خطوة بخطوة اصنع تربو سوبر شارجر كهربى لسيارتك - للمحترفين فقط

[ramy safwt]

المشاركة الأصلية كتبت بواسطة moh-nsar تسلم ايدك يا هندسة علي الشغل الجامد دة ليك عندي اقتراح لية منستغناش عن الانفرتر 12 /220 ونستعمل موتور مروحة تبريد الردياتير بحجم يناسب البلاور وحتي ممكن نخرط الاكس بتاعة علشان يتناسب مع مروحة البلاور ودة يفيدنا في 1- الاستغناء عن حجم الانفرتر لاننا هنستخدم موتور 12 فولت 2- عمر موتور مراوح التبريد بيكون اكبر من مواتير البلاور 3- قلة الاعطال لاننا هنستغني عن الجزئ الالكتروني واللي هوة اكتر جزئ معرض للاعطال في التربو 4- علي ما اعتقد ممكن يكون الضوضاء كمان اقل ويا ريت تقلي اية رايك في الفكرة دي و بعد ازنك لو ممكن تكتبلي مكونات الانفرتر 1200وات علي بعضها يعني اكني هروح للنخيلي او الجمل واديلو الورقة فيها الطلبات وهوة يدهالي لاني عايز استخدمة في حاجة بعيد عن السيارات واللة ينور عليك بجد

لأن مهما كان موتور الدى سى مش هيجيب نفس قوة الاى سى فى كذا حد جرب انه يعمل دي سى و كان تأثيرة صفر احنا بتكلم من اول 300 وات الدى سى اخره كام وات ؟

انا كاتب فى اول الموضوع الانفرتر و المكونات بتاعته

المشاركة الأصلية كتبت بواسطة AbOnOrA فى رائى الانفرتر تشتريه جاهز وبالامكانيات اللى انت عايزها وهيبقى سعر معقول خاصة لانه أأمن على البطارية والموضوع ده فيه استعراض لانواع المحولات الجاهزة http://www.masrmotors.com/vb/showthread.php?t=114739

