FIAT 132 2000

[hazem_khidr]

دي مشاركه كنت كاتبها في منتدي اخر لواحد كان بيسال عن شراء سياره 132
......................... ........................
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">انا ناوى اشترى 132 بس معرفش انهى الاحسن 1600 ولا 1800 ولا 2000 سى سى وانهى احسنهم فى استهلاك البنزين </TD></TR></TBODY></TABLE>
الاحسن طبعا ال2000 تحفه في السحب و السرعه و الشكل بس استهلاك البنزين بتاعه كبير لما تبقي مضبوطه و موتورها فايق بتعمل حوالي 170 في الصفيحه!!ال1800 انا مش محبزه اوي علي اساس انه لا 1600 ولا 2000 انما ال1600 برضه حلو واستهلاكه في البنزين معقول مش وحش بس انا بتكلم علي عربيه نضيفه مش بتكلم علي مشنات من الموجوده في السوق لازم لو حتجيب تجيب عربيه نضيفه اوي و انا في الاخر حقولك تعرفها ازاي
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">وعايز اعرف اسعار الباور ستيرينج فيها كام وتكلفته وايضا الزجاج الكهرباء وتكلفته </TD></TR></TBODY></TABLE>
البارو انا كنت مركبه استعمال سنه 94 كان متكلف حوالي 900 جنيه يعني دلوقتي تلاقيه عامل حوالي 1500 او 2000 بالكتير و انت كل اللي بتشتريه هو خزنه دركسيون باور و كمبريسور بتاعه استعمال برضه و علبه الزيت و بيركب في يوم و بيشتغل كويس و الزجاج الكهرباء بتجيب مكن الزجاج من الوكاله مش حيزيد عن 250 جنيه للبابين الامامي و ما تجيبش غير بتاع ال132 علشان م يعاكسك ش بعد كده و بعدين انت لو حتجيب 2000 حيبقي فيها زجاج و باور اساسي انما الGLS بتبقي فاضيه خالص
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">وعايز اعرف ممكن اركب تكييف ولا ايه وتكلفته </TD></TR></TBODY></TABLE>
لو الموتور 2000 بيركب التكييف عادي بس حيستهلك بنزين كتير و غير كده مش بيبقي حلو اوي (تكييف الايطالي القديم ما بيبقاش قوي) بس ممكن يكون بيركب ماركات حديثه عليها او حاجه مش حقدر افيدك في الموضوع دا حاليا بس اسالك
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">وعايز اعرف ياترى هاتستحمل معايا علما انى شاب عندى 21 سنة واول مرة اسوق عربية </TD></TR></TBODY></TABLE>
ال 132 عربيه قدمت و بقت مشاكلها كتيير بس لو لقيت واحده نضيفه مش حتتعبك و تعمل بيها اللي انت عاوزه و حتستحمل بس نضيفه انما لو مش نضيفه لو اتعفرت عليها شويه حتفتح بقها و مش حتعرف تلمها
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">يعنى انا عايز اعرف ايه التظبيطات بتاعتها كلها وكل حاجة عنها </TD></TR></TBODY></TABLE>
بص يا سيدي انا حشرحلك ال132 كويس و حشرحلك تشتريها ازاي و حشرحلك التظبيطات اللي تعملها بس واحده واحده
اولا ال132 نزل منها تلات موديلات الS من موديل 72 الي 74 و دي كانت 1800 بس كان فيها مشاكل في الزوايا و غير قده قديمه اوي و شكلها مش حلوو بعدين GLS من 74 الي 77 و دي نزل منها 1600 و 1800 و بتعرفهم من بعض ان ال1600 كانت نازله التابلوه بتاعها 3 دواير بس فيهم العدادات و الفتيس بتاعها 4 غيار و ال1800 كان العدادات بتاعها 5 دواير و الفتيس بتاعها 5 غيار. و ال132 اللي نزلت بعد كده اتعرفت في مصر باسم 2000 و دي من سنه 77 الي 81 و دي كانت عربيه وهم اياميها زي ما انا شارح فوق بالضبط علشان لو مش بالسقف و الفرش و العدادات المربيع دي تبقي مش 2000 علشان محدش يغشك و نزل منها موتورين برضه 1600(بيسموها في مصر 2000 كداب علشان شكل ال 2000 من بره و مافيهاش كماليات خالص) و الموتور التاني ال2000 و دي كانت نازله بالباور و الزجاج الكهرباء اساسي و ال1600 لاء و كان التكييف كماليات ممكن تلاقيه و ممكن لاء
