العودة   مصر موتورز مجتمع السيارات > السيارات الكورية والماليزية > Hyundai هيونداى > Hyundai Elantra - النترا


إضافة رد
 
أدوات الموضوع
  #1  
قديم 13-11-2013, 07:28 AM
adelwik adelwik غير متواجد حالياً
 
تاريخ التسجيل: May 2011
المشاركات: 54
adelwik is on a distinguished road
افتراضي القصة المريرة مع النترا 2009 اللى بعشقها

انا عملت مشاركة لنفس الموضوع بس حبيت اعمله موضوع جديد للأهمية فياريت تستحملونى للأخر والموضوع بالتفصيل الممل كا الاتى :-

1- انا معايا النترا 2009 اوتوماتيك ماشية 110000 كم (واخدها مستعملة من حواللى سنة) المهم والعربية دايرة على السلانسية الموتور بيعمل نفضة زى (تك تك تك) وتزيد جامد جدااااااا لو جبت عصا الفتيس على ال (d )وتزيد بصورة رهيبة لو جبت الغيار على (R ) و فى بعض الاحيان والعربية (باردة) تكون لسه ما سخنتش كويس ممكن تعمل صوت رزعة او خبطة لما اجيب الغيار على ال R لكن لو العربية سخنة وراجع من مشوار ما بتعملش اى رزع او صوت لما اغير على( R ) لكن مشكلة( نفضة الموتور) موجودة فى كل الاحوال فتحت الكبوت والعربية دايرة وحطيت ايدى على الموتور حسيت زى مايكون العربية بتعمل نفضة كل 2 ثانية زى بالظبط زمان لما كانت العربية القديمة بتعمل عمرة والميكانيكى يقولك ان العربية( بتعد ) زى بالظبط الترتيلة او زي ما تكون العربية هتبطل يعنى نفس ( النفضة) والواحد بيبطل العربية المهم نظفت البوابة و جبت البوجيهات الاصلية وغيرتها اكترمن مرة ومافيش فايدة ) المشكلة دية كنت بحس بيها من فترة بس خفيف لكن حاليا بدأت تكبر جامد وما كانتش موجودة اول ما شاريت العربية) بالنسبة للفتيس وانا ماشي كله تمام يعنى الفتيس ناعم جداااااااا وبيغير عادى جداااااااا

2- العربية فيها حدفة يمين (الحدفة دية موجودة من يوم ما شاريت العربية وطبعا ما اعرف ايه سببها رغم ظبطت زوايا وجبت 4 فرد كاوتش جداد ورصصت لكن ما فيش فايدة)

3- فى المناطق المكسرة العربية كلها بتعمل دربكة وتخبط من اول الدريكسون لغاية العجل الامامى كل ده بحس بيه وانا سايق(المشكلة دية ما كانتش موجودة من الاول يعنى بدأت تظهر من فترة

4- فيه طقة واحدة بس بتيجى فى علبة الدريكسون مع لف الدريكسون بيعمل طقة واحدة او اتنين بالكتير(المشكلة دية كانت موجودة من يوم ما شاريت العربية)

5- دايما بعد اى حتة مكسرة او مطب بسمع صوت جاي من ورا (بو) زى فرقة بس مرة واحدة كل فترة والمساعد اليمين بيعمل تزييق جامد بس مش عارف الفرقعة دية من المساعد ولا من حاجة تانية(المشكلة دية ما كانتش موجودة من قبل ).
المهم روحت مركز صيانة speed servec) فى جسر السويس للمهندس هانى ميخائيل بناء على نصيحة من اشخاص فى النت وانه كان شغال فى توكيل غبور سابقا واول ما قابلته قلت له ان عايز استلم العربية فابريكة يعنى عايز أحل كل المشاكل دية بعد ما حكيت له على كل مشاكل العربية واول حاجة عملها جاب الجهاز وشاف العربية وبعد كدة قال لواحد عنده فى المركز ما أعرفش تخصصه ايه وقاله شوف العربية فيها ايه المهم الرجل ركب العربية ودورها على الواقف ولف الدريكسون وبص على اخر الدريكسون من تحت لما سمع صوت (الطقة) وبعد كدة راح بص على العجل الامامى وقال ان العجل (مأخر) وان قنطرة المحرك مش مظبوطة و تقريبا واخدة مطب جامد او خبطة يعنى محتاجين قنطرة واسكترا انا قلت له اطلع جرب العربية وقوللى هى عايزة ايه بالظبط راح طلع جرب العربية ورجع وكانت الصدمة ان قال العربية محتاجة الاتى :-

