موتور مياة والمانور اول علوى وضغط المياة

[inceptor]

لدى شقة فى الدور التاسع علوى
وكنت ناوى اركب ماتور مياة اهوه اشتغل بيه ف تشطيب الشقة ونفس الوقت اسيبه لما اجى اعد
بس السباك قالى الاتى وعاوزر ايكم فيه

اولا المانور فى الدور الاول علوى وممكن الماتور مش يسحبلك ماية عشان الماية ممكن متوصلش للاول علوى؟؟ الكلام ده صح ولو اه ازاى اتغلب ع المشكلة ديه؟؟


ثانيا: ناس نصحتنى لما اركب ماتور اجيب حاجة اسمها بامب كنترول عشان يبقى اتوماتيك وده افضل من العوامة ايه رايكم فيها؟؟ عشان السباك قالى متجبش عوامة وخليه بالزرار عادى عشان مستوى الماية مش ثابت؟ ممكن استشارتكم ؟؟


ثالثا: لو اشتغلت بالماتور شوية وقفلته لمدة تلت اربع شهور كدة وشغلته لفترة بسيطة وقفلته تانى الماتور حيبوظ ولا لا؟ انا سمعت انه بيقفش وعشان يشتغل يتزيت والف فى المروحة بتاعته وحيرجع يشتغل الكلام ده؟؟

رابعا فى خزان فى العمارة من رايكم اشترك به ولا لا؟؟

[mr_astra]

اولا حضرتك فى الدور التاسع لو قلنا ارتفاع الدور 3 متر يبقى عوزين موتور مياه الهد بتاعة لا يقل عن 50 متر لانة هايسحب من ارتفاع 3 او 4 متر تانى
وعموما كل المواتير اللى فى السوق هتلاقى منحنى الهد مرسوم على الكرتونة

الاحسن انك تركبة فى الدور الارضى مش الاول علوى
لكن لو هاتجيب حاجة تحضير ذاتى يبقى ماشى مفيش مشكلة وهايسحب المياه من الدور العلوى
بس ركب على السحب بتعة فى اوطى نقطة سكس بلف او بلف عدم رجوع (نحاس)

وانا لو منك مش هاجيب البامب كنترول او البلونة وهاعملة بمفتاح ولما اجى اسكن اجيب البامب كنترول مش عشان حاجة ولكن عشان الصحة العامة وسلامة المياة مش كحاجة فنية

ومتخفش من انة يقفش او ما شابة لان معظم المواتير الطلمبة بتعتها نحاس مش حديد او فبر او حتى ستنالس زى طلمابات المياه لوارا

هات موتور واحد حصان تحضير ذاتى بدون بلونة

[nktis]

: 018A1D~146:

[inceptor]

المشاركة الأصلية كتبت بواسطة mr_astra اولا حضرتك فى الدور التاسع لو قلنا ارتفاع الدور 3 متر يبقى عوزين موتور مياه الهد بتاعة لا يقل عن 50 متر لانة هايسحب من ارتفاع 3 او 4 متر تانى وعموما كل المواتير اللى فى السوق هتلاقى منحنى الهد مرسوم على الكرتونة الاحسن انك تركبة فى الدور الارضى مش الاول علوى لكن لو هاتجيب حاجة تحضير ذاتى يبقى ماشى مفيش مشكلة وهايسحب المياه من الدور العلوى بس ركب على السحب بتعة فى اوطى نقطة سكس بلف او بلف عدم رجوع (نحاس) وانا لو منك مش هاجيب البامب كنترول او البلونة وهاعملة بمفتاح ولما اجى اسكن اجيب البامب كنترول مش عشان حاجة ولكن عشان الصحة العامة وسلامة المياة مش كحاجة فنية ومتخفش من انة يقفش او ما شابة لان معظم المواتير الطلمبة بتعتها نحاس مش حديد او فبر او حتى ستنالس زى طلمابات المياه لوارا هات موتور واحد حصان تحضير ذاتى بدون بلونة

والله انت برنس وكتر الف خيرك فعلا الكتير نصحنى واضح ان السباك كان عاوز يعملى واصلة خزان وخلاص بس الحمدلله والله لولا الناس الكويسة اللى زى حضرتك بجد ماكنتش حعرف حاجة

انا جبت فعلا لنزا ايطالى من التوكيل ( مجبتش كالبيدا الفرق عالى اووى الصراحة) تحضير ذاتى بدون بلونة
وجبت الفولماك بس قالوا لى ركبها فوق مش تحت عشان انت ف التاسع
وحتى لو باظت او الماية مش صحية مش مشكلة تبقى تتغير ديه ب 200 حلو اووى كدة
وحاقول للسباك ع السكس بلف
واشكركم جدا بجد وكتر الف خيرك ياباشا

[مجدي إبراهيم]

أنا عندي مشكله يا جماعه وبرجاء الرد من الخوه الأفاضل في المنتدي وهي إني مركب موتور مياه في الدور الثاني واحد حصان وكان بيشتغل بكفائه لمده 3 سنوات والمياه دلوقت ضعفت من المنطقه الي ساكن فيها والموتور ما بيجبش ميه إلا في أوقت معينه وباقي الأوقات بيشتغل وأسمع صوت الموتور محشرج وما بيفصلش لحد ما يبطل ميه ....علما بإن كل الناس في المنطقه عندها ميه ومواتيرها بتشتغل بالرغم من ضعفها !!!! فهل ده معناه إن السكس بلف الي عند العداد محتاج تغير ولا أعمل إيه بالظبط ؟؟؟؟؟