حقيقة الميجان

[mohamed ibiza]

المشاركة الأصلية كتبت بواسطة Payoo يااااااااااااه قوة الله ؟ أخيرا لقيت حد حاسس بيا !!!!!!!!!! هو ده السؤال ياجدعان أيه إللي يخليهم دايما رابطين حاجه بحاجه ؟ حتى لو مالهومش علاقة ببعض ؟ ياترى عشان ماتستكترش المبلغ إللي هاتدفعه يا زبون ؟ وللا عشان يستكردوا إللي مش فاهم ويحسسوه إنه دفع الألفين جنيه في حاجه تستاهل ؟ وللا عشان يرفعوا ضغط الناس وخلاص ؟ والله أنا حسس أنهم لو طالو يخلوك تغير الجنط لما الكاوتش يتخرم هايعملوها

هههههههههه والله يا باشا انا حاسس بيك طب ايه رأيك يا بايو في اقتراح انك مش لازم تبيع العربية لحد تاني ايه رأيك لو بعت العربية متقطعه ليها عدة فوايد:
1-تقطع العربية و تنتقم منها هههههه:D:D:D
2-هتلاقي تجار يشتروا بسهولة بس محتاج حد فاهم السوق معاك
3-اعتقد انها هتجيبلك اكتر من تمنها الحالي لو بعتها متقطعة او حتي لو جابت نفس الرقم بس تبقي خلصت منها

ايه رأيك في الاقتراح ده

[tronky]

المشاركة الأصلية كتبت بواسطة mohamed ibiza طب انت يا tronky ايه رأيك في موضوع تغيير العوامه مع الطرمبه ده انا عن نفسي شايف انه سرقة من التوكيل انت ايه رأيك فيه يعني طالما الطرمبه سليمة تتغير ليه!!

رأيي فنى مش هينفع لأنى معرفش لأيه قالوله كده

اللى أوعدكوا بيه أن أعرف هما فعلاً بيتغيروا مع بعض ولا لأ و لو فعلاً بيتغيروا مع بعض ليه.
و أعدكوا برضه أن لو فى حلول تانى بره التوكيل هعرفها بأذن الله.

[sam ram]

بس انا كان جاري معاه ميجان 2007 و بعد سنه واحده غيرها ... و كنت ساعات كتير بشوفه من غير العربيه و قبل ما يغيرها لقيته راكب ميجان سودا
وسألته فهمت منه ان العربيه تعبته كتير و كل شويه يوديها التوكيل واخر ما زهق سابهالهم وادوله عربيه ميجان بدالها 3 ايام لحد ما يظبطوها ....
بس كانت لسه في الضمان ... و لما رجعت العربيه باعها لأنه زهق من تكرار المشكله كل شويه و جاب اوكتافيه اي 5
فممكن تكون في عربيات ميجان بيطلع فيها عيوب تصنيع او حتى من غير عيوب بس وارد ان اي حاجه تبوظ او تخسر
و طبعا مع التكتولوجي والانظمه المعقده اللي في العربيه ممكن جدا يكون الوكيل مش اد الكلام ده و لا اد صيانته
فبيلصم العربيات للناس و ميحلش المشكله الحقيقيه او يحلها على اد امكانياته فشويه و ترجع تاني
يعني ممكن يكون ضعف صيانه في المشاكل المعقده ... و بالتالي مشاكل العربيه مش حتظهر لكل الناس الا بعد كام سنه مع الاستهلاك

بس اللي احب ااكد عليه لترونكي ان مش بايو بس اللي اشتكى من الميجان
و جاري بعد ما كان شاري ميجان من التوكيل غيرها بعد سنه واحده و اشترى اوكتافيا خليجي لأنه شاف ان التوكيل زي قلته
والله اعلم ....
تخيل يا بايو انا اول مره اخد بالي انه كان معاه ميجان و دلوقتي معاه اوكتافيا ... دا الظاهر بيقلدك ptmnlo123per1127

[tronky]