اقولك بقي تشتريها ازاي : لازم اول ما تشوف العربيه ترتاح لها يعني تحس انها كده واحد صاحبك او كده لو جالك الاحساس دا تعرف انها عربيه صح !!بتكلم بجد مش بهزر يعني تبص عليها كويس و ال132 عموما شكلها من بره بيدل عليها من جوه اول حاجه تشوف الجوانب بتاعها لازم تكون كلها ميه واحده مافيهاش تعريجات و السوك بتاع الابواب مضبوطه و حاده و تحس فلا انها قاسمه الياب و الرفرف نصين مش تلاقيها ضايعه .و تاني حاجه من بره تبص علي نواكل الابواب لازم تكون كامله كلها علشان لو نيكل من اللي تحت الزجاج علي طول مش موجود يبقي مش حتعرف تجيبه و لو العربيه دي نضيفه بجد حتلاقي الضوافر البلاستيك السوده بتاع الفابريكه علي نوتاكل الابواب دي و بعدين افتح الباب بتاعها و اقفله و اسمع صوت الفتح و القفل يا تري بترزع ولا الباب مشخشخ ولا ايه بالضبط؟؟انا بفضل انك تجيب ال132 ال2000 او ال1600 اللي بيسموها ال2000 كداب دي(موديلها من 77 الي 81) اعلي و اشيك موديل فيهم
المهم تفتح الباب و اتفرج علي فرش الابواب بتاعها عامل ازاي لازم يكون لونه بني و مايكونش المقابض بتاعه ضايعه او الفرش متبهدل او مصري علشان الفرش دا ما بيتعدلش و غالي جدا لو اشتريته (انا سمعت ان طقم الابواب كامل ب 2500 جنيه!!!)و بعدين تبص علي التابلوه بتاعها تشوفه ولو عليه غطاء ولا حاجه شيل الغطا علشان ممكن يكون بايظ و التابلوه بتاعها غالي و تشوف الامبيرات بتاعها سليمه ولا لاء و الفتيس تشوف نقلاته كلها و الدبرايج بتاعها مريح ولا لاء و الباور تجربه و الفرامل و وصوت الموتور ناعم ولا لاء؟؟؟علشان صوت ال2 كامه و ال132 خصوصا ناعم جدا و بعدين افتح الكبود و سيبك من فكره دي رشه دواخل و دي مش راشه علشان طالما نزلت الرفارف بتاعها يبقي كده رشت دواخل اهم حاجه تبص عليها او تخلي حد يبصلك عليها الحته اللي حوالين المساعدين الاماميه علشان دايما بتتملي بارومه فخلي بالك منها كويس و كمان الشاسيهات بتاعها خلي حد يكشف عليها و علي ركب الموتور علشان دي البارومه مشهوره اوي فيها و فرده الشاسيه بتاعها بتبقي ورا العجله الاماميه و بيبقا فيها تلات دواير كده كبار لو لقيت الدواير دي عليها كاوتش او حاجه تعرف ان العربيه دي فابريكه و اشتريها و انت مغمض و تبص علي الوش بتاعها و شوفه راكب علي بعضه ولا مخاصم بعضه و العربيه لازم تكون كلها ارتفاع واحد مش عاليه اوي عن الارض و فرش الشنطه لازمم تتاكد انه بتاع بلادها (صوف بني في ال2000 و مشمع في الGLSو مكتوب عليه 132 GLS)و لازم موتورها ما يكونش طالع منه اي صوت غريب لا تخبيط ولا ترزيع ولا اي حاجه من دي و اهم حاجه ان العربيه النضيفه الواحد بيرتاح لها علي طول و الكلام دا حيفيدك
بالنسبه لتظبيطها ال132 و خصوصا ال2000 اللي برشحها ليك مش محتاجه اي تبيط العربيه لما بتبقي نضيفه بتلاقيها ماشيه كده و بتدلع و عموما في شويه حاجات ممكن تعملها يعني هيا بتنزل اصلا بجنوط اسمها جنوط مروحه و دي الجنوط الوحيده اللي بتليق عليها و الاحسن تسيبها بس تجيب لها طقم اطواق نيكل بيخلي شكلها تحفه و الفوانيس الاماميه تخليها لونها اصفر زي الشبوره برضه بتديها منظر و تجيب لها سبويلر رقيق و خفيف و بسيط جدا تحطه علي الشنطه و النواكل بتاع الدواير الرفارف كلها تركبها و ما تركبش البلاستيك ابدا ال132 ما تبقاش 132 غير بالنواكل دي لو مالقيتهاش في العربيه ما تشتريهاش و ممكن تركب لها قاطره ورا الاكصدام الخلفي بتيجي استعمال برضه و بتقولهم في الوكاله او بورسعيد عاوز قطره بتاع 132 بتيجي جاهزه علي مقاس العربيه و الف رش بتاعها لو موجود سيبه ولو مش موجود هات خامه قريبه منه و روح لسروجي نضيف يعملهولك نفس الرسمه و نفس اللون بيبقي تحفه برضه و ول ما انت ماشي ابقي نزل الشماسات بتاعها كلها (شماستها فيميه و شكلها حلو و بتدي العربيه منظر) بس انا طولت عليك اوي بس انا فعلا بموووت في العربيه دي و لو انت ساكن قريب من المحله و لقيت عربيه ممكن اجي ابصلك عليها مفيش مشاكل

