشارة الحساس الدخلة له

تشخيص أعطال الحساس

يتم الأنتباه الى مشكلة فى حساس الأكسجين إذا ما وجدنا الأعراض التالية

خروج داخنة مائلة للسواد من الشكمان ووجود هباب بداخل ماسورة الشكمان مع متابعة رائحة العادم إذا كان ناتج عن حريق غير مكتمل ( ناى)
وجوود كربون (هباب) على البوجيهات
أستهلاك زائد فى البنزين



يمكن ملاحظة بداية تلف حساس الشكمان عند وضع السيارة على جهاز تشحيص الأعطال بملاحظة مدى حساسيته بمعنى ان مدى خرج الحساس على الجهاز من 0.1 فولت إلى 0.9 فولت
فعند الضغط على الأكسليرتور ضغطة مفاجئة وملاحظة قراءة فولت الحساس على الجهاز نجد مدى تغير فى حدود 0.1 فولت الى0.8 او 0.9 وذلك فى حالة عمل الحساس بصورة جيدة


وعند تلف بداية تلف الحساس نجد ان مدى خرج فولت الحساس يقل مع بطىء الأستجابة فى التغيير مع دوسة الاكسيليرتور فيمكن ان تكون عى سبيل المثال 0.4 ال 0.6 فولت
ومع الوقت نجد عدم أستجابة الحساس بصورة كاملة ونجد له قيمة ثابتة لأتتغير فمثلا يمكن ان نجد قرائتة ثابتة على 0.6 فولت لاتتغير مع الضغط على الأكسيليرتور

وذلك نتيجة
تراكم الكربون (الهباب) على مسامه
تلفه نتيجة الوقود الذى به نسبة رصاص عاليه أو ناتيجة
وضع المواد المانعة للتجمد الوقود فى البلاد التى تكون درجات الحرارة بها اقل من الصفرناتيجة
الحرارة الزائدة




وفى حالة فقد أشارة الحساس يحسب الكنترول متوسط قيمة هذه الأشارة لحساس الشكمان عن طريق حسابات بعض الحساسات الأخرى مثل حساسات الأيرماس او حساس ضغط المانفولد ز حساس ال تى بى أسو حساس الكرنك

_________________________ ________
يارب تكون المعلومة وصلت لكل الناس بشكل بسيط

م/أحمد العربى

01111124016

Araby80@live.com



مرسلة بواسطة cairo car في 3:22 م
إرسال بالبريد الإلكتروني
كتابة مدونة حول هذه المشاركة
‏المشاركة في Twitter
‏المشاركة في Facebook
‏المشاركة على Pinterest

التسميات: حساس الأكسجين (الشكمان) توضيح عمل الحساسات وعلاقتها بكنترول المحرك ج2- Heated Oxygen Sensor and Relation to ECU
الأحد، 20 أبريل، 2014

توضيح عمل الحساسات ج2 وعلاقتها بعمل الكنترول Engine Sensors Related To ECU Part2
بسم الله الرحمن الرحيم

فى هذا الجزء سوف نقوم بمتابعة موضوع عمل الحساسات الموجودة بمعظم

المحركات الحديثة والتعرف بكيفية عملها وربطها بعمل كنترول المحرك وسوف

أحاول تبسيط المعلومة قدر أستطاعتى حتى يتثنى للجميع الفهم بطريقة بسيطة
_________________________ _____________________


1. حساس درجة حرارة المحرك (Engine Coolant Temperature Sensor)
يثبت هذا الحساس فى الغالب على كوعة المياه وفى بعض السيارات يثبت على عروق المياه فى بلوك المحرك نفسه
ويقوم بالأحساس بدرجة حرارة مياه التبريد التى تدل على درجة حرارة المحرك نفسه بصورة مباشرة ويرسلها الى الكنترول
ولوحة العدادات اماعن طريق حساس واحد او اكثرمن حساس














