شوية اسئلة بخصوص اللوجان

[sherifabden]

: crying:

[azzat 55]

المشاركة الأصلية كتبت بواسطة sherifabden السلام عليكم ورحمة الله وبركاته طبعا دي اول موضوع ليا في هذا المنتدى الجميل كنت عايز اعرف شوية اسئلة بخصوص اللوجان هي اللوجان فيها ABS ؟؟ هل قطع غيارها منتشرة في سوهاج ؟ انا سمعت عن حكاية الدواسات اللي بتعلق اتمنى ان الاعضاء المحترمين يوضحولي الحكاية ؟ وتقبلو تحياتي

يا ا/ شريف اللوجان ما فيهاش abs وبالنسبة للدواسات حصل معايا مرة دواسة البنزين الاكسراتير كان بيعلق وروحت التوكيل وظبتوهالى وبالنسبة للمبة المارشدير يوجد بها لمبة واحدة وبالنسبة للدركسيون الباور فيه مش خفيف أوى زى الكورى ولكنه جيد ويعط السيارة ثبات جيد على السرعات .

[akerima]

هي اللوجان فيها ABS ؟؟

بعض العربيات كانت بتنزل ب ABS مش كلها وخصوصا الاستيبواي

هل قطع غيارها منتشرة في سوهاج ؟

معنديش فكرة للاسف بس قطع الغيار بقت في كل حتة في القاهرة بنص تمنها في التوكيل واصلي - تركي وروماني وفي منها الصيني بسعر اقل من كده

انا سمعت عن حكاية الدواسات اللي بتعلق اتمنى ان الاعضاء المحترمين يوضحولي الحكاية ؟

معايا اللوجان 2010 والسانديرو 2011 وعمرها محلت معايا قبل كده ولو حصلت مع حد يبقي قليل جدا بس انا عن نفسي مسمعتش الشكوي دي قبل كده

هوا صح ان اللوجان مفيهاش غير لمبة مارشدير واحدة واللمبة التانية لمبة شبورة

ايوه الكلام دا مظبوط

ايه يا جماعة مفيش حد عايز يرد على الاسئلة ولا ايه ؟؟؟؟

يا عم الساعة 7 صباحا انت مبتنمش ولا ايه

هوا دركسيون اللوجان تقيل ولا خفيف لان سمعت انه الباور تقيل

فعلا الباور اتقل من الكوري بس مش التقل اللي يضايق لو جربت التيوتا كرولا حتلاقيها نفس التقل بتاع باور اللوجان وعلي فكرة العيب مش من باور العربية (دا ان افترضنا ان دا عيب لان فيه ناس مبسوطة من كده لانة محسسهم بالامان اكتر) المهم لو افترضنا انه عيب فالعيب من الماوتش لاني لما غيرت الكاوتش لبريدجستون 195/60/15 يعني كاوتش اعرض المفروض كان يبقي الباور اتقل لكن اللي حصل العكس الباور بقي اخف كتير فممكن يبقي الكاوتش الاصلي ناشف او نقشتة وحشة وهي اللي مخليه الباور تقيل

اي اسئلة تانية انا في الخدمة اامر

[sherifabden]

الف شكر على الرد