صيانة الـ 10 الاف للانسر 2010

[mesho70]

قمت بعمل صيانة 10 الاف كم لسيارتى لانسر 2010 بوما 1600 سى سى وذلك بمركز المهندسين وكانت كالتالى

تواجدت الساعة 9 صباحا ً بالمركز وكنت رقم 3 وحضر مهندس
الاستقبال وطلبت منة { عمل الصيانة بالاضافة الى ان صوت الكلاكس منخفض جدا ً كما انة لاتوجد انوار بولاعة السجائر
او بالطفاية الامامية } وسجل ذلك بأمر واخبرنى ان الصيانة بالاضافة للزيت والفلتر تكلفتها 430 جنية تقريبا ً
وطلبت منة غسيل السيارة نظرا ً لوجود شحم بالاكصدام والفوانيس الامامية نظرا ً لكون الطريق اثناء السفر بة عواصف رملية شديدة فأخبرنى انة لا يوجد غسيل ولكن هيحاول !
ووقعت على امر الشغل وانتظرت بالاستراحة وهى معقولة
وعند الساعة الحادية عشر حضر لى مهندس الاستقبال ليقول انة تم عمل الصيانة وانة يحتاج الى تغيير فردة كلاكس وهى
اليابانى منها بـ 75 جنية اما الاصلى بـ 225 جنية فقلت لة ان
العربية ضمان فطلب منى التوجة لمهندس الصيانة وهو
(م / هشام ) وهو رجل مهذب واخبرنى انة سيقوم بتغيير الكلاكس
وهنا توجهت الى مكان بيع قطع الغيار بنفس مركز الخدمة وسألت
على الكلاكس وشاهدت الاثنين وعرفت الفارق بينهما وانتظرت
وبالرغم من انى توقعت ان يقوموا بوضع الكلاكس ب 75 جنية الا انهم صرفوا من المخزن الكلاكس الاصلى والموجود نفسة بالعربية وسعرة 225 جنية
وفالساعة 12 ظهرا ً استلمت العربية وان كان لم الاحظ تغيير كثير
الا فى صوت الكلاكس وفرامل اليد مشدودة جيدا ً ولكنى لاحظت انة لم يتم تركيب الانوار بالولاعة والطفاية واخبرنى مهندس الصيانة ان موديل 2010 سبق ان تم فكة ولم يجدوا مكان اللمبات وان كنت ارى ان هذا قصور فالسيارة مهما كان بسيط كما انهم سلمونى السيارة بدون اى نظافة وحالتها سيئة جدا ً
ودفعت 429 جنية وهى 215 جركن زيت موبيل 1
50 جنية فلتر بنزين
125 سرفيس
39 ضريبة مبيعات
الخلاصة :-
المركز قريب وجيد وتشعر بفارق وان كان بسيط فالسيارة نظرا ً لكونها لسة جديدة
السيارة ثباتها عالطريق رائع كما مقاومة الدهان الخارج للأتربة والعواصف الرميلية ( لا ترى الاسفلت من شدة العاصفة ) ممتاز حتى انة كانت معى سيارة النترا فى نفس التوقيت وبعد الوصول ظهرت اثار العاصفة على الالنترا ولم يظهر شىء والحمد لله عندى
القصور :- اولا فالسيارة
فقر شديد فى الاوبشن من انوار وكماليات ولكنى كنت اعلم بها قبل الشراء وتجاوزت عنها مقارنة بالالنترا او اسيراتو مثلا ً
كما ان الصاج الخارجى لها ضعيف نسبيا ً والاكصدام الخلفى ضعيف جدا ً ولا يوجد حتى فوم بينة وبين جسم السيارة
اما القصور فى مركز الخدمة :-
اسعار قطع الغيار ارى ان بها مبالغة شديدة كما ان الكماليات غالية جدا ً فمثلا ً الفوج لايت بـ 3000 جنية دة طبعا ً غير ض . م
ومصنعية التركيب فى حين انك لو جبتة استيراد يرفضوا تركيبة
كما ان عدم غسل السيارة او تنظيفها والاكتفاء بوضع دواسة ورق وكيس بلاستيك على الكرسى موضوع سىء كما يوجد عنى خلوص فى فرامل اليد اى حركة افقية تتجاوز 2 سم ولكنى نسيت ان اذكرها عند الصيانة وظلت كما هة اى لم يتنبهوا لها كما ان الشنطة منذ شراء السيارة تحتاج الى خبطة شديدة من المنتصف كى تقفل وظلت كما هى وان كنت انا لم اذكر هذا اثناء الصيانة
الا انى بمشيئة الله سأقوم بالصيانة بمركز الخدمة بصفة دوري ايا كانت التكلفة وبعد المسافة بين اقامتى وبين مركز الصيانة والذى يتجاوز 1500 كم ذهابا ً وايابا ً

[medo akef]

الف شكر يا مان علي التقرير الرائع و انا ولله منفض موضوع الصيانه خالص بربط العفشه بره و مفيش اي حاجه في العربيه تستدعي الصيانه في التوكيل و حتي تغيير الزيت و الفلتر بعملهم في اي بنزينه موبيل

[ahmed_eng2001]

اولا مبروك يا باشا على العربية و اهلا بك فى دنيا الصيانة ptmnlo123per1147

الناس فى الصيانة تعاملهم سيئ جدا , مهندسين و فنيين .
لازم يا باشا تفضل جنب العربية و تفكرهم بالى انت عاوز تعمله فى العربية , و متمشيش الا لما تخلص الى انت عاوزه . اسعار قطع الغيار غالية شوية فى التوكيل

فى صيانة الـ 20 الف ان شاء الله :-

حتغير زيت و فلتر
تيل الفرامل
خليهم يربطو العفشة

انا موافقك ميدو باشا على رايك .... انا حبقى اعمل الصيانة الجاية ان شاء الله برة التوكيل

[hazem_khidr]

بالنسبه للخلوص ال 2 سم في فرامل اليد هو دا طبيعه كل اللانسر ان التكه الاولي بتبقي مساحتها كبيره شويه

[mesho70]

المشاركة الأصلية كتبت بواسطة medo akef الف شكر يا مان علي التقرير الرائع و انا ولله منفض موضوع الصيانه خالص بربط العفشه بره و مفيش اي حاجه في العربيه تستدعي الصيانه في التوكيل و حتي تغيير الزيت و الفلتر بعملهم في اي بنزينه موبيل

شكرا ً ميدو على سرعة تفاعلك ودة مش جديد عليك

اما موضوع انك منفض عالصيانة فالتوكيل فأنا بختلف معاك تماما ً وشايف ان الصيانة

فالتوكيل بالرغم من تكلفتها الغير عادية ( ويذيد عنها بالنسبالى بعد مسافة اقامتى عن

اى توكيل ) الا انها مهمة جدا ً ودى عن قناعة شخصية من ايام الهيوانداى القديمة اللى

كانت معى وكنت بعملها الصيانة دوريا ً كل 5 الاف كم فالتوكيل

من الآخر الناس فالتوكيل فاهمة العربية كويس يعنى مش بيجربوا وممكن لا قدر الله مع

اى مشكلة بسيطة برة حد يفتى ويبوظ حاجة نلاقى اننا بندفع فى اصلاحها اكتر من كان

ممكن ندفعة فالتوكيل على فترات متباعدة

مع تحياتى وشكرى لك