هل الركنة فتره طويله للعربيه بـتأثر عليها سلبيا ؟؟؟؟

[ahmedraafat00]

المشاركة الأصلية كتبت بواسطة خالداعزالناس على حد علمى ان وقوف السياره لوقت طويل يؤثر بالسلب على بطاريه السياره وعلى العجلات وفى انتظار رأى الخبراء فى المنتدى لأخذ المعلومات كامله

شكرا استاذ خالد على ردك و اهتمامك
و اذا كان على البطاريه فا انا بسخن العربيه كل يوم و شغاله
المشكله انها مثلا تقطع او صوت الكلاكس يتغير حاجات غريبا بتحصل

[Injection]

الركنة والبطارية هما السبب, هى البطارية بقالها معاك قد أيه, وجافة ولا"سائلة"؟
لما بتنزل تدور العربية بعد مدة البطارية بتبقى شبه فاضية علشان واقفة وعلشان الأنذار, وبتدور بالعافية علشان البطارية مبتطلعش كهربة كفاية للبوجيهات فبتبرجل, والكلاكس صوته بيضعف علشان الكهربة اللى وصلا له ضعيفة زى باقى الأجهزة اللى فى العربية, وبترجع العريية لحالتها بعد حوالى 5 دقايق علشان الدينامو بيشوف شغله.
ولو بتقطع منك وأنت ماشى يبقى أكشف على الدينامو.
بس أنت شكلك وقعت فيها, لأن الأجزاء اللى فى العربية بعد أما لفت مصر عايزة تتغير علشان عمرها الأفتراضى أنتهى.

[ahmedraafat00]

المشاركة الأصلية كتبت بواسطة Injection الركنة والبطارية هما السبب, هى البطارية بقالها معاك قد أيه, وجافة ولا"سائلة"؟ لما بتنزل تدور العربية بعد مدة البطارية بتبقى شبه فاضية علشان واقفة وعلشان الأنذار, وبتدور بالعافية علشان البطارية مبتطلعش كهربة كفاية للبوجيهات فبتبرجل, والكلاكس صوته بيضعف علشان الكهربة اللى وصلا له ضعيفة زى باقى الأجهزة اللى فى العربية, وبترجع العريية لحالتها بعد حوالى 5 دقايق علشان الدينامو بيشوف شغله. ولو بتقطع منك وأنت ماشى يبقى أكشف على الدينامو. بس أنت شكلك وقعت فيها, لأن الأجزاء اللى فى العربية بعد أما لفت مصر عايزة تتغير علشان عمرها الأفتراضى أنتهى.

شكرا يا باشا لردك بس هيا مش المفروض حتى لو مش بمشى بالعربيه ادورها عشان البطاريه انا فعلا كل يوم بنزل باليل ادورها و اسيبها دايره ربع ساعه على الاقل و امسحها هل ده يكفى للحفاظ على البطاريه و الكهرباء ولا لازم امشى بيها عشان الدينمو يشحن؟؟؟ وعلى فكره البطاريه جافه و مبقالهاش سنه
وبالنسبه للتقطيع كان أول مره حصلت الميكانيكى قال ان كارته الكهرباء كان فيها مشكله و غيرها و مشيت شويه و قطعت قال ممكن عيب من الطرمبه و ظبتها و قعدت فتره معايا كويسه بس صراحه انا كان عندى اممتحانات و منزلتش بيها فى اسبوعين غير تقريبا مره او اتنين بعد كده لاحظت حاجه غريبه انها وانا بدورها و بمسح العربيه الاقيها مثلا رعشت جامد و بطلت لوحدها ودى اول مره تحصل كنت مشغل التكييف بس بعد كده بقيت تحصل لوحدها بس مش باستمرارو مره كنت بالف بالعربيه باليل اغير مكان الركنه قطعت منى على خفيف كلمت الميكانيكى المهم حاليا العربيه عند الميكانيكى والدى اقترح اننا نغير الدفيره بتاعة الكهرباء كلها ويارب بقى يكون ده الحل
بس غير كده مفيش قطع غيار عايزه تتغير و اتنين ميكانيكيه مختلفين محدش منهم قال ان فى قطع غيا عايزه تتغير غير العوامه و غيرناها بواحده اصليه والحمد لله بس بعد تعب سنه ونص لانها نادره

[x94]

نصيحة عن تجربة , لو حابب انك تركن السيارة لفترة طويلة , اتبع الخطوات :
فك البطارية و اطلع على اقرب واحد بيشحن بطاريات تكون ضامنه و تقوله انا عاوز اخزن البطارية دي
وعلى فكرة , طالما انك مش بتحب الجري و مشاويرك قليلة
بيع الجيب وهات عربية عادية
اوبل فكترا الهاتشباك مثلاً
والله اعلم

[lenenmarcks]

اكيدالسيارة كل ما تتركها لفترات طويله تزيد عطلاتها