الخائفون من شراء اللوجان

[samykenzy]

المشاركة الأصلية كتبت بواسطة الاستاذ/ علاء السلام عليكم 1- كفايه اسعار قطع الغيار 2- كل الموضوعات للترغيب فى الشراء حتى تحقق الانتشار وكل ده عشان ترخص اسعار الغيار 3-واخدة 3 من 5 فى اختبار التصادم ... عربيات اخرى واخدة نفس الرقم وفى الفئه السعرية لها 4- فقيرة لحد ما فى وسائل الامان 5 - مش من السهل صيانتها خارج التوكيل فى النهاية اغلبية الشعب المصرى من راكبى السيارات فى الفئة السعريه هذه عاوز عربية اركب وامشى من غير وجع دماغ من اسعار قطع الغيار او اللف على ميكانيكى يكون بيفهم فى الرينو اللوجان .......( مجرد راى ..بدون زعل )

دة كلام زى الفل

[moro2moro]

المشاركة الأصلية كتبت بواسطة Abo 7amza يعني اجيب السانديرو اتوماتيك ولا مجبهاش......حد يفهمني بقي يارجاله

أنا بشوف ان السانديرو عيوبها :
1- ضيق الشنطة الخلفية للسيارة
2- محتاج قبل الشراء التأكد من : بها ايرباج واحد فقط ( للسائق ) ام بها 2 هل بها 4 زجاج كهرباء ولا 2 الأماميين فقط وعلى فكرة فى مواقع كاتبة انها دفع رباعى مش عارف ازاى
3- ارتفاعها عن الارض 170سم ودى ميزة انها مش هتحك فى المطبات لكن ممكن يكون عيب على الطرق السريعة
4- العجلات بتاعتها بشوف انها مش ماشية مع موديل العربية شوية لكن دى تقريبا العربية الوحيدة اللى تحت ال100 الف ونازلة بكاوتش 15 بوصة
5- الكلاكس فى درع الاشارة
6- زارير الازار فى التابلوة
7- ازاز الشباك اللى ورا بيفتح لحد التلت ودا علشان الامان للاطفال علشان هى سيارة عائلية
8- تنك البنزين والشنطة بمفتاح
9- لترجيع الكراسي بتقعد تلف البكرة
10- صوت الماتور عالى سنة
11- الباور تقيل شوية ودا لثبات العربية على السرعات العالية

* قطع الغيار بالنسبة للوجان بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية
وطبعا أعتقد ان الميزات انت عارفها
زى النعومة الفائقة للدبرياج , والعفشة
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
استهلاك الموتور 7.2 لتر لكل 100 كم كمعدل توسطي، لكن على الطريق السريع 5.7 لتر /100 كم

[bostato]

فكرة انك تكون من الأقاليم ومش متوفر قطع الغيار للغربيه عندك خالص ده بيعملي رعب إن العربيه تقف لسبب ما واضطر اسافر اجيب قطعة الغيار دي والمسافه متقلش عن 200 كيلو . ده غير ان تكلفة الصيانه في التوكيل مكلفه جداً.

[sherifabden]

المشاركة الأصلية كتبت بواسطة adam2010 شكرا على الموضوع ده .. لانه جه في وقته انا اوي اشتري اوتوماتيك وزيرو في حدود 85 الف وكنت ميال جدا للوجان من المنتدي هنا بس قريت موضوع عن اللوجان الاوتو رعبني منها ورجعت تاني محتار بينها وبين البروتون والفيرنا لان ده حدود امكانياتي مع اني عملت موضوع بينهم واللي نصحني قاللي ابعد عن الفيرنا تماما فدلوقت محتار بينها وبين البروتون وفي ناس دخلت شكرت جدا في البي واي دي فعايز اللي معاه اوتو يقوللي اخبارها ايه وهل فعلا حرام فيها الفلوس زي ماقريت هنا ؟؟؟؟؟؟؟؟؟؟؟؟؟؟؟

بص انا مبسريحش للاوتوماتيك اللي سعرها تحت 100 الف وبالذات اللوجان

[sherifabden]

المشاركة الأصلية كتبت بواسطة doctor A ههههه ...انا حاسس ان الموضوع ده عشانى بالظبط ..بس معلش انا مش على جهاز بكيبورد فمش عارف اكتب كتيــــــــــــــــــــــ ــر دلوقتى !!...فى المساء و السهرة ان شاء الله ..!!. الــــف شــكـــر يا استاذ شريف عابدين ...وكل الاساتذه المشاركين فى الموضوع على اهتمامك و محاولتك الطمأنه فى هذا الموضوع و غيره انا مش عارف ايه الداعى لان اللى بيقول رأيه او مشكلته بيقول " من غير ما حد يزعل ؟!"" ...ليه ؟ هوه فيه حد رومانى او مغربى او حتى فرنساوى هنا ؟!! ...طب حد هنا شغال فى داتشيا او رينو ؟ ...طب الخواجه لوجان شخصيا بيبص على الصفحه ديه و ممكن يزعل ...غيـــــر دول محدش هايزعل ..لاننا كلنا مستهلكين بنشترى و تطلع البطيخه حمرا قرعه كل واحد و نصيبه ! بس ليا ملحوظه ...يا ريت يا جماعه لما نبدأ نكتب مشاكل بجد ..و اسعار ...و حاجات ليها ثمن او تكلفه او خساره "ماديه" فى الوقت و الجهد او الفلووووس كمان ..ميبقاش التفسير بتاعها حاجه " معنويه ".....زى "هاتعرف يعنى ركوب الاوروبى ____ رائحه الفرنساوى ___ركوب سياره بعلامه رينو __ رينو مش هاتدى اسمها بالساهل على عربيه ___ توكيل غالى اووى اه بس محترم !!! ...او حاجات لم تحدث بعد ...زى " لـــــــــــمـــــا تبقى تنتشر هاتبقى رخيصه و بتتصلح فى اى حته ____اعادة البيع هاتعلى ____مش هاتفتح بقها فى 3 او اربع سنين طب و بعدينهم ؟؟!!" انا هاقعد بالليل .. ان شاء الله ...و هاكتب كل اللى فى دماغى و اللى خلانى تقريبا اقرر ان مجيبش الرينووووووو لوجااااااااااان ....مع انى مش لاقى بديل لسه !!!!!!!!!!! مـــــــــــــــــــــتاب ع علشان ميبقاش الموضوع الجميل ده زى غيره من عشرات المواضيع اللى مقدرتش بال بالعكس تزيح القلق من قلوبنا تجاه العربيه ديه !

كلام حلو وحضرتك تجيب العربية اللي انتا عايزها احنا مش هنجبرك تجيب الرينو ابدا
واشتري اللي انتا عايزه وانا مستنيك