بونتو كلاسيك 2012 صربى ام لوجان كاملة 2012

[phar,acology]

انا بره عايز اشتري ومحتار بين الاتنين دول .... اين خبراء المنتدي ؟؟؟؟

[Eng.Ahmed Wagdy]

يا باشا انت بتفكر في ايه
اللوجان 1598سي سي و البونتو 1242 سي سي
اللوجان 90 حصان موتور رينو ميجان 1 و البونتو 60 حصان (فرق التلت)
نظام الحقن اللوجان Multipoint injection و البونتو Singlepoint Injection
الوقت من 0 ~ 100 كم/الساعة اللوجان 11.5 ث و البونتو 14.3 ث
اللوجان فيها كمبيوتر رحلات و معدل استهلاك للبنزين و باقي كام ليتر بالضيط اما البونتو مافيش
البدلات في البونتو قريبه اوي من بعض
خامات اللوجان نظيفة جدا جدا بالمقارنة مع البونتو ,فالبونتو كأنك دخلت عربيه في بدايه التسعينات
اللوجان شكل جديد من 2009 اما البونتو شكلها من 2003 و هما بيغيروا في الفانوس الامامي بس

بعد كل ده سعر اللوجان 2012 full option ب 72 و البونتو ب 74 !!!!!!!!!!!!!!!

[hazem_khidr]

الاختيار ليك
لكن بالنسبه للمشاكل اللي سمعت عنها في البونتو لا شئ
كل اللي جربوها و اعرفهم شخصيا و عن تجربتي لها مافيش فيها اي اعطال تذكر
فشوف انت مرتاح لمين و هاتها
و لو البونتو تقفيل صربي
فاللوجان تقفيل مغربي مش فرنساوي و لا عمرها انتجت في فرنسا!!!!!!!!

[hazem_khidr]

اللوجان شكل جديد من 2009 اما البونتو شكلها من 2003 و هما بيغيروا في الفانوس الامامي بس

علي فكره تصميم اللوجان يرجع الي عام 2002
لكن هي بدات تنزل مصر في 2009
و فكره اللوجان هو انتاج سياره رخيصه جدا للدول الناميه و العالم الثالث
لذلك ابسط حاجه هتلاقي التابلوه كله قطعه واحده و دا علشان انواع البلاستيك الرديئه اللي فيه ما تعملش اصوات !!!!!
قيس علي كده بقي كل العربيه

[Eng.Ahmed Wagdy]

المشاركة الأصلية كتبت بواسطة hazem_khidr علي فكره تصميم اللوجان يرجع الي عام 2002 لكن هي بدات تنزل مصر في 2009 و فكره اللوجان هو انتاج سياره رخيصه جدا للدول الناميه و العالم الثالث لذلك ابسط حاجه هتلاقي التابلوه كله قطعه واحده و دا علشان انواع البلاستيك الرديئه اللي فيه ما تعملش اصوات !!!!! قيس علي كده بقي كل العربيه

شكل اللوجان اتغير من 2009 او 2008 كان ليها شكل قديم من 2004 مش 2002 و اتغير
بغض النظر لتحيزك للبونتو فخامات اللوجان انظف من البونتو بمراحل و محدش يقدر ينكر