المشاركة الأصلية كتبت بواسطة Exact موضوع جميل

هيكون غالى لما تشتريه جاهز

المشاركة الأصلية كتبت بواسطة aymangalal الله ينور عليك يا باشمهندس رامى... ادى الشغل ولا بلاش ... حضرتك كده دخلتنا فى موضوعات "اصنع بنفسك" زى بتاعة الاجانب (Do It Yourself (DIY وبعد ده كله عايز تقفل الموضوع .... يبقى حرام عليك تحرمنا من المتعه دى ... خد عندك بقى شوية استفسارات.. انا مش هتكلم فى الجزء الاول لانه الكترونى بحت .. وانا لسه ما وصلتش للدرجة دى لكن فى نفس الوقت اؤيد كلام ابو نورا ... احنا محتاجين انفرتر يحول من DC الى AC عشان يشغل مروحة البلاور 220 او 230 v وده موجود جاهز بالفعل طيب يبقى ليه نعمله ؟؟ الا لو فيه غرض معين وعلى كلٍ الانفرتر العموله برضه هاينفع فى حاجات تانية كتير انا شرحت ايه الفرق و بيكون فى القدرة بتاعة الموتور -ايه الفرق بين الانفرترات اللى حضرتك ذكرتها 300 و 600 و 1200 وات ؟؟؟ هل ده الخرج بتاع كل انفرتر واللى ابو نورا اشار اليه انه بقدرات مختلفه لو جاهز...؟؟؟ بتفرق بقدرة الخرج بتاعة الانفرتر و الملف المستخدم فيه و عدد الموسفت على كده افهم بقى "على اعتبار انى فهمت" ان كل ما الموتور يكون كبير فوق 1400cc هيحتاج دع هواء اكبر وبالتالى مروحة اكبر فى الوات ؟؟ صح كده ولا ايه؟؟ اه من اول ال 1600 هتحتاج تستخدم ال 600 وات -هل صحيح ان فكرة عمل التربو انه يدخل هواء بكمية اكبر " بس بقوة الدفع مش الشفط " فا ده يؤدى الى رفع قوة الموتور .. يعنى بيخليه CC اعلى ولا يزود عدد الاحصنة بتاعته ؟؟ ولا العزم ولا السرعة؟؟ يعنى فايدته ايه ببساطة ؟؟ وهل له اضرار على المحرك نفسه وبيستهلك بنزين اكتر؟؟ ولازم نوعية بنزين معينه ؟؟ ولا ان ماكانش هايفيد يبقى مش هايضر؟؟ ومستنى ترد على ا/ moh-nsar لان عندى نفس الاسئلة وايه اللى يحصل لو ركبنا بلاور عالى على موتور قليل " زى ماحضرتك نبهت مانعملش كده" ؟؟ اه صحيح بقوة الدفع مش الشفط الشفط فى دورة الشكمان مش هنا هو بيرفع الهورس باور و العزم و لو استخدمته فى التوقيت الصح هيرفع السرعة بشكل مؤثر جدا طبيعى لو استخدمته فترة طويلة حرق البنزين هيكون اسرع و ده لو ناوى تقفل العداد بتاعك سرعة موضوع نوعية البنزين وضحت قصتها فى رد سابق لا مينفعش تستخدمه على موتور ضعيف لأنه هيفرتكه بمعنى الكلمة انا كنت حاطط الموضوع الاول فى قسم الفولكس عشان المواتير الالمانى اتصممت تستحمل الاداء ده و شرحت تعمل ايه فى رد سابق عشان تعرف اذا كان موتورك ينفع ولا لا اهم حاجه بقى وبصفة عامة ... الانفرتر له تأثير على البطارية لما يسحب منها الكهرباء ويحولها بيفضيها يعنى ولا ايه؟ على حسب امبير البطارية و نوعها لكن عموما لو انت حاطه على التربو مش هيفضيها لأنك بتستخدمه وقت قصير مش عمال على بطال و مش هيضعف الدينامو لأن الدينامو هيلف بعزم اقوى و هيخرج اعلى لكن لو الدينامو ضايع هيكشفهولك فى ساعتها على فكرة فى تعديل للموتور ممكن تلغى التكييف و تحط 2 دينامو لو تحبو اجيبلكم تفاصيل الموضوع ده تحت امرك لانى سمعت ان لما نشغل احمال على الانفرتر بياكل البطارية وبيضعف الدينامو اللى هايبقى فى حالة مستمر عشان يعوض فقد الكهرباء اللى داخلة للانفرتر ...وياريت لو امكن تفيدنى برأيك برضه فى الموضوع ده .. سؤال ... خرج البطارية كام وات؟؟ لا خرج البطارية بيتحسب كام وات ساعة و ده بتعرفه لما تجيب الموديل بتاعها http://www.masrmotors.com/vb/showthread.php?t=115318 وان شاء الله ماتبعين لغاية التنفيذ وربنا يباركلك على طرح التجربة الحلوة دى

المشاركة الأصلية كتبت بواسطة amr elsisi 1 موضوع جميل وطبعا عاوز روقان وكباية شاي بالنعناع طيب هوا مش ممكن نستخدم بلاور الهواء الموجود في المحرك الي هوا في صدر العربية ولية زرار داخلي لتحديد اربع سرعات وبيتهيئلي ممكن تحدد كمية الهواء الداخل عن طريق تقليل السرعة للتناسب مع عزم المحرك وهل جربت موضوعك علي الغيارات البطيئة

تربينة البلاور الداخلي اتصممت عشان تنتج هواء قوة دفعه خفيفة بكميات كبيرة تغطى التابلوه مش هتنفع لكن هينفع انك تتحكم فى مدة ضغطك على الزرار قد ايه انت مش هتمشى مشغل التربو على طول

الغيارات البطيئة هتديلك عزم فى المطالع لكن لازم تكون معدى ال 3 ار بى ام و مينفعش تعمله غير فى الظرف ده طالع كوبرى او مطلع غير كده انت هتسمع صوت الموتور



