ايه اللى بيحصل فى الدنيا مهندس كمبيوتر غشنى قدام عينى

[ezzat2002mo]

السلام عليكم ورحمة الله وبركاتة
انا بكتب الموضوع دة لانى مبحبش الظلم وانا اتظلمت من هذا الانسان واتمنى انه ميظلمش حد تانى والموضوع دة يكون عبرة لكل انسان بييجى يصلح جهاز او اى حاجة عند اشخاص زى دة
الموضوع :
اللاب توب فصل شحن والبطارية عندى صفر ومعنديش شاحن اجرب بيه
مهندس الصيانة:
واحد فاتح يمين رضا حامى بجوار محل اللوتس للموبيليا امام بتاع الكاوتش محل باسم وادى التكنولوجيا tech valley بدقن للاسف الاسم على التروكولر هشام سليم
اللى حصل :
- رحت يوم 3/4/2017 للمحل علشان اللاب فصل شحن
- قالى سيب اللاب لبكرة والحساب هقولك علية فى التلفون
- بعد 2 – 3 ساعات اتصل بي وقالى ان العيب دايرة الباور والشحن وهتكلف من 350 الى 400 جم
ولسة دايرة الكنترول كمان يعنى ممكن اكتر من كدة.
- قلت له بس كدة كتير قالى اصل قطع الغيار غالية ومش عارف ايه
- المهم كلمت ابن خالتى بعد دقيقة شغال فى المجال قالى بلاش تروح لدة بالذات وروح هات اللاب
- ثوانى كنت عندة لانه جارى لو سمحت هات اللاب مش هصلحة
- قالى اتفضل اقعد ساعة اقفلة (وافك الشغل اللى ركبته ايسيهات وحركات )
- قلت له لا واصريت انه يقفلة قدامى دخل خبط خبطتين (5 ثوانى) وطلع باللاب يدوب فاتح مسمار صغير واحد
والله تحته الهارد راح مركب الهارد والمسمار فى غمضة عين (10 ثوان)
- المفاجاة ان اللاب اتصلح ازاى بالسرعة دى (والباشا عاوز حسابه بالكامل 350 جم)
- ياعم انت لسة من 10 دقائق بتسالنى هل اشتغل ولا لا فجاة الحاجة اتركبت واللاب اتقفل واتصلح وكل حاجة تمام ازاى (لا انا عاوز حسابى)
- اتفضل 350جم لكن والله انا مش مسامح بعد كلام كتير يقولى انا شحنت له الـ اي او بتاع الجهاز ودة بيتشحن فى كل حتة ب400 جم وانا عملتة ب350جم علشان خاطرك
- طيب وموضوع الايسيهات اللى ركبت ، ودايرة الباور والشحن ، ودايرة الكونترول (بيقولى بالكلمة انا اقول اللى انا عاوزة) مش كدة وبس (انت جبت الجهاز مش شغال وانا شغلته ودى اجرتى)
- طبعا ليك اجرة لكن من غير اشتغالة ومن غير متاخد قد المصلحة عشرة ومن غير متقول ركبت حاجة مركبتش اصلا اتق الله
- المهم مشيت بعدها بعت له رسالة وقلت له انا مش مسامح يا اما تاخد حقك بس وترجعلى فلوسي يا اما هنشر الموضوع على الانترنت فى الاسماعيلية كلها
- اتصل بى وقالى تعالى عندى المحل لو سمحت
- رحت لقيته جايب صديق له يشهد المهم بيحاول يرجع لى المبلغ بالكامل 350 جم وبيقولى خد فلوسك قلت له والله مش هاخد حاجة الا لم تعترف انت عملت ايه بالضبط وتاخد اجرتك بس اللى تستحقها غير كدة هنشر الموضوع
- قالى دة يبقى تشهير وهشتكيك قلت له انا صاحب حق ومبخافش ومعاك فى اى محاكم
- المهم قولت له هحلفك بالله العظيم ولو حلفت انا مسامحك قالى (انت متجبرنيش اني احلف ) اللى اعرفة ان لو انا عاوز ابرا ساحتى احلف 300 يمين لانى صادق والصادق لايخاف من احد
- المهم دة الموضوع ياريت الناس تخلى بالها
- وعموما انا هنشر الموضوع دة يوميا مدى الحياة مع صورة المحل لحد لما يرجع لى حقى