خطوة بخطوة اصنع تربو سوبر شارجر كهربى لسيارتك - للمحترفين فقط

[ramy safwt]

المشاركة الأصلية كتبت بواسطة AbOnOrA بص يا باشا طالما بنتكلم بيزنس نحسبها صح اولاً مش لازم كل الناس تركب تربو علشان تجرى واللى بيجرى صدقنى بيجرى حتى لو راكب 128 مش مستنى لما يركب تربو لكن الفكرة لو فعلاً اقتصادية وعملية ودول مجرد عنواين ندرج تحتهم حاجات كتير طبعاً ساعتها هنتكلم فى حاجات كتير وابعاد تجارية كتير ابسطها مع زيادة اسعار البنزين واحتمال فرض ضرائب اكتر على المواتير الاكبر من 1300 و 1600 الحل بتاعك ده ممكن يكون ممتاز للمواتير الصغيرة وخد بالك ان فيه شركات عالمية كتير دلوقتى بتنزل عربياتها فعلاً بمواتير صغيرة وشواحن تربو علشان تكون اكثر اقتصادية فالمبداء اوسع من مجرد الجرى والغرز اما من ناحية التفاعل فهو الموضوع جميل بس زى مانت قولت عايز مستوى معين من الاحتراف والتخصص فاكيد مش هيؤتى ثمارة غير بالوقت وبمزيد من الشرح والتوضيح عموماً فكر فى الموضوع تانى وانا معاك وشوف امكانية ان يكون فيه شرح اوضح وابسط بالصور والفيديو علشان حتى الصور مش باينة

انا فعلا مسقط موتور 1400 عشان الموضوع بتاع استهلاك البنزين - تكلفة الانفرتر للى شرحته بكل اجزائه 60 ج مصرى تكلفة التربو بفلتره بمواسيره 200 ج مصرى للنوع ال 300 وات للنوع ال 600 وات 340 ج للنوع ال 1200 وات 460 ج

القصة كلها بتمن جركنين زيت و الفرق فى الأداء بتحس بيه اول ما تركب و تشغل مش بتنتظر وقت وقت التركيب كله نص ساعة و المرور ملهوش اعتراض عليه المرور بيعترض على الكمبروسيور و النيتروز بس - سئلت رئيس وحدة المرور عندنا قبل ما اعمل اى حاجه

المشاركة الأصلية كتبت بواسطة Hisham.Elgazzar جميل اوى الموضوع ده ياباشمهندس وخصوصا موضوع الإنفيرتر منتظرين باقى الموضوع انا ما أخدتش بالى منه خالص وبطلب تثبيته لأنه غاية فى الأهمية انا هتعلم اعمل الإنفيرتر ده لأنه مهم جدا وكمان بالمناسبة عاوز أتعلم أكتر عن الإليكترونيات وياريت لو عندك فكرة عن ده وبيتصنع إزاى www.youtube.com/watch?v=5PKM3Eo737E ياريت الطريقة والمكونات لأنه إختراع ممتاز بيوفر جدا فى إستهلاك الوقود وبيعلى الأداء

انا رديت على رسالتك لو عاوز الدوائر الالكترونية بتاعته ابعتهالك البوستر بيقلل الميكروسكند ديلاى بين الحرق لكل كباس واللى بعديها و لو عاوز تحس بأثيره على البريفورمانس يستحسن يكون معاه انتى لاج سيستم لو انت نمط القيادة عندك رياضى والطرق مساعداك

المشاركة الأصلية كتبت بواسطة ahmed_eng2001 اولا مجهود كبير جدا و فكرة رائعة ثانيا ... اصبر شوية على الموضوع حتلاقى ناس كتير تتفاعل معاه ان شاء الله ثالثا و ده الاهم .... ياريت الموضوع يتنقل من قسم الفولكس لقسم عام .... على سبيل المثال .. انا معنديش عربية فولكس ... بالتالى مش حدخل القسم ده انما انا بدخل قسم الصيانة كتير ..انا اخدت نفسى كمثال .. و اعتقد فيه ناس كتير كده انا متابع معاك

المهم اللى يركبه يحطه على موتور يتناسب معاه و يكون فاهم عملية الاحتراق بتم ازاى و دورة الماتور ماشيه ازاى لأن التحميل الخاطئ ضار جدا بمعدن الموتور
فى حسبة بسيطة لأى تعديل فى الحرق يتعمل ان الضغط اللى ناتج عن اقصى معدل احتراق اقل بمقدار الثلث عن قدرة تحمل سبيكة الكباسات بتلاقى المعلومة دية فى المانيول بتاعة الموتور و اللى بيعمل الايديت بيختبره على كونتينر اختبار فيه باروميتر يحسب الفرق ده او على الاقل ياخده من حد عمل الاختبارات دية او يراسل الشركة يسئلها او يشوف الاسئلة على الفروم الرسمى للشركة المصنعة للمحرك ده مهم عشان يكون للموتور اطول عمر ممكن