بالنسبة لتأثيره على الموتور انا شارح النقطة دية تعرفها ازاى فى بوست قبل كده

لا مش هيركب على الار بى ام هيعمله عداد لوحده و تظبط قرايك للعداد مع قراية عداد الار بى ام الفاريابل ريزيستنس يومين و هتبوظ انت اما تدوس على الزرار فترة و تريح الموتور و فترة و تريح احسن الف مره انك تدوس على طول بتغذية قليلة

[ahmed_eng2001]

المشاركة الأصلية كتبت بواسطة Hisham.Elgazzar معروف ان التربو بيفتح على أر بى ام معين ممكن يتعدل التريجر انه يفتح بعد 3 او 4 مثلا زى التربو الأصلى لكن من غير Blow-off لأن معرفش لو اتفتح على سرعات منخفضة تأثيره اه على الموتور هو وظيفة الإجنيشن بوستر انه بيمنع الديلاى بس ؟وهيعمل اه فى الإسبراتير والفحمه بتاعته وهل بيأثر على الابلاتين لو مش اليكترونى ؟

ايه الكلام الكبير ده !!!!
بعد اذنك يا هشام باشا ممكن تشرح لاخوك الصغير ما ذكر اعلاه .... لحسن انا مش فاهم حاجة خالص

[ramy safwt]

المشاركة الأصلية كتبت بواسطة Hisham.Elgazzar معروف ان التربو بيفتح على أر بى ام معين ممكن يتعدل التريجر انه يفتح بعد 3 او 4 مثلا زى التربو الأصلى لكن من غير Blow-off لأن معرفش لو اتفتح على سرعات منخفضة تأثيره اه على الموتور هو وظيفة الإجنيشن بوستر انه بيمنع الديلاى بس ؟وهيعمل اه فى الإسبراتير والفحمه بتاعته وهل بيأثر على الابلاتين لو مش اليكترونى ؟

بص عداد الار بى ام او اى عداد تانى عبارة عن جلفانو ميتر بملفين بياخدو كهرباء من دايرة السينسور بتاعهم فبيتحرك المؤشر على حسب مقدار الكهرباء دية لو هتركب ده عشان يقراء ال 4 ار بى ام او ال 3 و يشغل اوتوماتك يبقى لازم هتعمل دايرة تقيس الكهرباء الداخلة على الجلفانو بتاع الار بى ام و بعدين تقارن الكهرباء دية بين كهربة ال 3 ار بى ام لما تلاقى تطابق تقوم مطلعة سيجنال للريلاى راكب على مفتاح التربو يقوم مشغله

هيا حوار بس تتعمل عشان كده بقول على الزرار و خلاص و اكيد اللى بيستخدم تربو فاهم يعنى الموضوع للمحترفين فقط


المشكلة مش فى الغيار بس المشكلة فى انك تشغله بدرى الهواء الزيادة مش هيستخدم و هيطلع فى دورة الشكمان و الغيارات القليلة تستخدم معاها التربو فى المطالع فقط و مجرد لحظة تلميس و تسيب تانى عشان الغلطة فيها بستم على الاقل انا حذرت و بحذر ده مش لعبة سهلة و محدش يعمل كده غير لما يتأكد من المانيوال بتاع الموتور و يراسل الشركة او يشوف تعديلات سابقة انا شرحت تعرف ده ازاى قبل كده


موضوع البوستر مش هيأثر معاك اوى لو عاوز تلغى الديلاى تحط انتى لاج سيستم

بص على الشكمانات و اسمع صوت المواتير

http://www.youtube.com/watch?v=vnovvqigN-k

[hyundai 2005]

بجد الله ينور عليك بجد تسلم ايديك ودماغك ومتابع بشده

[ramy safwt]

بكره بأذن الله هسخن الموضوع شويه كمان و هنتكلم عن التريجر ان شاء الله التركيب يوم الثلاثاء القادم 26 /6 اللى عاوز يحضر يقولى و اللى بيعمل ده معايا يبعتلى نوع موتوره و موديله و صورة من حوض الكبوت و مقاس فتحة العمة و هساعده فى تصميم المواسير بأقصر حاجه و اقل تكلفه

دعواتكم بقى لأن عندى كاوتشة الكوبلن الشمال مجنانى مع انى لسه مغير الكوبلن لكن غلطة الميكانيكى فى قفيز الله يسامحه