ارشيف الاستراحة 2009

[mtema99]

بجد ترتيب تحفه و بعد اذنكم كل واحد ياخد النقاط اللي هي تترافق معه و سأبدا بنفسي

المشاركة الأصلية كتبت بواسطة noura_taman 7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية). 9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).

كنت ازعل قوي لو فوت بالذات اخترنا لك كل يوم اربعاء و نادي السينما و دريه شرف الدين كل سبت اما اماني و اغاني مكنش كل يوم كنت ساعات بستنصح و بقول اشوفه كل اسبوع و اتفاجأ انه لا تغيير حتى في الترتيب إلا قليل

المشاركة الأصلية كتبت بواسطة noura_taman 15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.

على فكره لسه رجل المستحيل و ملف المستقبل و الاعداد الخاصه الكبيره ديه موجوده عندي فالمكتبه بالاضافه الى ميكي طبعا سواء الجيب او الكبيره اللي فيها صفح كتيره و كمان مش النسخ الاساسه الورقيه فقط لا على الكمبيوتر pdf كمان و تقريبا كل يوم براجع واحده

المشاركة الأصلية كتبت بواسطة noura_taman 21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد). 22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .

انا مبحبش اصلا اروح افراح بس بجد فعلا كنت بسمع الاغنيه ديه تقريبا فكل الافراح اللي رحتها لغايه ممكن اواخر التسعينات و كنت بتغاظ جدا من الاغنيه و من صوت المغني و برضك فيلم كابوريا و استكوزا ولا ليهم اي معنى و ده كان سبب كرهي الاساسي لاحمد ذكي و مخلنيش اتفرجله على ولا فيلم و لا حاجه بعد كده رغم اني كنت بحبه جدا في مسلسل هو و هي

المشاركة الأصلية كتبت بواسطة noura_taman 24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!). 26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها). 28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة) (((وهو فيه حد كان عايش في وقتهم و متبعهمش بس نسيتي كمان الشهد و الدموع )))

على فكره لسه فيه عندي 16 البوم موجود و كلهم كرتون منهم 3 البومات tom& Jerry
بجد ترتيب تحفه و بعد اذنكم كل واحد ياخد النقاط اللي هي تترافق معه و سأبدا بنفسي
اما المسلسلات فاهو فيه حد كان عايش في وقتهم و متبعهمش بس نسيتي كمان الشهد و الدموع و ارابيسك و رأفت الهجان و دموع في عيون وقحه

المشاركة الأصلية كتبت بواسطة noura_taman 32.اذا كنت قد لعبت في طفولتك باحدى اشكال لعبة (الميكانو).

لا ازال احتفظ بكل الميكانو و بكل المسامير اللي فيه بل اني اشتريت واحد كبير الشهر الماض

المشاركة الأصلية كتبت بواسطة noura_taman 33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح). 40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!) 41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني. 42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان. 43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول). 45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي. 47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز).. (((فين بوجي و طمطم))) 49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة. 50.اذا كنت قد شاهدت الزمالك ينسحب مرتين من مباراته مع الأهلي..مرة في أخر خمس دقائق بسبب هدف صحيح ومرة في أول خمس دقائق بسبب كارت أحمر مشكوك في صحته.

فكرتينا الله يرحمك يا خال و انا عندي 11 سنه كده قالولي خالك جاب عربيه شبح و قعدت طول الليل افكر ازاي الشبح يبقى عربيه و ساعتها قعدت فتره خايف من خالي بدل ما يجبلي الشبح اللي انا عرفت انه هو العفريت

النقطه 40 و النقطه 50 دوول اللي كنت مستغربهم جدا و تحديدا لسه فاكر المتش اللي كل جماهير الزمالك كانت بتشتم في حسام و ابراهيم عشان كانوا هما السبب فكل اللي حصل و بسبب كل ده انسحب الزمالك من المتش و بعديها بكام سنه راحوا الزمالك و الجماهير استقبلتهم و ساعتها دماغي قعد يلف و اقول مش دوول كانوا لسه بيشتموا فدوول و لغايه دلوقتي مش لاقي تفسير زي برضك الحضري كان لسه راجعين من امم افريقيا و طالع على القنوات و معرفش هنعمل ايه و ايه و فجأه الحضري هرب لسويسرا لا والله انتم بتهرجوا هات لما شوف !!!! ده طلع بجد

