لمحبى الفانتازيا

[abdullahalbadry]

العربيه بسم الله مشاء الله والحمد لله أكثر من رائعه ، ثابته بشكل يخض ومش زى ما الكثيرين بيقولوا إن صوت المتور عالى بالعكس ، زيها زي المرسيدس مثلا وإن كان المشكله الوحيده فيها هى التسارع بتعها فقط.
العربيه فى الطلعه الأولى ثقيله شويه ، وإن كان الواحد مع الوقت بياخد على كده ويبدأ يتعامل ويتأقلم مع كده ، بس بعد الغيار الثانى العربيه بتبقى رائعه من حيث التسارع والثبات .
أنا جربتها على الملفات بسرعه 90 كلم ، العربيه وما تحسش بسرعتها (وزنها طن و100ك) .
العربيه خليجى ، بصراحه أحسن وأحلى من الوكيل ألف مره ، الهاى لاين الخليجى أعلى فى الأوبشن من الهاى لاين المصرى (فرش جلد وفى الوسط قماش + سخانات فى الكرسيين الأمامى ، زينون متحرك مع الدركسيون ، جنط 17 يدها ثبات أكبر ، باركينج سينسور أمامى وخلفى ، جي بى إس (بحاول أشغله ، بس مش عارف ، نفسى حد يفدنى) ، كاسيت أكثر من رائع )
بصراحه العربيه رائعه ، بس هى ما تنفعش لشاب غاوى جرى وشد ، هى عائليه أكثر منها شبابيه ، بس ممكن تمشى شبابيه برضه ، بس من فى الشد.
على العموم لو حد عنده إستفسار ، أو عاوز يعرف عنها أى حاجه أنا جاهز ، خصوصا لو حد عاوز يعرف الفرق بينها وبين اللانسر أو السيراتو ، (العربيتين معايا برضه)
وشكرا لكل اللى باركلى وربنا يرزقه أحلى منها

[mrabie_1]

استاذ عبد الله الف مبروك يا ريت تقولى اجيبها منين الهاى لاين و لأنى عارف ان الخليجى فى منها كذا حاجه بيتقال عليها هاى لاين لو تعرف تبعتلى رقم تليفونك على ايميلى تبقى مشكور لأنى محتاج اخد منك النصيحة و الوقت بيجرى بالنسبة ليا
mmrabie_1@yahoo.com

[ahmed magd]

الف مبروك ياباشا ربنا يباركلك فيها

[بدر بسيونى]

الف الف مبروك ربنا يباركلك فيها ويديك خيرها ويكفيك شرها

[abdullahalbadry]

المشاركة الأصلية كتبت بواسطة mrabie_1 استاذ عبد الله الف مبروك يا ريت تقولى اجيبها منين الهاى لاين و لأنى عارف ان الخليجى فى منها كذا حاجه بيتقال عليها هاى لاين لو تعرف تبعتلى رقم تليفونك على ايميلى تبقى مشكور لأنى محتاج اخد منك النصيحة و الوقت بيجرى بالنسبة ليا mmrabie_1@yahoo.com

أنا أسف على التأخر فى الرد ، بالنسبه للسؤال ، أنا جايب الهاي لاين من عند السعداوى فى مدينة نصر ، وبالنسبه للهاي لاين الفرق بين المصرى والخليجى هى 1- إن فى المصرى بيكون الفرش كله جلد ، أما الخليجى فهو فرش جلد بس فى النص مخمل (مكان الجلوس)، 2- المصرى الجنط 16 أما الخليجى الجنط 17 وده محتاج عنايه فى السواقه (يعنى ما تخدش بيه مطباط جامده بسرعه ، يعنى حفر) بس بيدى العربيه ثبات أكتر وشكل أروع ، 3- الزينون فى المصرى مش متحرك بس فى الخليجى متحرك (العدسات بتتحرك مع حركة الدركسيون) ، 4- الكاسيت فى المصرى الهاى لاين فئتين إما ب جي بي إس أو من غير و6سى دي ، أما الخليجى ففيه جى بي إس ومش عارف إذا كان 6 سي دي أو لا (ما جربتش) ، ا5- السينسور فى المصرى وره بس أما فى الخليجى وره وقدام و ده له ميزه مهمه جدا وخصوصا فى الركن أو الدخول فى مناطق ضيقه (شارع ضيق ، جراج ضيق) ، مفيش أبنوس فى الخليجى (وده مش مهم ، بصراحه من غير الأبنوس أحلى) ، خليك فى المتور 1600 ، بلاش 1400 TSI مشاكله فى مصر كتيره ومفيش حد لسه بيفهم فيه ، الخليجى معاه الدوسات الأصليه للسياره وطفاية الحريق الأصليه (ممكن يقبلوها فى الترخيص) ، عموما العربيه حسب رأي الخليجى منها أفضل بكتير من المصرى (أنا طول عمرى بجيب خليجى) ممكن يكون لك رأي تانى (ده يرجعلك ، بس فى شركات بتصون العربيه ضد عيوب الصناعه مقابل 3ألاف جنيه ، وممكن تدفع 7ألاف جنيه وتدخل فى ضمان الوكيل) .
أخيرا أنا أسف لتأخرى فى الرد ورقم الموبيل هيكون على الميل إن شاء الله ، وربنا يوفقك