تصليح وصيانه مكيف العربيه بدون فك وتركيب وبهدله - تجربه شخصيه

[foolh_old_man2010]

ياعم ربنا يستره معانا

[elmo3alem]

المشاركة الأصلية كتبت بواسطة عمرو سيف معلش هوه في حاجة إسمها رديتيرللتكيف ولا قصدك الردتير العادي بتاع العربية , والمكانيكي ده فين في الرياض ولا إيه النظام لإني بصراحة عندي مشكلة في التكيف إنه مش بيرد كويس في النهار فعاوز أتكد المشكلة من فين من الكمبروسر ولا حاجة تانية . وشكرا

ايوه طبعا اى عربيه فيها اتنين رادتير واحد العادى بتاع الموتور وده اللى باين والنانى لازق فيه بس ملوش مكان تصب منه ميه
ايوه الفنى ده فى الرياض فى الصناعيه القديمه ورا المالكى بتاع مرسيدس لو عايز اجيبلك رقمه من صاحبي اللى ودانى لانى مخدتش رقمه وهوه مخدش منى ع القصه دى الا 150 ريال وبيراعى ربنا

[عمرو سيف]

المشاركة الأصلية كتبت بواسطة elmo3alem ايوه طبعا اى عربيه فيها اتنين رادتير واحد العادى بتاع الموتور وده اللى باين والنانى لازق فيه بس ملوش مكان تصب منه ميه ايوه الفنى ده فى الرياض فى الصناعيه القديمه ورا المالكى بتاع مرسيدس لو عايز اجيبلك رقمه من صاحبي اللى ودانى لانى مخدتش رقمه وهوه مخدش منى ع القصه دى الا 150 ريال وبيراعى ربنا

أنا عارف كويس المالكي اللي في الصناعية , طيب المحل إسمه إيه بعد إذنك وإذا عرفت حضرتك تجيبلي رقمه يبقى كتر الف خير , وشكرا على المعلومة الجديدة دي

[hany_roland]

تنضيف سربنتينة التكييف او ردياتير التكييف زي ما بيقولو سهل جدا وممكن اي حد يعملها بنفسه انك تدخل خرطوم مية من فتحات الاكصدام وترش علي كل السربنتينة عادي هتلاقي تراب وطين نزل منها

[elmo3alem]

المشاركة الأصلية كتبت بواسطة hany_roland تنضيف سربنتينة التكييف او ردياتير التكييف زي ما بيقولو سهل جدا وممكن اي حد يعملها بنفسه انك تدخل خرطوم مية من فتحات الاكصدام وترش علي كل السربنتينة عادي هتلاقي تراب وطين نزل منها

مش اى حد يعرف يعمل كده بنفسه وهوه استخدم ميه نار مظنش ان حد يجيله قلب يعمل كده فى عربيته بدون خبره
مشكور على المرور