تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق

[hanytrade]

المشاركة الأصلية كتبت بواسطة almostakble وياريت اهل الخبرة يفيدونى هما اولا صوت الأطارات مسموع هل احط نيتروجين ولا اعمل ايه وايه انسب ضغط ليهم ثانيا مؤشر عداد الحرارة دايما على النص مع انى ماشى بالراحة وار بى اقل من 3000 على طول مش عارف كل عربيات العيونادى كلها كدة ولا ايه وبحس ان العربية لما برفع الكبوت الدنيا سخنة وتقبلو تحياتى وياريت اللى معاة فلوسها يشتريها عربية ممتازة

انسب ضغط ليها هو 32 للامام وللخلف والنسبة دي مكتوبة على القايم

ماجربتش النيتروجين قبل كدة بصراحة بس باعتقد انها مش هاتفرق كتير

عداد الحرارة فى النصف على طول دة الطبيعي ودة الاحسن و الاصح للموتور ووقوة والعزم ودة بيحصل لان فى ترموستات مثبت درجة الحرارة عن درجة معينة

والار بي ام اقل من 3000 فا دي برضة حاجة جميلة لان عدد لفات الموتور بتكون منخفضة على طول و بالتالي استهلاك اقل للموتور و البنزين وبالتالي عمر افتراضى اطول وماتقلقش لما بتضطر انك تتسارع ورجلك بتدوس جامد على البنزين الار بي ام بيفضل متواصل معاك حتى 6500 تقريبا لان فى نسبة وتناسب بين دوسة البنزين و نقلة الفتيس
واى خدمة يا زعيم

[almostakble]

المشاركة الأصلية كتبت بواسطة hanytrade انسب ضغط ليها هو 32 للامام وللخلف والنسبة دي مكتوبة على القايم ماجربتش النيتروجين قبل كدة بصراحة بس باعتقد انها مش هاتفرق كتير عداد الحرارة فى النصف على طول دة الطبيعي ودة الاحسن و الاصح للموتور ووقوة والعزم ودة بيحصل لان فى ترموستات مثبت درجة الحرارة عن درجة معينة والار بي ام اقل من 3000 فا دي برضة حاجة جميلة لان عدد لفات الموتور بتكون منخفضة على طول و بالتالي استهلاك اقل للموتور و البنزين وبالتالي عمر افتراضى اطول وماتقلقش لما بتضطر انك تتسارع ورجلك بتدوس جامد على البنزين الار بي ام بيفضل متواصل معاك حتى 6500 تقريبا لان فى نسبة وتناسب بين دوسة البنزين و نقلة الفتيس واى خدمة يا زعيم

شكرا يازعيم الله يبارك فيك ياريت تقولى لية العربية لما بمشى فى اسفلت اللى هو مش مظبوط ومموج العربية بحس انى راكب مركب بس فى الاسفلت الطبيعى اوحتى فى الطرق الترابية او المطبات العربية ثابتة جدا

[hanytrade]

المشاركة الأصلية كتبت بواسطة almostakble شكرا يازعيم الله يبارك فيك ياريت تقولى لية العربية لما بمشى فى اسفلت اللى هو مش مظبوط ومموج العربية بحس انى راكب مركب بس فى الاسفلت الطبيعى اوحتى فى الطرق الترابية او المطبات العربية ثابتة جدا

ربنا يخاليك وانت تؤمر يا ريس
بخصوص ان العربية بتعوم فى اوضاع معينة دة سببة حاجتين الاول وزن السيارة الخفيف وثاني حاجة نظام التعليق نفسة منسوب لابعاد العربية

وانا سبق وعملت موضوع واتكلمت عن ثبات العربية والرابط اهوة
http://www.masrmotors.com/vb/showthread.php?t=72127

ونقضت فية العربية بكل موضوعية وزكرت الحالات اللي بيحصل فيها عوامان معايا ولاني كنت راكب جولف قبل كدة فا كان فى فجوة شوية فيما يخص الثبات

وربنا يسلملك طريقك ويحفظك يا رب واخيرا اعمل زي ما انا باعمل انى باشوف عيوب العربية اية وباتلافاها وباشوف مميزتها اية وباستمتع بيها

[esam_ayad]

المشاركة الأصلية كتبت بواسطة hanytrade بخصوص ان العربية بتعوم فى اوضاع معينة دة سببة حاجتين الاول وزن السيارة الخفيف وثاني حاجة نظام التعليق نفسة منسوب لابعاد العربية وانا سبق وعملت موضوع واتكلمت عن ثبات العربية والرابط اهوة http://www.masrmotors.com/vb/showthread.php?t=72127 ونقضت فية العربية بكل موضوعية وزكرت الحالات اللي بيحصل فيها عوامان معايا ولاني كنت راكب جولف قبل كدة فا كان فى فجوة شوية فيما يخص الثبات

مع احترامي لكلامك وكلام كل الشباب اللي بيقول ان النترا مش ثابته, في موقع سعودي للسيارات كل الشباب اللي معاهم النترا2012 بيشكروا جدا جدا في ثباتها
ومعروف عن الشباب السعودي انه بيفحت أم العربيه وبيطلع عينها ومافيش ولا واحد قال انها خفيفه علي سرعات عاليه ومعظمهم برضو كاتب انه جاب بيها 210 و 220 وفي ناس قفلت 240

[ahmed el gendy]

المشاركة الأصلية كتبت بواسطة esam_ayad مع احترامي لكلامك وكلام كل الشباب اللي بيقول ان النترا مش ثابته, في موقع سعودي للسيارات كل الشباب اللي معاهم النترا2012 بيشكروا جدا جدا في ثباتها ومعروف عن الشباب السعودي انه بيفحت أم العربيه وبيطلع عينها ومافيش ولا واحد قال انها خفيفه علي سرعات عاليه ومعظمهم برضو كاتب انه جاب بيها 210 و 220 وفي ناس قفلت 240

يا باشا ثابته علي سرعات زي دي ماشي ومصدقك والله وهم كلامهم سليم بس خد بالك الطرق عندهم لو نزلت عليه نقطه ماء مش هتتحرك من مكانها مش زينا نص الطرق مايله ومتكسره يا راجل دا انا بابقي سايق وقدامي عربيه علي مسافه 100 متر بالاقي العربيه مايله ع الاخر و واضحه للاعمي خلاصة الكلام الطريق بيفرق جاااااااااامد