ذكرياتى مع السيارات فى هولندا

[m.genedy]

المشاركة الأصلية كتبت بواسطة kmanda_vip كمل يعم جنيدى انته شدتنا للموضوع وسبتنا كده

العفو ياباشا ماقدرش اسيبكم...

المشاركة الأصلية كتبت بواسطة hazem_khidr متابع و مستمتع و مش بعيد احكي حكايتي مع السيارات في الامارات بعد ما تنتهي يا جنيدي باشا

الله يخلليك ياحازم الف شكر
وح نعتبر دة وعد منك تلاحقنا بذكرياتك فى الامارات.....

[m.genedy]

<HR style="COLOR: #cccccc; BACKGROUND-COLOR: #cccccc" SIZE=1>

<!-- / icon and title --><!-- message -->
أية ماعندكش رخصة هولندية !! امال بتعمل اية هنا؟؟
قاللى انا بفهم فى السيارات وبس لكن لسة ح اطلع رخصة هولندية وبسوق برخصة دولية جايبها من مصر-الله دة مش انا لوحدى بقىطيب ياعم دة احنا زي بعض اهو ح نعمل اية بقى
قاللى انا بسوق هنا بالرخصة الدولية وماحدش سألنى فين رخصك لانى عارف القانون واتعلمت الشوارع..وطبعا من البيت للشغل ومن الشغل للبيت وعلية قررت اشترى السيارة واخللى بالى واركز وقد كان وعملت مفاجأة جديدة لزوجتى واشتريت السيارة وتم التأمين عليها بواسطة طارق الاسكندرانى صاحبى وكانت سيارة فعلا رائعة وكانت فترة طويلة ورائعة تعلمت منها الكثير حتى جاء يوم بعد مرور حوالى 10 شهور وبرضة كانت ايام سقوط الثلج وفى اول ملف تذكرت حادث العجلة وتقريبا صورة العجلة جت فى خيالى خلليتنى الف حوالى 5 مرات حوالين نفسى ولا اقف الا عند الارتطام باحدى السيارات اللى راكنة على جنب.. طبعا الشارع هس هس مافيش صريخ ابن يومين.. ومع ذلك اول مانزلت من سيارتى اشوف اية اللى حصل لقيت اتنين شباب هولنديين واقفين بيتفرجوا.. طبعا روحت شوفت لقيت فانوس السيارة اللى ركنة اتدمر دمار شامل وعندى انا تقريبا مافيش حاجة-طبعا الاتنين الهولنديين واقفين يشوفونى ح اتصرف ازاى!!!
وفورا وفى الحال روحت داخل سيارتى احضرت ورقة وبدون قلم وذهبت للاتنين الشباب الهولنديين
وسألتهم اذا كانوا يحبوا يساعدونى
ورحبوا جدا وطلبت منهم ان يكتبوا لى ورقة باللغة الهولندية تحتوى على رقم تليفونى لاننى تسببت فى خسائر لصاحب السيارة.. طبعا كتبوها فريرة وبعدها اخذوا سيارتهم بعد ان شكرتهم وانصرفوا وشكرتهم على مساعدتهم وشكرونى انى رجل جنتلمان واول ما انصرفوا ركبت سيارتى وقلت يا فكيك_ وربنا يسامحنى بقى_ لو كنت تركت الورقة كان ح ييجى على طارق صديقى الاسكندرانى غرامة كبيرة تؤثر على سجلة فى التأمين بالاضافة لغرامة مالية وعلية قررت الانصراف وانا مش جنتلمان خالص
اصبحت انا وسيارتى الرينو 19 حمراء اللون اصدقاء جدا واطلقت عليها اسم الهانم لانها كان فيها فخامة فى وقتها طبعا دلوقتى جربوعة ولا ليها لازمة--
استمرت معى هذة السيارة قرابة العامان وانا لا استخدم الا الرخصة الدولية وكل عام اجددهاولا حد بيقوللى انت ابن مين
وحان الوقت لكى اشترى سيارة اخرى بعد ما زهقت من الهانم الرينو19وبالفعل عرضتها للبيع فى محيط الاصدقاء وقررت ان اشترى سيارة ميتسوبيشى لانسر ستيشن ولكن لم يكن بيع الرينو بالامر السهل حتى بعد ان خفضت الكثير من ثمنها -حتى جاء احد الاصدقاء البعيدين الى حد ما اسمة ناصر وطلب انة يشتريها لكنة لن يتمكن من الدفع مرة واحدة ووافقت لكن عندة مشكلة انة لن يتمكن من كتابة السيارة على اسمة برغم انة يملك رخصة هولندية ولكن السبب هو مشكلة لة مع الضرائب ووافقت ان تبقى السيارة على اسمى حتى تنتهى مشاكلة مع الضرائب وبالفعل تم واخذ هو الرينو وانا اشتريت اللانسر .. ووقتها شعرت بفخامة حقيقية وبراحة مضاعفة وتأكدت ان هناك فرق كبير بين السيارتين ولكن الشىء الوحيد الذى عكر صفوى وقتها انى بعد ان اشتريت اللانسر عرفت انى كان يمكن لي ان ادفع منما دفعت!! اتعمل علية شغل يعنى! وللاسف كان واحد مصري
المهم قلت قدر الله وماشاء فعل استمر الوضع حوالى 3 شهور والاخ ناصر اللى اخذ الرينو كل شهر ييجى يجبلى فلوس الضرائب وكان ملتزم جدا لكن بقى الوضع كما هو علية ولم تحل مشاكلة مع الضرائب على العكس فوجئت قبل نهاية الثلاث شهور بحوالى 25 غرامى سرعة جاية على اسمى انا صاحب السيارة كما هو وراد فى الاوراق الرسمية وطبعا الفلوس دية لازم تدفع خلال 14 يوم ذهبت لة واخرجت لة الغرامات - لم ينكر واعترف بالخطاء وانة مللتزم يدفع لكن المشكلة انة ماعندوش فلوس دلوقتى!!!
مشكلة جديدة...طيب والحل ..قاللى الى تشوفة اعملة-وفعلا اتصلت بصديق اخر كان زعلان انة ماعرفش انى ناوى ابيع الرينو واخبرتة انها موجودة لو عاوزها وبالفعل حضر فى الحال ودفع فلوس السيارة واللى مفروض انى دفعت انا منها الغرامات بعد كدة واتحلت المشكلة بس كان ضاع على ناصر نصف ثمن السيارة اللى كملت انا عليها علشان ادفع الغرامات
واستمرت معى الميتسوبيشى
السيارة دية بالتحديد كانت فعلا سيارة عجيبة -كما ذكرت من قبل عند شرائها كنت تاكدت انى دفعت فيها اكثر منما تستحق وكنت قربت انسى وخلاص حتى جاء وقت منعت فية تماما من قيادة السيارات لفترة استمرت حوالى 5 شهور بسب جراحة فى العين-واللتزمت بالفعل ولكن قبل الوقت المحدد لم احتمل ان ابقى بدون سيارة فى تنقلاتى وبالفعل قررت ان اقود السيارة--وما اتذكرة جيدا عن هذة التجربة انى كنت ارى بنسبة لا تتعدى 10 % يعنى شيش بيش خالص ووجهى ملزوق فى الزجاج علشان اشوف كويس--ماطولتش اخدت لفة ورجعت بس كنت فى قمة اللماضة كان مفروض اقنع نفسى انى فعلا استعجلت والمفروض انى استنى شوية -لكن ماحدث عكس ذلك ووجدت نفسى ازددت ثقة وانى الحمدلله ماعملتش حوادث--

