|
#1
26-11-2010, 06:13 PM
|
|||
|
|||
الصوت ده جاى منين ؟ حد سمع حاجة ؟XD
السلامو عليكو ....
من فترة كان فى صوت فى العجلة اللى قدام على اليمين.. الصوت ده عبارة عن خرفشة متواصلة صوت خشن .... الصوت ده ببدأاسمعه اول ما ادور العربية من قبل حتى ممسك الطارة او ادوس بنزين .....و الصوت بيعلى كل ما احدف يمين او شمال سواء العربية واقفة او ماشية ... .المهم روحت لواحد بتاع عفشة و كان عمى معايا لأنى مليش فى اى حاجة فى اى حاجة ...لسه بسوق من قريب ... المهم ..روحنا للراجل سمعته الصوت قالى.... خلاص ....قلتله خلاص ايه يا عم مالك ؟..قالى اقعد انت بس و انا هظبطلك الدنيا ...ابص لعمى قالى... شكله فاهم .....XD المهم قعدنا شربنا الشاى و الراجل شغال ........عمل ايه بقى ؟ ده بعد ما اتحايلت عليه يقولى فى ايه ......يا عم طمنى ,,,يعنى فى امل ؟ المهم قالى ايه ؟ البيض بتاع المقص و البيض بتاع الطرفة ....و انا مش عارف يعنى ايه طرفه .. سايب بمعنى انه بيحركه قدامى بسرعة بأيده و بيقولى المفروض دى تكون محكومة يعنى تبقى ماسكه نفسها مش سايبة كده ....المهم قلتله طب ها نعمل ايه دلوقتى ...قالى هابعتها للمكبس تتكبس و كله هيبقى أليسطا ... المهم راح البيض المكبس..و جه البيض من المكبس ...و ركب الطرفه و المقص تانى وقالى تعالى نجرب ..........دورت العربية ... مالاقيتش صوت ... حدفت يمين شمال ما فيش ....مشيت شويتين تلاتة ...تمام ...الصوت راح .. تمام يا معلم ...تمام يا ريس .....كام؟قام قايلى 80 بلبل ...سبته و مشيت ...المهم اخد 60 فى الاخر . تعدى الايام و بعده بأسبوعين الا كام يوم ...الصوت بدا يرجع تانى و الجديد انى لما ادوس بنزين و العربية واقفة الاقى الصوت يعلى و جاى المرة دى اعلى من المرة اللى فاتت ....انا معنديش خبره فى الكلام ده فا حد عده عليه الموضوع ده قبل كده ؟ لو فى حاجة مش واضحة قولولى .؟ شكرا لحسن استماعكم لنا ...كان معكم على على على ...XD 
|
|
#2
26-11-2010, 11:20 PM
|
||||
|
||||
|
رد: الصوت ده جاى منين ؟ حد سمع حاجة ؟XD
شوف ياحج : على على على
كبس البيض ......طريقه فاشله فلو المشكله فى البيض غيره وتخلص من هذه الروشه
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#4
27-11-2010, 09:36 AM
|
||||
|
||||
رد: الصوت ده جاى منين ؟ حد سمع حاجة ؟XD
يا حج : على على على طالما هو حل البيض وبعته للمكبس وركبه وكله بأه أليسطا لفتره قليله من الزمن وبعد مشايانك بالعربيه أسبوع مثلا رجعت ريما لعادتها القديمه وظهرت على سيارتك ( نفس الأعراض ) يبقى البيض بوش تانى فى جراباته البيض المبوش ......يبقى عامل زى البيض الممشش فهل تعرف تسلق بيض ممشش ....ويطلع حلو ومستساغ هى دى زى دى بالضبط بيض مبوش ______________ تعادل بيض ممشش كبس البيض _______________ يعنى سلق بيض ممشش ( لايصلح للأستخدام الآدمى ) أتمنى تكون وصلت الفكره وما أعنيه 
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
27-11-2010, 09:42 AM
|
||||
|
||||
|
رد: الصوت ده جاى منين ؟ حد سمع حاجة ؟XD
للمزيد من المعلومات وتصور وظيفة البيض فى السياره
يرجى التعرف على هذا الموضوع http://www.masrmotors.com/vb/showthread.php?t=38248
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
 |
|
|
المهم قالى ايه ؟