عزل شنطة سيارة بيجو 504 تجربة خاصة

[vovoasw]

سم الله الرحمن الرحيم
الاخوة الكرام اعضاء منتدى مصر موتورز قمت بحمد الله شراء سيارة بيجو 504 وهذا من نعمة ربى ومنذ ذلك الوقت قمت بمتابعة منتديات مصر موتورز وبعض المنتديات الاخرى حول عزل السيارة وقمت ببحث الموضوع من كافة نواحية وقرر ان اقوم بعمل عزل للسيارة وخاصة ان السيارة لا يوجد بها اى عزل اى الصاج فقط وانا كنت قد قررت ان اقوم بتركيب تكيف بالسيارة بالتالى لابد ان يكون هناك عزل جيد فيها فقررت ان اقوم بعمل عزل حرارى وصوتى للسيارة على مراحل وهنا ابدا معكم بالجزء الاول وهو عمل عزل لشنطة السيارة بمجهودى الخاص



اولا الخامات العزل
1- فوم مغطى بسلفر ( عزل حرارى )
2- لباد وهو يشبة الباطنية ( عزل صوتى )
ثانيا الخامات الاخرى
1- انتركوت لعمل طبقة على شنطة السيارة
2- لاكية ابيض لعمل طبقة فوق الانتركوت
3- سنفرة لسنفرة الشنطة



قمت عن طريق السنفرة بتنظيف الشنطة تماما ثم قمت بعد ذلك بدهان الشنطة بالانتركوت حيث يقوم بعمل طبقة على الصاج لمنع الصدا




ثم قمت بعد ذلك بدهان الشنطة بلاكية ابيض مزود بلون اصفر ليعطى لون سن الفيل


ثم بدأت بعد ذك بلصق الفوم السيفر حيث بناء على تجربة احد الاعضاء ان قام بقص السيفر الى شرائح طولية ليسهل لصقهـا بالفعل قمت بما اشار الية وقد اصاب فى كلامة لانى فعلا واجهت بعض المنحنيات الصعبة داخل الشنطة ولكن الحمد الله استطعت لصقهـا بطريقة جيدة على الاقل من وجهة نظرى





ثم قمت بعد ذلك بلصق اللباد وهو العازل الصوتى




انا قلت كمان اعمل غطاء شنطة العربية



طبعا لسة فاضل الجلد وهو داة اللى محيرنى وعاوز منكم تساعدونى فية اية نوع الجلد المناسب او الخامة اللى استخدمها وتكون مناسبة للارضية علشان انا هستخدمها فى السيارة كلها

الملحوظة الاخيرة انا يا جماعة معنديش خبرة كافية والادوات والشغل دة كله من عمل ايدى دون مساعدة من احد فارجو ماتخدوش عليا اذا كان مفيش جودة فى بعض مناطق العمل وعلى كل حال انا هتقبل النقد لانى عاوز اتعلم الى ان يشاء الله

والله ولى التوفيق

[adamlion]

يوجد جلد المانى ممتاز لكن غالى شوية وحاول تجيب من عند اى تجار جملة اومستلزمات سيارات.

[hisham853]

بصراحة تسلم ايدك و احييك علي المجهود الجميل ده و كويس انك تعمل كل حاجة بنفسك و مستني باقي المراحل للجلد

[more13]

مبروك السيارة اللى محبوبة من ناس كتير ومنهم انا رغم انى عمرى ماسقتها
يا ريت لو تعرفنا اية اللى شدك ل504 وخلاك تشتريها
واشترتها بكام وهى موديل كام واهم مواصفاتها
وربنا يباركلك فيها

[Hisham.Elgazzar]

الله ينور عليك يا باشمهندش ده شغل على ميه بيضا
الجلد هتلاقى منه خامات كتيرة والخامة المناسبة للعربية هتبدأ من 45 جنيه المتر