العودة   مصر موتورز مجتمع السيارات > سوق السيارات فى مصر موتورز > سوق السيارات المصرية > المرور والشهر العقارى

المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور


إضافة رد
 
أدوات الموضوع
  #36  
قديم 30-09-2010, 05:54 AM
الصورة الرمزية حسام البورسعيدى
حسام البورسعيدى حسام البورسعيدى غير متواجد حالياً
من انا؟: م.حسام راشد
التخصص العملى: civil engineer
هواياتي: خبير فى قيادة وميكانيكا السيارات / التجارة
 
تاريخ التسجيل: Sep 2010
الموقع: بورسعيد
المشاركات: 2,743
حسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond reputeحسام البورسعيدى has a reputation beyond repute
افتراضي رد: اسرار اللوحات المعدنية الجديدة للسيارات

من الطريف عندنا فى بورسعيد معظم اللوحات الجديدة للاجرة والنقل لكن لسة منزلوش لوحات جديدة للملاكى .. واغلب الرموز عندنا بتكون (ط ع س) (ط ع ص) (ط ع أ) واصحاب العربيات الاجرة طلعوا عليها تعليق ظريف ..

(ط ع س) : طلع عين السواق

(ط ع ص) : طلع عين صاحب العربية

(ط ع أ) : طلع عين اهلى

ههههههههههههههههههههه

موضوع جميل تسلم ايدك يا باشا ..
رد مع اقتباس
  #37  
قديم 02-10-2010, 09:15 PM
ماستر لقطع الغيار الكورى ماستر لقطع الغيار الكورى غير متواجد حالياً
 
تاريخ التسجيل: Oct 2010
المشاركات: 2
ماستر لقطع الغيار الكورى is on a distinguished road
افتراضي رد: اسرار اللوحات المعدنية الجديدة للسيارات


المشاركة الأصلية كتبت بواسطة loayfathy مشاهدة المشاركة

بالرغم من مرور عدة أشهر علي بدء العمل بها إلا أن اللوحات المعدنية الجديدة لاتزال لغزًا محيرًا بالنسبة للمواطنين وعدد لا بأس به من ضباط الشرطة علي السواء.. حالة الغموض جعلت من الرموز المدونة علي اللوحات أيضًا مثيرة للتساؤل والفضول فلا أحد يعرف تحديدًا المقصود بالأحرف والأرقام المدونة عليها.


اولا : العامة للمرور استبعدت11 حرف من حروف الهجاء العربية وهي «ث - ح - خ - ز - ذ- ش - ض - ظ - غ - ك - ت»

وقد حاولت ادارة المرور استبعاد حروف الكلمات المشينة على قدر الاستطاع ولكن هناك بعض الحروف غير لائقة مثل (ر م ا) - (ع ر ا) (هـ ط ل) تم تركيبها على سيارات بالفعل

وهناك طبعا حروف مميزة بيشلوها لناس معينة
مثلا شفت لوحات ظباط شرطة كتير ارقامها مميزة مثل (ب ط ل) وطبعا تعرفهم من الزجاج الفميه وحتى ال لوحته مش مميزة بيحط نسر فى وسط اللوحة

ثانيا : مفيش رقم صفر علشان الناس الحلوة ال كانت بتحط مسمار علشان يبان انه صفر ويلبس مخالفته لناس تانية

ثالثا : مفيش ولا حرف ولا رقم يتكرر فى اللوحة مرتين يعنى مفيش لوحة اسمها 777 او 558 او VIP ولا م م م ولا ن ن ل ولا الكلام دا خالص بس ممكن يكون فى ترتيب فى الارقام يعن ممكن 345 او 567 او 123 وطبعا محجوزة لناس معينة

يأتي تفصيل الحروف والأرقام لكل محافظة علي حدة كالآتي:

هناك 3 ترقيمات من اللوحات
1-ترقيم محافظة القاهرة
2-ترقيم محافظة الجيزة
3-ترقيم جميع المحافظات الاخرى

1-محافظة القاهرة:
وتشمل القاهرة وحلوان (شرق النيل عموما)

لوحاتها المعدنية يدون عليها ثلاثة أحرف وثلاثة أرقام لا تتقيد بأحرف معينة، و يمكن لمسئولي الإدارة العامة للمرور اختيار الأرقام والحروف عشوائيا ولكن يشترط عدم تكرارها


يعنى بصفة عامة اى لوحة فيها ثلاث ارقام فقط تبقى ملاكى القاهرة مثل

ن د و 512
م ل ن 963
ن ط ل 845

الحروف تدل على وحدة المرور مثلا (ن د و) - مرور النزهة
(د س ا) - مرور مدينة نصر ، (ن ط ا) - مرور الوايلى وهكذا
وكل مجموعة حروف ترخص عدد 504 سيارة ملاكى القاهرة بنفس الحروف