[sam ram]

تسلم ايدك يا استاذ حازم ..... فكرتني بالذي مضى
طول عمري و انا صغير ( صغير اوي عيل يعني 8 - 9 سنين ) كنت بحب اوي العربيه دي ... وكان نفسي اوي والدي يجيبها .... وكنا خلاص حنشتريها لكن محصلش نصيب
ولما دخلت الجامعه كان واحد صاحبي معاه 132 2000 موديل 80 وكانت معايا الفيليشيا زيرو 97 ..... بس كنت بابقى فرحان اوي و انا راكب معاه ....
اييييييه ..... ايام بقى
اشكرك على الموضوع الجميييييييل لعربيه جميييييله

[AbOnOrA]

هو ده حازم خضر ptmnlo123per171

تسلم ايدك يا حزوووووم ptmnlo123per112

[hazem_khidr]

المشاركة الأصلية كتبت بواسطة sam ram تسلم ايدك يا استاذ حازم ..... فكرتني بالذي مضى طول عمري و انا صغير ( صغير اوي عيل يعني 8 - 9 سنين ) كنت بحب اوي العربيه دي ... وكان نفسي اوي والدي يجيبها .... وكنا خلاص حنشتريها لكن محصلش نصيب ولما دخلت الجامعه كان واحد صاحبي معاه 132 2000 موديل 80 وكانت معايا الفيليشيا زيرو 97 ..... بس كنت بابقى فرحان اوي و انا راكب معاه .... اييييييه ..... ايام بقى اشكرك على الموضوع الجميييييييل لعربيه جميييييله

الله يخليك يا سام باشا
انا برضه من صغري و انا متعلق بالعربيه دي اوي
و الله لحد انهارده لما بشوف واحده نضيفه منها ببقي واقف متنح ptmnlo123per160

المشاركة الأصلية كتبت بواسطة AboNoRa هو ده حازم خضر ptmnlo123per171 تسلم ايدك يا حزوووووم ptmnlo123per112

الله يخليك يا ابو نورا يا رافع معنوياتي دايما

[hazem_khidr]

حبيت ارفع الموضوع لزياده عدد الاعضاء