ياجماعه احط زيت ايه لعربيتى موبيل 1 ولا موبيل XHP

[dede_sese]

انا عربيتى بومه 1300 مو2006 وماشيه 100 الف كم عايز احط زيت .ياجماعه احط زيت ايه لعربيتى موبيل 1 ولا موبيل XHP الرجاء الافاده.

[hatem_eg]

والله انا عن نفسي جربت موضوع موبيل 1 ده في عربيتي بي ام كانت مو 81 ، ايام ما كان زيت موبيل 1 ده بيتباع ب 85 جنيه
بعد ما مشيت بيه 3000 كيلو بكشف على الزيت لقيته في صباعي عامل زي المايه رغم اني كنت مغيره في محطه موبيل وليها طبعا سمعة مش تحت الكوبري يعني

ومن يوميها غيرته على طول وما بقتش استخدم غير XHP
عن نفسي مش مقتنع بزيت يفضل في الماتور 10 الاف كيلو والا مش عارف كام زي ما بيقولو ولو حتى عليه اضافات ،،،،، ده رايي الشخصي مش أكتر
بالنسبة ل XHP بيقولو كل 3000 كم يتغير ،،، عن نفسي بردو بغيره كل 2000 كم بس ، مش خسارة في الماتور عشان تحافظ عليه ، مش لازم نحلل الزيت يعني عشان نغيره ، الزيت روح الماتور تحافظ عليه وعلى لزوجته حتحافظ على الماتور وما تنساش ان بلدنا بقيت عامله زي الخليج في الحر دلوقتي..

ربنا يباركلك في عربيتك يا ريس ،، تحياتي

[ahmed_eng2001]

السلام عليكم

انا بحط موبيل 1 فى عربيتى الانسر , عشان الشركة المصنعة بتقول كدة , بس لو العربية موتورها قديم شوية يبقى لازم نحط زيت بيتغير كل 3000 او 5000 كم , ده كلام الميكانيكى

[acounter01]

موبل ا طبعا

[احمد على 1999]

موبيل one افضل من xhp لعربيتك