مشكله غريبه في السرعه...160 مش اكتر من كدا

[احمد على 1999]

حضرتك منين عشان الاعضاء يدلوك ؟

[nktis]

مش ممكن يكون فيه مشكله في ترصيص العجل .

[viken.tantawy]

السلام عليكم
اولا احب اقولكم الف شكر على الردود والتفاعل والاحترام اللي شوفتوا هنا
ثانيا نقول بقي نتايج اللي عملته
1- غيرت علبة الشكمان بـ 250 بالتركيب
2- غيرت زيت المكنه بشيل5000 ----(بـ135 جنيه )
3- نضفت بوابه الهوا (منظف بـ30 جنيه )مع تغيير البوجيهات سن طويل بـ90 جنيه
4-قولت بالمره اغير جوان المكنه وانظفها وتم الامر بـ25 جنيه تمن الجوان
5- تم الكشف بالكمبيوتر ولاقيت مسجل 3 حساسات والراجل عملهم على طول وظبطت سلانسيه ودا كلف 50 جنيه في بنزينه كالتكس اللي في عمر مكرم في مدينة نصر
6- عمل دورة غسيل للريداتير وميه خضرا النص لتر بـ25 وهي واخده 13 لتر

-----نيجي بقي للمشكله والطامه الكبرى واللي هتفرق في سحب العربيه.....قلت اغير زيت الفتيس زي ما قولنا في الاول روحت لواحد متخصص في الفتيس الاتوماتيك في مدينة نصر الراجل قالي هيتم الاتي بالحرف :-
1- فك الفتيس بالكامل
2- تغيير الزيت حوالي 10 لتر واللتر بـ50 جنيه
3- تغيير الفلتر والفلتر بـ 250 جنيه
4- صيانه الفتيس من جوه وعمل اللازم
5- تركيب الفتيس وتوصيله على الكومبيوتر لبرمجته لانه من برا يا باشا ودا فتيس الكتروني بـ100 جنيه
وبعد كل دا مصنعيه ايد الراجل 150 جنيه
طبعا انا قلت شكرا والسلام عليكم وطيرت على البيت ومبسوط بشويه الصيانه اللي في العربيه الى حين اشعار اخر او اي افاده منكم ايها الساده المحترمون

[nktis]

الف مبروك و ربنا يهديها و يهدي عربياتنا , و جزاك الله خيرااا لنقلك الصيانات بالاسعار ...
عندي انا بس شويه الشكمان عايز اغيره و ادينا عرفنا متوسط اسعاره بس انا مانيوال ...
ربنا يكفينا و اياكم شر الطرقات ...