طريقة عمل الحساس درجة حرارة المحرك




يتكون الحساس من مقاومة داخلية تتغير بتغير درجة الحرارة يأخذ الحساس الباورالخاص به عن طريق كنترول المحرك وهى من 4.5 ال 5 فولت ويكون الراجع من قيمة ال 5 فولت الى الكنترول هى درجة حرارة المحرك فيكون الطرف رقم
1-باور الحساس من الكنترول 5 فولت 2- سيجنال(أشارة) الحساس الى الكنترول



وهناك حساسات 3 طرف ويكون تقسيمة الحساس كالأتى



1- باور الحساس 5 فولت من خلال الكنترول

2- أرضى الحساس (ارضى كنترول)

3- سيجنال (أشارة) الحساس إلى الكنترول

***وهناك حساسات حرارة طرف واحد فقط مثل الحساس الذى يعطى لتابلوه العدادت مثل الانوس ويعمل عن طريق أرسال فولت ( 12 فولت) من خلال التابلوه كاباور للحساس والارضى هو جسم الحساس وكلما ارتفعت درجة الحرارة كلما تغيرت مقاومة الحساس وبالتالى يحدث تغير فى فرق الجهد السارى من الحساس الى الأرضى (جسم الحساس) وبالتالى يكون باور الحساس هو نفسه السيجنال (أشارة الحساس)







هذا مثال لجدول يوضح علاقة تغير درجات الحرارة وتغير مقاومة الحساس والفولت يقيس من 10 ال 120 درجة مئوية


مشاكل حساس الحرارة وعلاقته بالكنترول

وتتمثل فى فقد أشارة الحساس نتيجة تهالك او قطع فى الضفيرة او تلف الحساس نفسه وفى الحالتين يفقد الكنترول قيمة درجة حرارة المحرك ويظهر هذا فى





عمل مرواح التبريد سرعة عالية بصورة دائمة لدخول الكنترول موود ال Fial Safe وذلك لتجنب ال Over heating او السخونة الزئدة للمحرك


ارتفاع سرعة المحرك بصورة دائمة ليصل الى 1000 او 1100 RPM حتى مع تشغيل المحرك لفترة واستهلاك عالى فى الوقود بسبب ارسال الحساس لقيمة درجة حرارة منخفضة تترواح بين -40 الى 0 بصورة دائمة فى كثير من الحالات وبالتالى يفهم الكنترول ان المحرك فى مرحلة ال Cold Start او التشغيل على البارد وبالتالى يعطى امرالى الرشاشات للتقطيع فترات زمنية اطول من المعتاد حتى يسخن المحرك حتى وان كان المحرك فعليا ساخن

عند حدوث قطع فى باور الحساس 5 فولت او الارضى نجد حدوث أرتفاع huntingاو لخبطة فى المحرك وانحفاض فى سرعته على السلانسيه وذلك لان فى بعض السيارات يكون حساس الماب او حساس ال TPS اوحساس الدقاق او بعض الحساسات الاخرى متصلين توالى باور او أرضى وبالتالى عند حدوث قطع فى سلك اى من هذه الحساسات نجد فقد اشارة بعض الحساسات الاخرى مثل الفيات سيينا مما يتسبب فى حيرة لبعض الفنين فى تحديد العيب عند قراءة الأعطال بجهاز التشخيص نجد أن اخطاء فى اكثر من حساس

أختبار الحساس خارجيا



يتم وضع الحساس فى ماء ساخن ومعرفى درجة حرارته عن طريق الترمومتر وقياس مقاومة الحساس عند
درجة الحرارة المعلومة ومقارنتها بقيمة درجة الحرارة مع المقاومة بجدول موصفات الحساس وملاحظة نسبة الخطاء


انتظرونا فى توضيح عمل الحساسات سوف نوالى تباعا طريقة عمل وأخطاء الحساسات الأخرى

[ahmed_eng2001]

كلام رائع و جميل .... معلومات اول مرة اعرفها .... ربنا يباركلك
فى انتظار المزيد

[atgps]

مش الموضوع ده نشرقبل كده من عضو آخر!!!!

http://www.masrmotors.com/vb/showpos...65&postcount=1

ومنشور باسم العضو araby80