[محمد اشرف]

[ramy safwt]

دلوقت عشان نسخن الموضوع شوية ندخل فى الجزء الثانى من الموضوع كده معاكم اسبوع كمان تجربو و تنفذو


هنتكلم عن التربو و تركيب الانفرتر و الفلتر عليه و تهيئة للأستخدام و الاسبوع الاخير هيكون فيه التريجر و ازاى نفصل المواصيل و نظبط البريفورمانس


اول حاجه الفلتر و ده مهمته بسيطة فلترة الهواء الداخل للبلاور بتاع التربو و ده ممكن تشتريه جاهز او تفصله زى ما عملت فى الصور جبت مروحة تابلوه بايظه و اخدت الجزء اللى بيدور فيها و بعدين استخدمت كاوية اللحام و قصيت الجزء الداخلى كله و بعد كده جبت القماش الطبى اللى بيتعمل بيه كوفر الكمبيوترات و فصلت منه شريطين و ركبتهم على الفلتر من بره و فصلت قطعة كمان لغطاء الفلتر الخارجى عشان ميأثرش على اداء العربية لما يكون التربو مطفى

شوف الصور









نيجى بقى للبلاور اللى هو اساس الموضوع كله

دلوقت علشان نحمى الموتور و محدش يتهور انا استخدمت بلاور 350 وات ده حلو جدا على موتور 1400 بلاش تستخدم 600 وات غير من بعد ال 1600 و استخدم ال 1200 فى موتور 2000 وانت طالع

ده النوع اللى هنسخدمه و اللى متوفر فى كل مكان فى مصر و برخص التراب بس الله يخليك متجبش حاجه نوعها ردئ



هنحتاج نعمل تعديلين بساط على البلاور ده التعديل الأول فى رايش بيكون فى خامة المروحة بتاعته من جوه و ده هيطلع مع الاستخدام و الخوف انه يدخل على الموتور فمن الافضل بقى اننا ننضفه بصنفره و ادوات حسب الحاجه




التعديل التانى هنفك الهاند بتاعة البلاور و نطلع منها سلك الكهرباء القديم و الزرار بتاعه و مش هيفضلنا غير السلكتين الزرق اللى فى الصورة دول اللى هيوصل عليهم خرج الانفرتر مباشر و لاحظ بقى ان الفيوز و المفتاح هحطه على خط البطارية مش على البلاور هشرح ده ليه و بالتفصيل فى مرحلة التركيب محدش يستعجل على نفسه



بعد كده هنربط الانفرتر بأفزينين و الهاند مفكوكه و نركب الهاند بقى فوق الربطة عشان تثبت اكتر




الخطوة اللى بعد كده هنركب الفلتر بتاع الهواء على البلاور و لو الفلتر شارينه جاهز هيركب على طول على فتحة الشفط لو مفصلينه هنلزقه على البلاور بشمع اللحام زى الصورة




بعد كده نقفل كل المسامير فى مكانها و نجرب السيستم على بطارية 12 فولت او من خرج تونجر و نقف على كده لحد اما يجى الاثنين القادم فى الاسبوع الجديد نكمل الجزء الاخير خلال الفترة دية اللى مشارك فى الموضوع يصور الكبوت بتاع عربية و يكتب قطر فتحة العمة كام عشان اساعده فى تصميم مواسير التوصيل صح و بأقصر المسافات










تمنياتى بالتوفيق

[AbOnOrA]

الله ينور بجد تسلم ايدك كده الرؤية وضحت كتير وفى انتظار الجزء الثالث

[Abanoub issac]

طيب سؤال بالشبه كده ... معظم العربيات الي بتنزل مزوده بتربو شارجر فابريكا زي الفولكس مثلا والبيجو .. بتحتاج بنزين 95 ....مفيش عربيه فيها تربو بتاخد 92 حتي ...السؤال هنا لييييييه !!؟ يعني في علاقه بين البنزين ال95 والتربو ولا مفيش !!؟ لان عربيتي فيها تربو وسمعت انك لو حطتلها 95 الموتور هيشتغل لكن التربو مش هيبقي شغال فالقدره الحصانيه للموتور هتقل ولو انت ركبت تربو لعربيه اوكتافيا مثلا (بتاخد 92 عادي ) هل هتحتاج تحط 95 علشان يشتغل !!؟