قصة اول عربيه فى حياتك

[lover4ever8989]

السلام عليكم ورحمت الله وبركاته
اكيد كل واحد فينا ليه قصه مع اول عربيه فى حياته لانها بتكون تجربه رائعه اول مره تسوق فيها عربيه احساس جميل جدا عاوزين كل اعضاء منتدى مصر موتورز الجميل يشاركو فى الموضوع ده

هبتدى بنفسى اول عربيه اسوقها كانت فولفو 340 موديل 88 كانت بتاعه ولدى جابها زيرو ولسه قاعده معاه لحد دلوقتى هيا عربيه فظيعه وانا كان عندى 11 سنه لما سوقتها اول مره كانت تجربه ممتعه جدا كنت حاسس انى ممكن اطير بيها من على الارض اكيد الاحساس ده عمرى مانساه ابدا ptmnlo123per179

[Mo7amed Elnimr]

اول عربية فى حياتى كانت هوندا اكورد موديل 80 والدى جبهالى لما كنت فى اولى هندسة كانت بتاعت عمى من الزيرو انا فى الاول مكنتش حببها لكن مع الايام ptmnlo123per1106
ياما شفت منها مواقف محرجة وكانت اصيلة مش بتعطل غير اخر يوم فى الامتحانات مرة ماسورة فرامل تتكسر والزيت يتسرب والفرامل تسيب ومرة الكوبلن يفلت ومرة الدبرياج يقع ptmnlo123per172 ياة كانت ايام بس على الرغم من كدة انا كنت بعشقها وبعد ما بعتها واخدت العربون قررت ارجعها تانى وجبت الفيرنا والهوندا لسة معايا ptmnlo123per154*

[mahmoudnada80]

ال205 عشقي الاول والاخير
العربيه مو 94 موتور 1100
اول مره ركبتها حبيتها علي طول لانها عربيه صغيره و ابعاده واضحه
كانت بتوفر بنزين وكنت احط العشره لتر ( ايام ما كان بجنيه ) والف بيهم مصر
العربيه كنت بسافر بيها ايام الجامعه واروح المصيف ( العريش ) وعمرها ما قلت اصلها حتي الان

[lol64]

اول عربيه ليا كانت 128 ومكنتش بعرف اسوق وممعاييش رخصه لما اشتريتها من صاحبها اتصلت بواحد صاحبى عشان يوديهالى تحت البيت وابتديت اتعلم عليها كل يوم بمساعده اصحابى وكنت حاسس انها احسن من عربيه احمد عز دلوقتى واتعلمت معاها الميكانيكا يعنى ايه والله كانت ايام حلوه ياريت الزمن يرجع تانى

[احمد بدر1978]

اول عربية فى حياتى نيفا 85 كانت بتاعت والدى اتعلمت عليها وانا عندى 12 سنة كنت بسافر بية وفى اللجان نبدل
اليوم الى استلمت فية الرخصة بتاعتى كان ورانا مشوار فى الجبل شغل فى منزل دشمة ماختش بالى منها العربية نامت على جنبها كنت لسة حخش اولى كلية والدى قالى دى عربيتك مش عايزها كانت لسة متجددة قعدت معايا لغاية ميعاد التجديد وبعتها والبرومة واكلة كل حتة فيها بس ماكنش معايا فلوس اصلح وبعتها عمرى ما حنساها