المشاركة الأصلية كتبت بواسطة sam ram بس انا كان جاري معاه ميجان 2007 و بعد سنه واحده غيرها ... و كنت ساعات كتير بشوفه من غير العربيه و قبل ما يغيرها لقيته راكب ميجان سودا وسألته فهمت منه ان العربيه تعبته كتير و كل شويه يوديها التوكيل واخر ما زهق سابهالهم وادوله عربيه ميجان بدالها 3 ايام لحد ما يظبطوها .... بس كانت لسه في الضمان ... و لما رجعت العربيه باعها لأنه زهق من تكرار المشكله كل شويه و جاب اوكتافيه اي 5 فممكن تكون في عربيات ميجان بيطلع فيها عيوب تصنيع او حتى من غير عيوب بس وارد ان اي حاجه تبوظ او تخسر و طبعا مع التكتولوجي والانظمه المعقده اللي في العربيه ممكن جدا يكون الوكيل مش اد الكلام ده و لا اد صيانته فبيلصم العربيات للناس و ميحلش المشكله الحقيقيه او يحلها على اد امكانياته فشويه و ترجع تاني يعني ممكن يكون ضعف صيانه في المشاكل المعقده ... و بالتالي مشاكل العربيه مش حتظهر لكل الناس الا بعد كام سنه مع الاستهلاك بس اللي احب ااكد عليه لترونكي ان مش بايو بس اللي اشتكى من الميجان و جاري بعد ما كان شاري ميجان من التوكيل غيرها بعد سنه واحده و اشترى اوكتافيا خليجي لأنه شاف ان التوكيل زي قلته والله اعلم .... تخيل يا بايو انا اول مره اخد بالي انه كان معاه ميجان و دلوقتي معاه اوكتافيا ... دا الظاهر بيقلدك ptmnlo123per1127

بص يا باشا.....كل شئ وارد فى بلدنا العزيزة مصر
ده غير أن كل شئ وارد فى العربيات.....يعنى ياما فى موديلات عربيات من أعنى صانعى السيارات بيطلع فيها مشاكل.................... ..و لنا فى المرسيدس ال A150 وال VW بيتلز أو لما نزلو قدوة.

المهم أنا مش بعارض بايو من فراغ.....لأ أنا شفت كتير معاهم ميجان ومنهم سيدات معايا فى الشغل و مبيشتكوش من مشاكل فى العربية.

وبعدين لما عربية توصل ل 80 ألف و 100 ألف و 110 ألف كم و مفيهاش مشاكل أعتقد أن ده يبقى أكبر دليل على جودة العربية.

و موضوع التوكيل ده بالذات مفيهوش كلام.......العربية دى توكيلها عارفها كويس جداً بس برضه وارد أن يبقى فى مشكلة التوكيل مشفهاش قبل كده........يبقى بالتالى هتاخد وقت على لما تتحل.

موضوع جارك اللى معاه أوكتافيا ده......حصل بالظبط مع واحد أعرفه بس بأختلاف بسيط
الراجل كان معاه ميجان وباعها بعد أقل من سنة و جاب كورولا 2006 كاملة بفتحة سقف وبعدها بسنة ونص باعها وجاب ميجان تانى.........وبسؤاله أجاب بالأتى ( حلوة الحتة بتاعت الظباط دى )
" أنا كان معايا الميجان بس من كتر الأشاعات اللى سمعتها عن العربية خفت وبعتها وجيبت بعدها الكورولا 2006 كاملة 1600 سي سي بفتحة سقف.................وعلى مدار سنة ونص بحاول أقنع نفسى بيها بس للأسف معرفتش.......و مرة قابلت واحد صاحبى كان معاه ميجان برضه من أول ما نزلت فسألته عن الأشاعات اللى كنت بسمعها فقاللى أن الحمد لله العربية معاه زى الفل.....ساعتها عرفت أنى غلطت لما بعتها بسبب أشاعات غير صحيحة وبعدها بفترة بعت الكورولا و أشتريت ميجان تانى والحمد لله مبسوط بيها جداً"
ده كلام الراجل........مش كلامى

[sam ram]

انا جاري كان بيسيب العربيه في التوكيل و يرجع بيتهم مواصلات و اشوفه داخل ماسك جاكته البدله على كتفه و العفاريت بتتنطط ...

لكن صاحبك ده لذيذ جدا ... يعني معاه عربيه ومفيهاش اي مشاكل و باعها علشان الاشاعات
و بعد كده ندم على غلطته ...
يا نهار اسود ....
ربنا يكون في عون ولاده
على كده لو عرفته على جاري او بايو ممكن يبيعها تاني ... هههههه