يعنى مثلا مجموعة حروف (د س ا) فيها 504 سيارة ملاكى القاهرة
ليه 504 ومش 999 سيارة ؟
علشان مفيش صفر ومفيش رقم بيتكرر
يبقىى حاصل ضرب 9 (علشان مفيش صفر) فى 8 (نقص واحد
لعدم تكرار الرقم السابق) فى 7 (نقص رقمين لعدم تكرار) = 504


2-محافظة الجيزة
وتشمل الجيزة واكتوبر وغرب النيل عموما

وترقيمها حرفين واربع ارقام
يعنى بشكل عام اى لوحة فيها حرفين فقط تبقى ملاكى جيزة

مثل
ا س 6587
م و 9543
ن ج 6547

وكل مجموعة حروف يمكن ان ترخص عدد 3024 سيارة ملاى جيزة

يعنى فى مجموعة حروف (ا س) هناك عدد 3024 سيارة تحمل مجموعة حروف ا س

حاصل ضرب 9 (علشان مفيش صفر) فى 8 (نقص واحد
لعدم تكرار الرقم السابق) فى 7 (نقص رقمين لعدم تكرار) فى 6 (نقص 3 ارقام علشان التكرار) = 3024


3-جميع المحافطات والاقاليم الاخرى ترقيمها ثابت وهو:

ثلاث حروف واربع ارقام يعنى ملاكى اقاليم بشكل عام

ولكن كل محافظة بتبدأ بحرف او حرفين ثابتين لكل المحافطة تبدا بى الترقيم طبقا للجدول الاتى - تذكر ان كل ملاكى الاقاليم 4 ارقام

الفرق بين ملاكى القاهرة والاقاليم ان القاهرة 3 ارقام وبدون حروف محددة وكل الاقاليم 4 ارقام وحرف مميز تبدا به اللوحة

حرف «س» = ملاكى الإسكندرية (مثل س ص ج6541)
حرف «ر» = ملاكى الشرقية (مثل ر ج ا 9632)
حرف «د» = ملاكى الدقهلية (مثل د ب ج6321)
حرف «مـ» = ملاكى المنوفية (مثل م ا د5476)
حرف «ب» = ملاكى البحيرة (مثل ب د م3651)
حرف «ل» = ملاكى كفر الشيخ (مثل ل ع د 3964)
حرف «ع» = ملاكى الغربية (مثل ع ا ق 9412)
حرف «ق» = ملاكى القليوبية (مثل ق ر ل 6543)
حرف «ف» = ملاكى الفيوم (مثل ف ا د 4964)
حرف «و» = ملاكى بنى سويف (مثل وط ر 6214)
حرف «ن» = ملاكى المنيا (مثل ن ا د 4365)
حرف «ى» = ملاكى اسيوط (مثل ى ج ط 1964)
حرف «هـ» = ملاكى سوهاج (مثل هـ ب ج 6547)

أما محافظات القناة والبحر الأحمر وشمال وجنوب سيناء فقد وحدت الإدارة العامة للمرور حرفها الأول علي أن يكون «ط»

حرف «ط س» = ملاكى السويس (مثل ط س ا 7832)
حرف «ط ص» = ملاكى الاسماعيلية (مثل ط ص د 7692)
حرف «ط ع» = ملاكى بورسعيد (مثل ط ع س6931)
حرف «ط د» = ملاكى دمياط (مثل ط د ج 5694)
حرف «ط ا» = ملاكى شمال سيناء (مثل ط ا ج 2397)
حرف «ط ج» = ملاكى جنوب سيناء (مثل ط ج ق 1697)
حرف «ط ر» = ملاكى البحر الاحمر (مثل ط ر ا 9874)

أما محافظتا الوادي الجديد ومطروح فقد اختارت لهما إدارة المرور حرف «ج» لتبدأ به لوحات المحافظتين مع التغيير في الحرف الثاني

حرف «ج هـ» = ملاكى مطروح (مثل ج هـ د 6987)
حرف «ج ب» = ملاكى الوادي الجديد (مثل ج ب ا 5472)

باقى الوجه القبلي وهي «قنا والأقصر وأسوان» لتبدأ جميعها بحرف «ص»

حرف «ص ا» = ملاكى قنا (مثل ص ا د 4124)
حرف «ص ق» = ملاكى الاقصر (مثل ص ق ب 1974)
حرف «ص و» = ملاكى اسوان (مثل ص و ع 7452)