1- قنطرة المحرك
2- عدد 2 مقص
3- عدد 2 مسمار ميزان
4- علبة دريكسون
5- كليبر او كامبر (مش فاكر الاسم الصحيح) المهم سألت على الاسعار عند نافع بتاع قطع الغيار اللى فى شارع دمش على اساس انه بيبيع القطع النضيفة او الاصلية طلعت عاملة( 4500 جنيه) غير طبعا تكلفة التركيب بتاعة مركز الصيانة .

وبعد ما طلب القطع دية قال ان العربية عايزة تغير زيت الفتيس والفلتر ولازم يتبص على حساس الفتيس وقال مش عايزين (اسكترا) رغم انه طلبها قبل ما يجرب العربية !!! وقاللى ان لازم اشتري القنطرة جديدة يعنى مش استيراد لان لو فيها ميلة بسيطة انا عن نفسي مش هأعرفها الكلام ده كله قاله الرجل اللى هو جرب العربية وشغال مع ألمهندس هانى ميخائيل فى المركز انا بعد سمعت كل المشاكل دية بصراحة اتصدمت ومشيت على طول وطلعت على واحد فاتح ورشة كبيرة بتاع ظبط زوايا وعفشة فى جسر السويس لاقيته بالصدفة قلت اجرب واشوف ايه رأيه وقلت له عايز اظبط زوايا وارصص المهم رصصنا ال4 فرد كاوتش ورفعنا العربية وحطها على جهاز ظبط الزوايا ويبدو انها ما ظابطتش راح نزل تحت العربية وبص عليها وقاللى لازم يتعمل(زرجينة) للعجل الامامي لان تقريبا العربية واخدة مطب جامد واللى فهمته منه ان العجل الامامى مش فى وضعه الصحيح وقاللى لو مشيت على كدة هتاكل منك كاوتش بسرعة المهم الرجل اقنعنى بالزرجينة وانها مش هتأثرعلى العربية فى حاجة وانا سألتة هل فى حاجة تانية يعنى (القنطرة مظبوطة) رد عليا وقاللى كل مظبوط مافيش غير اننا نعمل زرجينة وهتتكلف 100 للعجلتين اللى قدام وبعد كدة كله هيظبط !!!! انا قلت لنفسي اجرب على الاقل افضل من 4500 جنيه تمن االحاجات اللى طلبها المهندس بتاع المركز الاولانى المهم ترك (صبيانه اللى شغالين تحت ايده) يعملوا الزرجينة و طلعت عينهم و قعدوا يظبطوا الزوايا اكتر من 5 مرات مع تغيير فرد الكاوتش من اماكنها و كل مرة نجرب العربية ومافيش فايدة قعدوا حواللى ساعتين لغاية ما جاء المهندس نفسه(رئيسهم) اللى قاللى على موضوع الزرجينة وأشتغل هو بنفسه فى ظبط زوايا و قاللي أن دريكسون العربية مش مظبوط (وفيه عضة او بوش) ولازم تعرف ان بعد ظبط الزوايا هيكون فيه حدفة خفيفة جدااااا وفعلا بعد ما جربت العربية لاقيت الحدفة خفت جدااااا لكن بدل ما كانت فى اليمين بقت فى الشمال بس خفيف.

ايه بقى رأيكم فى القصة المريرة ؟؟؟؟؟؟؟؟؟؟؟؟؟؟؟؟؟؟؟؟

بالله عليكم عايز حد يكون بن حلال يدلنى على الحل او على مكان مضمون يحل المشاكل دية(بس يكون عن تجربة حقيقية) لان ما عنديش استعداد اروح مشاوير على الفاضي كفاية اللى روحته !!!!!!! وعملت مشاركات كتيرة فى اغلبية المواقع ومنتظر .

