لماذا الشعب المصرى غير مهتم بسيارة اودى

[شيروك]

المشاركة الأصلية كتبت بواسطة MO طبعا الطبيعة البيئية ل مصر يصعب التعايش هع اودي و اودي طبعان عربية جميلة و انا بحترمها جدا بس في مصر هنا مش بتعود كتير اخرها 2 سنين او 3 بكتيير و مش هتكمل للاسف

وانا *****وجعني

[haithamnc]

عربيه محترمه جداً بس العقل المصرى هو اللى مش فاهم مع الاسف

[gkababa]

هو موضوع ثقافة مش اكتر
الاودى اعتقد انها مزيج من راحة المرسيدس و قوة البى ام
و فية مشكلة تانية فى التوكيل انة مقصر فى الدعاية دة غير الاسعار العالية

[ahmed_zamalek7]

الاودى عربيه محترمه جدا بس تمنها انا اجيب المرسيدس الهى فى نظرى احسن عربيه فى العالم خصوصا انها ماشيه مع طرق وظروف مصر جدا عربيه سريعه وثبات عالى وامكانيات وتكنولوجيا مش موجوده ده غير ان اعطالها قليله جدا عكس عربيات فى نفس الفئه السعريه كل شويه التوكيل المرسيدس لا يعلى عليها حلمى فعلا انا اجيب مرسيدس سى كلاس بس ربنا يوعدنا ويرزقنا حتى لو توكيل اودى عمل دعايه بردو مفيش اقبال عشان قطع الغيار حتى لو وفرها والجبها غنى جدا مش معقول كل شويه يدفع فى ابسط حاجه 7000 وى ارقام غريبه

[bunnybunny77]

لازم يفتحوا استيراد المستعمل و يخلوا الشعب يركب عربيات بدل المسخ اللى عمالين يستوردوه
لمصلحة مين الاحتكار ده ؟ و لمصلحة ميين ازهاق الاف الارواح سنويا على الطرق لان مصر البلد الوحيدة اللى القانون فيها بيسمى الايرباج و ال abs كماليات فى الجمارك(منتهى التخلف و الغباء) و بيسمح باستيراد عربيات مفيهاش وسائل الامااااان دى (اللى هيا مش dvdو لا فتحة سقف) مع ان دى جريمة فى الدول المحترمة و اللى يستورد عربية مفيهاش وسائل الامان يدخل السجن و تتقفل شركته فورا و كلكوا عارفين ان الصينى الفااااخر(مش لعب الاطفال الصفيح اللى بتجيلنا) لسه لغاية دلوقتى مش عارف يدخل اوروبا و امريكا لعدم مطابقته للمواصفات و عوامل السلامة و الامان الاوروبية و الامريكية(اين المواصفات المصرية نفسى اشوفها و اقراها) و بردوا اى عربيه كوري -يابانى اى ماركة مفيهلش امان عمرها ما هتمشى هناك كله عندنا بس لمصلحة مين الاستهتار بمصر و المصريين للدرجة دى؟هو احنا مش بندفع فلوس والا اييه؟لا و اللهى بندفع و اضعاف اللى بيدفعه الاوروبى و الامريكى و الخليجى و دخولنا لا تقارن بيهم نهائيا هو بياخد عربية لوكس فرز اول و احنا كاننا بنشحتها و هو دا الموجود و ان كان عاجبك.

و اذا كان المستورد بيعمل كدا لزيادة ارباحه فهة خاااااين و قاتل لشعبه و اذا تحجج المستورد بالجمارك اذن هم القتلة و من يقع على عاتقهم ذنب الاف ضحايا الطرق و الذين قد يقل عددهم بمشيئة الله اولا ثم بالاخذ باسباب الامان ثانيا
( ولا تلقوا بأيديكم إلى التهلكة )
و ان مكانش افقر الشعوب العربية يركب استعمال اوروبا امال مين اللى يركب الخليج؟
كل الدول فتحة استيراد 10 سنوات استعمال شوفوا لبنان-ليبيا-تونس-المغرب-الجزائر
و هتلاقوا ان بسعر عربية صينى صغيرة (50000 مثلا )ممكن تركب اودىA4 مستعملة 4-5 سنوات و ماشية بتاع 50000 , و لو شوفتوها كانها زيرو و مرسيدس و بى ام و اوبل و كل الماركات و دا شامل النقل و مكسب التاجر كمان
يا اخواننا العربية بعد 3 سنين استعمال فى اوروبا سعرها بيبقى اقل من الثلث

-و لو اتحججوا بان كده هيحصل زحمة فليبدؤا بالاحلال اولا (كل اللى باسمه عربية قديمة يسلمها و من حقه استيراد عربية استعمال الخارج ) و بعد كدا يعمموها على كل ملاك السيارات و بكده نحافظ على العدد ثابت و نمنع تدخل التجار
-و لو قالوا ان الجمارك مورد للدولة هنقولهم خدوا على المستعمل 20% جمارك بردوا كويس (مع العلم بان المليارات كانت تسرق من اتجاهات اخرى دا غير المليارات المهدرة)


و نتائج الموضوع دا ممتازة


منها
1-القضاء على الاحتكار و الفساد
2-ان سعر الزيرو هينزل
3- شكل الشارع المصرى هينضف و تلوث البيئة هيقل
4- الحرمان من ركوب سيارات البنى ادميين هينتهى و المصريين هيشوفوا العربيات اللى بجد و حمى كوريا هيتم الشفاء منها

الموضوع عايز مطالبة شعبية بالمطلب دا فى مجلس الشعب لان دى حاجة تمس كل مواطن
يارب نتحد كلنا على حاجة مفيدة و الله الموفق و المستعان