شغلت ال A620 غاز

[waelnado]

اسف على التاخير فى الرد لانشغالى الفترة اللى فاتت بالنسبة للتاثير على عمر المحرك انا سالت ان اكيد فى تاثير بس فى الشركة اكدو انة تاثير مش كبير زى الاول لانهم دلوقت اضافوا مواد معينة تمنع تاكل جلد الصباب بتاع المحرك ودة كان اكبر مشكلة تواجة اللى مركب غاز وانا اعرف عربيات تاكسى زى ال BYD عاملة لحد دلوقت 140 الف فى سنتين وغاز ومحركها زى الفل طبعا فى الملاكى الوضع مختلف من المشاوير والهلك و بالنسبة تمشى اد اية حسب حجم الاسطوانة بتاعتى تعادل 15 لتر بنزين وعربيتى تقريبا بتستهلك فى 100 كم تقريبا من 10 الى 15 لتر حسب الزحمة ارجو تقبل تحياتى وشكرا

[game3]

استاذ وائل لو عربية امريكاني موتورها 5000 او 3500 سي سي انجكشن ينفع تحولها لغاز وهل في اسطوانة اكبر من 70 ؟ لان الامريكاني شنطتو واسعة وكبيرة جدا وتستحمل سطوانة كبيرة . وممكن اعرف التفويلة عندك فالغاز بكام وبتمشي بيك كم كيلو ...ااسف على الاطالة وشكرا ..محمد

[محمد اشرف]

:pod_of_gold ::pod_of_gol d:

[waelnado]

اخى العزيز
بالنسبة لوضوع السيارة امريكانى 5000 او 3500 سى سى بصراحة مش عايز افتى بس انت تقدر تروح لكار جاس او غاز تك وممكن تسال مهندسى التركيبات ينفع ولا لا واعتقد انة ينفع بالنسبة للاسطوانات اعتقد فى اكبر من 70 وممكن تركب اكثر من اسطوانة حسب مساحة الشنطة عندك واستحمال المساعدين والسوست للسيارة بالنسبة للتكلفة انا باعبى الاسطوانة بحوالى من 6 الى 7 جنية تمشينى بما يعادل 15 لتر بنزين فانت ممكن تحسبها عربيتك بتعمل كام لتر كل 100 كم و بس خد بالك حساب ال 100 كم داخل البلد والزحمة غير الاستهلاك فى الطوالى واتمنى ليك التوفيق

[sherif4004]

فكره جميله وتشجيع على الغاز ربنا يبارك فيك .. انا بفكر برضو بس خايف من الغاز هل يستحمل استخدام السياره فى الافراح وحركات الشباب ولا يبقى خطر