وشكل اللوحو ولونها يعبر عن نشاط السيارة والذي كان يدون علي اللوحات المعدنية القديمة مثل «أجرة -ملاكي - نقل - هيئة دبلوماسية- شرطة- أتوبيس خاص أو عام- رحلات- جرار زراعي» فقد ألغيت تمامًا في اللوحات المعدنية الجديدة واكتفت الإدارة العامة للمرور بكتابة كلمة «مصر» باللغة العربية بشكل دائم و تكتب بالإنجليزية في الناحية اليسري من اللوحة.. تكتب الاحرف فى الاصدار الاول من اللوحات باللغة العربية والإنجليزية حيث تكتب بالعربية من الأعلي ويدون أسفلها بطريقة عكسية نفس الأحرف بالإنجليزية .. وعلي سبيل المثال يرمز للأحرف «ص ف ك س »بالأحرف «s f k c» ولكن سبب هذا الاصدار باللغتين مشاكل عديدة فى التقاط الحروف والارقام لصغر الحروف و تشابكها مع الاحرف الانجليزية - ولكن فى الاصدار الثانى من اللوحات تم الغاء الحروف الانجيلزية وتكبير الحروف والارقام العربية لتسهيل التقاطها

نيجى بقى للالوان اللوحات فهى :

السيارات الملاكي باللون « الأزرق الفاتح»
والأجرة «البرتقالي»
والشرطة «الأزرق الغامق»
والنقل والجرارات «الأحمر»
الخدمات والحكومة والاتوبيسات «الرمادى»
الليموزين والجمرك والانشطة الخاصة «الاصفر»

والهيئة السياسية«الأخضر» مع العلم ان لوحات الهيئة السياسية عبارة عن ارقام فقط ولا توجد حروف - اول ثلاث ارقام فى نصف اللوحة اليمين ثابتين لكل سفارة او هيئة
انا حبيت اصحح المعلومه و هى يوجد ارقام مميزة ..... انا شوفت الكابتن شوقى غريب راكب عربيه مرسيدس cslو رقمها أأأ 111
رد مع اقتباس
  #38  
قديم 03-10-2010, 11:32 AM
loayfathy loayfathy غير متواجد حالياً
 
تاريخ التسجيل: Jul 2010
المشاركات: 12
loayfathy is a jewel in the roughloayfathy is a jewel in the roughloayfathy is a jewel in the roughloayfathy is a jewel in the rough
افتراضي رد: اسرار اللوحات المعدنية الجديدة للسيارات


المشاركة الأصلية كتبت بواسطة حسام البورسعيدى مشاهدة المشاركة

من الطريف عندنا فى بورسعيد معظم اللوحات الجديدة للاجرة والنقل لكن لسة منزلوش لوحات جديدة للملاكى .. واغلب الرموز عندنا بتكون (ط ع س) (ط ع ص) (ط ع أ) واصحاب العربيات الاجرة طلعوا عليها تعليق ظريف ..

(ط ع س) : طلع عين السواق

(ط ع ص) : طلع عين صاحب العربية

(ط ع أ) : طلع عين اهلى

ههههههههههههههههههههه

موضوع جميل تسلم ايدك يا باشا ..

والغريب ان عندكم فى بورسعيد الارقام بتكرر على نفس اللوحات يعنى فى لوحات ط ع ص 8845 و 9963
ودا على لوحات سيارات نقل عادية يعنى مش مميزة واضح ان العرف فى مدن القناة يسمح يتكرار رقمين على نفس اللوحة
مصر حقا بلد عجيبة مفهاش قاعدة ثابتة
رد مع اقتباس
  #39  
قديم 03-10-2010, 01:12 PM
الصورة الرمزية samehsaeed
samehsaeed samehsaeed غير متواجد حالياً
من انا؟: عبد فقير إلى الله
التخصص العملى: مبرمج دوت نت
هواياتي: القرآة والتعلم
 
تاريخ التسجيل: Aug 2009
الموقع: القاهرة
المشاركات: 230
samehsaeed is a glorious beacon of lightsamehsaeed is a glorious beacon of lightsamehsaeed is a glorious beacon of lightsamehsaeed is a glorious beacon of lightsamehsaeed is a glorious beacon of light
افتراضي رد: اسرار اللوحات المعدنية الجديدة للسيارات

ممتاااااااااااااااااااااا ااااااااااااااااااااااااا ااااااااااااااااااااااااا اااااااااااااااااااز
هاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااايل
راااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااائع

__________________



اللهم إنك عفو كريم تحب العفو فاعف عنّا

رد مع اقتباس
  #40  
قديم 10-10-2010, 12:51 AM
elwasya elwasya غير متواجد حالياً
 
تاريخ التسجيل: Oct 2010
المشاركات: 2
elwasya is on a distinguished road
افتراضي رد: اسرار اللوحات المعدنية الجديدة للسيارات

انا لسه مشترك دلوقتي في المنتدي بس حاسس انكم ناس محترم فعلا تحياتي ليكي وللقائمين علي المنتدي
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:58 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017