دعوة لزيارة معرض أوتوماك للسيارات

[ahmed-alaa]

المشاركة الأصلية كتبت بواسطة drasd السلام عليكم ياريت لو حد راح يقولنا اسعار التذاكر كام وهل في عروض كويسة ولا عادي

التذكرة ب 20 جنيه

[mr max]

المشاركة الأصلية كتبت بواسطة ahmed-alaa لا المكان في قاعة الموئتمرات في مدينة نصر جنب استاد القاهرة بتدخل من مدخل الباركنج بتاع ستاد القاهرة سعر التذكرة 20 جنيه علي فكرة انا رحت امبارح بصراحة مش حلو زي كل سنة انا بروحو كل سنة انما اللسنادي ناقص قوي يعني مفهوش renault ولا mazda ولا subaru ولا volks ولا mercedes ولا audi ولا honda ولا speranza ولا porsche ولا nissan ولا لbyd ولا fiat ولا skoda ولا ford ولا mini تخيل كل دول بيشاركو كل سنة السنادي مش موجودين

أنا رحت المعرض ولسه راجع من شوية ، الصراحة دى أول سنة أروحه

- تذكرة الدخول 20 جنيه
- التذاكر على باب الدخول
- لو رايح مواصلات ممكن تنزل عند كوبرى الفنجرى وتمشى فى الشارع بتاعه (تدخل يمينك لو انت جاى من ناحية العباسية) اتمشى 10 دقايق هتلاقى يافطة للمعرض تدخل شمال ، 5 دقايق وتكون فى قلب المعرض

- فعلا التوكيلات اللى مذكورة دى مش موجودة وأنا اندهشت جدا من النقطة دى خصوصا انى كنت عايز توكيل نيسان
- المعرض مافيهوش عروض خالص ، كل الاسعار هى بالظبط برة المعرض من غير أى تخفيض، كنت بسمع انه بيتعمل فيه تخفيضات بس ملقيتش
- أنا معرفش بقى فيه تخفيضات على عروض البنوك وشركات التأمين ولا لأ، أنا مكنتش مهتم بيهم

المعرض ميزة للى عايز يلف على العربيات اللى موجودة فيه كلها فى مكان واحد ، بس أنا رأيى ان زيارة ل "سمير ريان" تغنيك عن المعرض خالص، إلا لو انت عايز تشترى الصينى ، أو "بى إم" لانى ما شفتهومش عند سمير ريان

وربنا يوفق كل واحد عايز يشترى عربية

[فاطومه المصريه]

المشاركة الأصلية كتبت بواسطة ahmed-alaa لا المكان في قاعة الموئتمرات في مدينة نصر جنب استاد القاهرة بتدخل من مدخل الباركنج بتاع ستاد القاهرة سعر التذكرة 20 جنيه علي فكرة انا رحت امبارح بصراحة مش حلو زي كل سنة انا بروحو كل سنة انما اللسنادي ناقص قوي يعني مفهوش renault ولا mazda ولا subaru ولا volks ولا mercedes ولا audi ولا honda ولا speranza ولا porsche ولا nissan ولا لbyd ولا fiat ولا skoda ولا ford ولا mini تخيل كل دول بيشاركو كل سنة السنادي مش موجودين

لما كل دول موش موجودين


اومال ايه اللى ف المعرض

[ahmed-alaa]

المشاركة الأصلية كتبت بواسطة فاطومه المصريه لما كل دول موش موجودين اومال ايه اللى ف المعرض

و الله يا فاطومة انا كل سنة باخد حوالي 5 ل 6 ساعات لف في المعرض عشان كنت بركب عربية عربية واتفرج واقرا المواصفات السنادي خلصت المعرض في حوال ساعتين تلاتة فعلا فاضي جدا يعني فيه الكام شركة اللي انت عارفاهم اللي واكلين السوق هيونداي و كيا و تويوتا و شيفروليه و ميتسوبيشي و بيجو و بي ام و شوية صيني كده و كام شركة تانية بس فعلا المعرض فاضي بطريقة ملحوظة جدا عن باقي السنين

المشاركة الأصلية كتبت بواسطة فاطومه المصريه لما كل دول موش موجودين اومال ايه اللى ف المعرض

: 09C207~188: