أبواب اللوجان

[Jemmy]

تعودت فى سيارتى الصينية الصنع أن أغلق أى باب بدفعة بسيطة بطرف يدى فيتم اغلاقه تماما . وعندما فكرت فى شراء لوجان ذهبت لأتفرج عليها فى المعرض فأعجبتنى جدا ولكن لما حاولت أن أغلق الباب لم يغلق الا بعد ثلاث محاولات كل منها أشد من السابقة وكانت الثالثة رزعة قوية حتى يتم اغلاق الباب وتكرر نفس الموضوع فى سيارة أخرى بمعرض آخر. والسؤال الآن لملاك اللوجان الكرام هل هذا موجود فى كل سيارة لوجان ؟ أم أن ما شاهدته كانت حالات فردية؟ أم أن هذا موجود فى السيارات الجديدة ويتحسن بمرور الوقت؟ علما بأننى لا أعتبر هذا عيبا ولكنها مجرد ملحوظة. برجاء الافادة وشكرا مقدما

[nasa]

فى البابين الامامى مش محتاجه اى رزع ولكن فى البابين الخلفى توجد سستة بتخلى الباب يرجع للخلف يفتح تانى فبتخلى الباب تقيل شوية فترزع الباب ولكن ممكن الباب يغلق بدون رزع بس بطريقة معينة اما السيارات الصينى فالباب العربية مفهاش سستة رغم كدة الباب خفيف وبيحتاج رزع

[EgyZizo]

الأبواب الخلفية فعلاً محتاجة تزقها شوية علشان تقفل كويس ، والموضوع ده فى كل اللوجان.

[W@lid]

الأمامي مفيش والخلفي ملاحظتش أجرب النهارده
بس موضوع زرجنه الباب دي سهله أي صنايعي يخلصها مش هيا اللي هتوقفك

[Hisham.Elgazzar]

زميلى معاه لوجان والباب كان بيعلق بسبب السوسته اللى حاطينها فى الباب
وكانت بتفرقع لما بيفتح الباب وبيقفله ومرة واحدة سمع صوت انفجار والباب بقى بيفتح ع الفاضى
والإزاز الأمامى مبينزلش والتوكيل صلحهاله مع صيانة ال20 الف
عربيات زى الفلل