ازاحة الستار عن سعر "رينو لوجان" في المغرب

[POP EL GAMED]

هو مش متغيره ولا حاجه يا باشا
هى مجرد تغيرات بسيطه منقدرش نقول انها عربيه شكلها متغير
انما هى فيس ليفت جديد للعربيه
بس شبهها برضه
انماالحقيقه انها احلى

[sherif_03]

المشاركة الأصلية كتبت بواسطة POP EL GAMED انا ليا تعليقين على كلامك انا من اكتر الناس اللى ضد التوكيل (واى توكيل بيغلى العربيه او بمعنى ادق كل التوكيلات) بس العربيه اللى ب60 دى تمنها كده هناك انما هنا فيه فلوس شحن ده اولا ومش هتقل عن 2000 ولا 3000 للعربيه يعنى ام 60 بقت ب63 طيب والنقل من الميناء للتوكيل ده برضه بيتكلف نقول فى حدود 1000 جنيه يبقى العربيه بقت ب64 يبقى 64 من 66.5 مفرقتش كتير بحيث اننا نزعل ونتضايق ونقول العربيه كده غاليه عن سعرها بكتير ده برضه توكيل مصرى والسرقه فى دمه فلما يسرقنا فى 2000 ولا 3000 عادى نمشيها على الاقل مش زى منصور ولا غبور فى اللانوس والفيرنا والافيو كلهم تجميع محلى وهتلاقيهم اغلى من التجميع المغربى دى اللانوس الهاف اوبشن مقاربه لتمن اللوجان الفول اوبشن ونفس الكلام بالنسبه للفيرنا وغير كده برضه يا باشا انت عارف انه صعب تمن العربيه ينزل عن كده ده احنا فى مصر والتوكيلات مهما كانوا ضد بعض الا انهم فى الاخر بيمشوا بمبدأ انا وابن عمى على الغريب(اللى هو احنا كمشترين) لانه لو خلى الفول اوبشن ب60 الف ولا حتى ب61 الف كده اللانوس والفيرنا مش هيطلعوا من المخازن ولا ايه وفى الاخر احب اقول ان ده رأى الشخصى اخوك بوب الجامد

انا عايز اوضح ان 60 الف سعر بيع للجمهور المغربي
يعنى مضاف الية ربح التوكيل و الموزع
غير ان نصير لازم ياخد خصم من المصنع
يعنى 60 دى مفروض تتحسب بالكتير 55 الف
يبقى 11 الف شحن و مكسب فى عربية واحدة و المغرب مش بعيدة يعنى الشحن مش مكلف
يبقى نصير كسبان 10 بواكى فى العربية الواحدة

[POP EL GAMED]

مع احترامى الشديد لكلام حضرتك بس خلاص بلاش نصير يكسب 10 بواكى زى ما حضرتك متخيل
بس حضرتك برضه مخدتش بالك من جزئيه انه عايز يكسب وفى نفس الوقت غبور يبيع فيرنا ومنصور يبيع لانوس
لانه ميقدرش يقطه عليهم(خدلى بالك من شيفورليه دى)
وغبور برضه ليه تقله فى السوق
وغير كده لازم تقول كلام معقول هل انت لو لقيت اللوجان فول اوبشن كامله ب60 الف مع مراعاه الايرباج اللى مش موجوده فى العربيتين التانيين
واللانوس الفول اوبشن ب68 الف ونفس السعر للفيرنا
هتشترى مين بعيدا عن انك تفضل الرينو او متفضلهاش بس فيه ناس كتير هتفضلها بسبب الفرق ال8 الاف جنيه اللى هو مش قليل
يعنى بالمنظر ده السوق هيبقى فيه انقلاب فى الفئه دى اللى هى تعتبر اكتر فئه بتتباع فى السوق لاسباب كتير
يعنى هو لازم يكسب لان دى طبيعه التوكيلات فى مصر وثانيا ميقدرش يقلل تمن العربيه عشان البلد متتقلبش عليه

[oldman]

شكرا احوانى للمتابعة

[hamdysba]

يعني عشان خاطر الفيرنا والانوس لازم نجبرالمشتري على عدم شراء اللوجان ولا ايه طيب ايه فائدة اتفاقية اغادير طالما التوكيلات مش معترفة بيها وصعبان عليها المواطن المصري يركب عربية جيدة ورخيصة بعض الشىء دي منافسة في السوق والي يغرق والي يعوم طبعا والحكومة مش قادرة على وكلاء السيارات ال كل القوانين في صالحهم بلد فيها العجب