ماتريكس 2001 (لافيتا) بتاكل بنزين :(

[Ibnawaha1]

السلام عليكم و رحمة الله و بركاته

يا جماعة الخير أنا لسة شاري عربية ماتريكس 2001 إللي هي لافيتا إللي بتبقي نازلة للمعوقين بس أنا إشتريتها من واحد كان فاكك حظرها

المهم العربية أتوماتيك و حالتها العامة ممتازة و صاحبها كان مش بيستخدمها خالص بالذات في أخر سنة ماركبهاش خالص عشان كان عنده عربية تانية و كان راكن الماتريكس في الجراج بقالها سنة و 4 شهور

الإنطباع العام عن العربية إنها ممتازة و لكن السحب ضعيف شوية أنا بقول يمكن عشان الأوتوماتيك و ممكن برضو يكون من الشكمان عشان فيه تنفيس

المهم أنا إشتريت العربية من هنا و رحت مفول تانك البنزين و صفرت العداد عشان أحسب هتمشي أد إيه بالتفويله

و روحت و جيت و عملتلي كام مشوار كده (ممكن نصها في الزحمة و نصها علي الدائري) لحد ما العداد عمل 206 كيلومتر روحت داخل البنزينة تاني (نفس البنزينة الأولانية) و قلتله فول راح مفول بـ 27 لتر

لما حسبت إستهلاك البنزين لقيت الـ 1 لتر بنزين عمل 7.6 كيلو يعني 152 كيلو في الصفيحة

فأنا بقول أكيد العربية مأفورة أوي في الإستهلاك بتاع البنزين و إن الإستهلاك ده مش الطبيعي بتاعها خاصة و أنا قريت علي النت إن الناس بتقول بتعمل جوه البلد 200 كيلو

محدش يعرف المشكلة ممكن تكون من إيه ؟ و إزاي أحلها ؟ و هل ده طبيعي ولا مش طبيعي ؟
مع العلم إن أنا بحط بنزين 92

و شكراً

[AbOnOrA]

وعليكم السلام ورحمة الله وبركاتة
اولاً مبروك العربية ربنا يهبك خيرها ويكفيك شرها

ثانياً التجربة ديه مش مقياس لازم تجرب مرتين تلاتة وتحسب المتوسط
كمان العربيه لسه جديدة تحت رجلك وانت بتقول سحبها ضعيف فوارد انك تكون رجليك تقيلة على دواسة البنزين علشان تسحب معاك اكتر
فاول حاجة استنى لما تاخد على العربيه وتسوق بشكل اقتصادى شوية وتقيس الاستهلاك
وخد بالك ان الاتوماتيك عموماً استهلاكة اعلى من المانيوال

[احمد على 1999]

اكيد معندكش مشكلة
دا ال i10 المفعوصة بتعمل زيك كدا و العربية 2012
عايز تعمل مسافة اطول سوق على راحتها متكبسش بنزين و اظبط ضغط العجل و الزوايا و اتاكد من رجلاش الفرامل و شيل اى احمال ملهاش لازمة من شنطة العربية