مش هعلق على 41 و 42 و 43 و 45 و 47 و 49 لانهم فعلا مش محتاجين تعليق

بس كنت بكره تيسير فهمي قويييييييييي

[sam ram]

تحفه .... تحفه .... تحفه ptmnlo123per112
بس هو اكيد فيه تداخل اجيال ... يعني انا مواليد 74 .... بس تلتين الكلام ده عاصرته و برضو حتلاقو مواليد بعد 85 نفس الكلام
يعني كدا ممكن اكون من الجيل المنكوس ... او جيل الفنكوش
بس مش عارف ايه احلا من ايه ...يمكن مقرر ايمان الطوخي و احمد عبد العزيز

يااااااه
فكرتيني باحلا ايام الطفوله

برنامج صباح الخير لنجوى ابراهيم و بقلظ .... و سينما الاطفال لعفاف الهلاوي .... و اغنيه يالا بينا لعفاف راضي مع برنامج الساعه 1.5 على القناه التانيه يوم الجمعه (تقريبا كان اسم البرنامج ما يطلبه الاطفال )
فوازير فطوطه و شيريهان ..... عمو فؤاد بيلف بلاد
شيكولاته كورونا ... جوايز واعلانات الشمعدان .... و سامبا الموف و مسابقه بم بم بيقدم جوايز
اعلانات نيرمين الفقي و انسف حمامك ليسيكو .. و سر شويبس لحسن عابدين
برنامج اف ام At your request هاله حشيش
عالم الحيوان - احمد سلطان
مارادونا و فان باستن و رامبو و اميتاب بتشان وارنولد والفيديو اساسي و الافلام الهندي
مسلسلات نوتس لاندنج و فالكون كرست ونايت رايدر و ماكجايفر
افتتاح القناه التالته وافتتاح سينما التحرير ....
مقرر السهره الاجنبي اخترنا لك و اوسكار و نادي السينما
رجل المستحيل و المغامرون الخمسه ... وميكي جيب و سوبر ميكي
كارتون غرندايزر اللي كان بيخلص قبل ما ارجع من المدرسه ... وكارتون سندباد وياسمين ... توم اند جيري اساااااسي
بس فعلا طول عمري كنت بكره تيسير فهمي ... خصوصا في رأفت الهجان
بيتزا هت - كنتاكي - ويمبي - فلفله -
ملاهي كوكي بارك ... و السندباد


ياااه ... مش عارف اشكرك ازاي .... موضوع جميل .. و اسلوب الطرح هااايل ....
فعلا اكتر حاجه رسمت البسمه و فكرت الواحد بذكريات جميله ptmnlo123per171

[noura_taman]

ptmnlo123per154ياجماعة مش عارفة اقولكم ايه كلامكم جميل وردودكم حلوة بس هاعمل اه لازم اعترف ان الموضوع منقول لاتفتكروا اني نبغة ولا حاجة

[Nissan]

شكرا على الموضوع الجميل و فكرتينى بذكريات لذيذة
بس نسيتى حاجة مهمة جدا فى برنامج امانى و اغانى
كان يون نتيجة الثانوية العامة عندى عيد و كنت بضحك ضحك على البنات اللى بيعيطو
ههههههههههههههههههههههههه ههههههههههههه

[Nissan]

بس مش جيل موكوس ولا حاجة
الحمد لله
احنا فعلا ممكن نكون ضحية الغنتقال من الإشتراكية للإنفتاح
و على فكرة الإنتقال ده حصل اصلا قبل ما الناس تفهم الإشتراكية
و دى حاجة متوقعة
فوضى
احنا جيل الفوضى
بس الحمد لله على كل شىء و اللى عايز ينجح هينجح بإذن الله
و ربنا يوفق كل الشباب