كاااااابتن !! انزل يا حبيبي من ع العربية

[احمد الشناوى1981]

تسلم ايدك يا باشا على الموضوع بجد ربنا يكون فى عونك
انا بقول ممكن تكهرب العربيه أو تغطيها و تنام جواها و بكدة ممكن تقفش اى عيل من مجرمين الحرب الى عندك
انا طبعا بهزر الاطفال احباب الله و فداهم 100 عربيه
عموما كلنا اتحرق دمنا بسبب مواقف زى دى و الحمد لله بتعدى
من 7 او 8 سنين كده كان البيت الى قصادى فى عيلين صغيرين فى الدور الاول و دول كانو عفاريت بقرون يعنى كل الرخامه الى تتخيلها و كان اكتر حاجه مقرفه ام العيال دى حاجه كده زى التلاجه الايديال ممكن يكون محروق دمك من حاجه اتكسرت فى العربيه و معرفتش امسك العيال و دى و لا حياه لمن تنادى
المهم ياباشا فيضتلهم و دماغى قفشت يا انا يا هما و كنت سايب جردل ميه مليان فى البلكونه كل ما اسمع صوت حد فيهم فوق العربيه احميه و لو صادفت و كنت جى من بره او على السلم و لحقت امسك واحد منهم بيشوف منى ما لز و طاب
المهم خلاص هما كبرو و بطلو يطلعو على العربيات الى فى الشارع
احسن حاجه انك تعلى حساس الانذار و تعرف مين من العيال الى فى الشارع الى مسؤل عن عربيتك و تقول لاهله يمكن يتصرفو معاه و بعدين تشوف غطا قماش تقيل و ترش عليه شويه زيت على الكبوت و السقف و طبعا هيلم كل التراب الى فى اسكندريه و لو حد من العيل دى جرب يطلع على العربيه مش هيكررها تانى و آخر حاجه ممكن تبيع العربيه و تقضيها مواصلات لو الحلول دى منفعتش
و بالتوفيق ان شاء الله

[M.voka]

اللهم ما صلى على النبى جميل جدا الموضوع بجد وهى دى الحقيقة اللى ممكن الواحد بيعانى منها فى المناطق اللى عايش فيها بجد ........ ربنا يكرمك ويحافظ على العربية بتاعتك

[فادي مكرم]

تسلم ايدك يا فادي و فعلا هم يضحك و هم يبكي

شكرا ليك يا عمر

انا حصلت معايا مره واحده رغم ان بيتنا في منطقة هادية جدا وكل بيت في جراج .. بعد التخرج الوالد واخواتي جابولي كورولا هدية وكنت فرحان بيها جدا ركنتها قدام البيت جيت الصبح شفت العربيه اتصدمت لقيت العيال كاتبين علي جنب العربيه مبروك التخرج ياباشا والجنب التاني كاتبين مبروك العربيه الجديده وكمان علي الكبوت اللهم لاحسد .... دول ناقص يكتبوا البقرة وال عمران .. بس انا عرفتهم وجيت بالليل الساعه2 ومسكت عربيتهم بالشاكوش ودقدقتها ليهم 100 مرة ولا من شاف ولامن دري

ماهو انا ناويله نية سودا
لو مسكته هحبسه هنا فى الشقا و اعمل مفاوضات عليه مع اهله "خطف مع سبق الاصرار والترصد"

[فادي مكرم]

يا فادي انت في نعمة جيوفاني دة اية انا عندي يوسف 4 سنين ابن صاحب العمارة وسكنين فوقي اول لما اطلع البلكونا على طول تلاقي اللي نزل على دماغك خوخ و بطيخ (فكهة الموسم) طبعا غير الغدا و حتت اللحمة لازم يدوقني منها علي راسي مرة نزلت سلك الدش من البلكونة عادي شدو و نزل الرسيفر 3 حتت و كان تانى يوم جوازي اما العربية هي ممكن تتكلم عن نفسها 1: 10 اريال راديو داخلي في الشهر (بخرج ثمنهم اول ما اقبض) طبعا يوسف مكسرهم 2: يعزم اصحابو يطبلو و يرسمو و يكسرو في الغلبانة 3: كل يوم معركة بين يوسف وبين اصحاب السوء و النتيجة ظلطة فى العربية 4: في الاجارة اول لما انزل الصبح يقبلني يوسف و ماسك قطعة مكسورة من العربية و بكل براة يقول (عمو انا لاقيت دي وقعة من العربية) 5: المساحات يفكها و يضرب بيها الغيال انا مش عارف ابيع الشقة او حتي اعزل لغاية يوسف ما يكبر و يدخل مرحلة المراهقة ويعاكس بنت الجيران و ينسانس

لا لا دة لو يوسف دة عندنا كنت ظبط معاه الكلام
بص انت تجيب علبة بسكويت تمام وتخليها ف البيت و منين ما تشوفه اظرفه واحد ..... اسبوع اتنين هتلاقيه بيجيلك مخصوص و بيعزك
ساعتها ممكن تتفق معاه يسيب العربية ف حالها يا اما مفيش بسكوت " وطبعا الكيف بيزل " جرب وقولي^^

ويا سلام لو عندك واحد ضيف وراكن عربيته قدام بيتك وقاعد معاك وبعد ما قام من عندك نزل لقى عربيته ملعوب فيها البخت ومعمول فيها عجين الفلاحه

دة هيبقى موقف محرج جدا
والضيوف هتقول عليا دة مش مسيطر فى منطقته
بس العيال مش بيقربوا ناحية العربيات الغريبة ع الشارع
اكرام الضيف برضه موجود

[فادي مكرم]

وجعت قلبى يا فادى وكلامك اثر فيا ... خاصة حكايتك مع جوفانى بس الحمد لله ان ربنا خلصك من ايدة عقبالى بس سيبك انت الموضوع جامد تسلم ايدك

العفو يا استاذنا
مهما عملنا المنتدى يستحق اكتر و اكتر

ههههههه بصراحة يا فادى انا مشفق عليك من اللى بيحصلك بس صدقنى الكلام دة عمرة ما حيتغير والناس مش حتبطل تقعد على العربيات دة كيف عندهم بس احييك على اسلوب عرض الموضوع

شكرا يا استاذ احمد
واحشني من اخر مقابلة
وحتى مش بشوف ليك مشاركات كتير
ربنا يعينك ويقويك ونراك قريبا ^^