والف شكرررررررررررررررررررررر ليكم جميعااااااااااااااااااااا ااااااااااااااااااااااااا ااا
رد مع اقتباس
  #2  
قديم 13-11-2013, 08:11 AM
adelwik adelwik غير متواجد حالياً
 
تاريخ التسجيل: May 2011
المشاركات: 54
adelwik is on a distinguished road
افتراضي رد: القصة المريرة مع النترا 2009 اللى بعشقها

معلش نسيت حاجة مهمة ان انا لما لاقيت الموضوع كبير وهيكلفنى اتصلت بالمهندس الاولانى بتاع مركز الصيانة اللى طلب القنطرة و القطع الأخرى وقلت له ان اهم شيء عندى دلوقتى ان نظبط الموتور ونمنع الرجة او (النفضة ) اللى فى الموتور وبعد كدة لما ربنا يسهل نبقى نغير الحاجات اللى هو طلبها لكن رد عليا وقال ما ينفعش لان الموتور كله واقف على القنطرة ولازم نغيرها الاول قبل كل شيء !!!!!!!!!
رد مع اقتباس
  #3  
قديم 13-11-2013, 11:47 AM
الصورة الرمزية أيمن الروبي
أيمن الروبي أيمن الروبي غير متواجد حالياً
التخصص العملى: تجديد السيارات
 
تاريخ التسجيل: Oct 2011
الموقع: الجيزة
المشاركات: 856
أيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond reputeأيمن الروبي has a reputation beyond repute
Smile رد: القصة المريرة مع النترا 2009 اللى بعشقها

الله يكون في العون
نصيحيتي اظبط العفشه الاول وبعد كده تركز في الموتور
للأسف القنطره دي عصب العربيه شايله الموتور وماسكه العفشه
انا في 2007 او 2008 كانت لسه العربيه نازله ومغيرها لواحد صاحبي ب 6500ج كان عمل بيها حادثه علي الاوتوستراد وانتظرناها 30 اسابيع عقبال ما استلمناها من التوكيل
وغيرنا مقصات قدام و2 شمعدان وبلي كامل بس للأسف الفواتير مش معايا
بس بعد تغيير القنطره العربيه رجعت زيرو من حيث الات الجر
وبعد كده الموتور امره سل او الفتيس
اهم حاجه البودي والعفشه علشان تعرف تمشي بالعربيه
__________________

استفسر عن دهان سيارتك !!!

اللهم لك الحمد كما ينبغي لجلال وجهك وعظيم سلطانك

ورشة إيه آي أوتو بينت لسمكرة ودهان السيارات
رد مع اقتباس
  #4  
قديم 13-11-2013, 12:49 PM
الصورة الرمزية Hisham.Elgazzar
Hisham.Elgazzar Hisham.Elgazzar غير متواجد حالياً

من انا؟: الفقير إلى الله
هواياتي: جميع الأعمال اليدوية-IT
 
تاريخ التسجيل: Dec 2011
الموقع: مكـــــــ عين شمس-م.نصر-التجمع الأول ــــــانى
المشاركات: 5,061
Hisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond repute
رأى رد: القصة المريرة مع النترا 2009 اللى بعشقها

اسأل على محمد توكيل فى الحرفيين لسه ابن عمتى عامل عنده وش السلندر بتاع سيراتو وعمل فيها شغل الله ينور العربية رجعت لطبيعتها
وهناك هتلاقى القنطرة واى قشاية للعربية هتلاقيها هناك

محمد توكيل فى الحرفيين اسمه كده ومعروف هناك
رد مع اقتباس
  #5  
قديم 13-11-2013, 08:14 PM
adelwik adelwik غير متواجد حالياً
 
تاريخ التسجيل: May 2011
المشاركات: 54
adelwik is on a distinguished road
افتراضي رد: القصة المريرة مع النترا 2009 اللى بعشقها


المشاركة الأصلية كتبت بواسطة Hisham.Elgazzar مشاهدة المشاركة

اسأل على محمد توكيل فى الحرفيين لسه ابن عمتى عامل عنده وش السلندر بتاع سيراتو وعمل فيها شغل الله ينور العربية رجعت لطبيعتها
وهناك هتلاقى القنطرة واى قشاية للعربية هتلاقيها هناك

محمد توكيل فى الحرفيين اسمه كده ومعروف هناك
طيب يا استاذ هشام محمد توكيل هو تخصصه ايه بالظبط يعنى بتاع ميكانيكا وعفشة ولا ايه بالظبط ؟؟؟ وهل هو بيشتغل فى كل انواع العربيات ولا كيا فقط وياريت العنوان بالظبط عالشان انا مش من القاهرة انا من الصعيد يعنى تقريبا 250 كم سفر فياريت اتأكد عالشان المشوار طويل

والف شكر على مساعدتك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:39 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017