تانى يوم قررت اثبت لاخى الاكبر ان العملية نجحت وانى اقدر اقود السيارة لوحدى وبالفعل ذهبت لاخى وجلست معة بعض الوقت واخذ يمارس هوايتة فى توجيه النصح لي خاصا وانا سايق السيارة وتركتة وذهبت اخذت السيارة واخذت اول شمال وكان كوبرى صغير خلصت الكوبرى الصغير واخذت شمال تانى فى الشارع المقابل لبيت اخى واللى بيفصلة عن شارع اخى ترعة مائية
وفجأة لقيت الطريق واقف وفى سيارتين امامى اضطريت اقف وبينى وبين السيارة التى امامى حوالى 10 امتار-وفجأة لقيت السيارة التى امامى ترجع للخلف بسرعة كبيرة ولسة بفكر احط ايدى على الكلاكس علشان انبهه سمعت صوت الاصطدام كأنها قنبلة-طااااااااااخ
حسيت ان الخبطة جت فى دماغى --اول حاجة فكرت فيها عملتها وهى انى اتصلت بأخويا بعد دقيقة وقبل ما انزل من السيارة لقيتة جنبى-- والسبب انة كان واقف وشاف الحادثة وعلشان كدة نزل بسرعة
المهم لقيت اتنين شباب هولنديين واقفين( طبعا دول غير الاتنين الشباب اللى شافوا الحادثة الاولى وكتبوا الورقة)
المهم لقيتهم نازلين وبيضحكوا ضحك هيستيرى-اية ياعم انت وهو بتضحوا على اية.....
يتبع
<!-- / message --><!-- sig -->

[m.genedy]

وكان رد احدهم علي ان هذة البلد التى نعيش فيها تسمح بالضحك وكان ردى علية ان هذة
البلد تحذر قائدى السيارات حتى لا يقعوا فى مشاكل لهم ولغيرهم
قاللى -لا لا مافيش مشاكل -كل هذا الحوار كان بعد نزولة هو وزميلة من السيارة مباشرا
وبمجرد ان تحركا فى اتجاة سيارتى مبدائيا لقيتهم ماشيين بطريقة غريبة جدا وتزيدها غرابة ان البنطلوانات اللى لابسينها تعطيك ايحاء انها ممكن تقع فى اى وقت - معلوماتى - انها موضة
البنطلونات الساقطة دية لكن بصراحة موضة صعبة وسافلة اوى -المهم اول ما اعين الشابين وقعت على سيارتى
وانفجرا فى الضحك مجددا... وانا واخى نشطاط غيظا وبرغم ذلك تماسكنا -واما عن سبب ضحكهم فهو ان سيارتهم كان فيها من الخلف -حاجة كدة اسمها -تريك هاك - حاجة كدة زى هلب كدة المفروض انه معمول علشان لو ح اعمل كامب وح اخد معايا كرافان ولا حاجة كدة وهى مدببة بالطبع وطبعا مع قوة الاصطدام كانت النتيجة ان مقدمة سيارتى انقسمت نصفين بأعجواج للداخل طبعا __ ودية حاجة ضحكتهم ودليل على قوة سيارتهم -طيب -ها وبعدين
واحد منهم اقترب منى وقال هذة السيارة ليست سيارتى انها ملك لامى واحنا ممكن نحل الموضوع ودى ولا نتصل بالشرطة__بصراحة خطر فى بالى ان هو كمان يكون بيسوق برخصة دولية
واقتراحة قوبل بالرفض واصبحت اصواتنا اعلى خاصا ان اخى تدخل فى الحوار وصديق الشاب تدخل فى الحوار
واثناء الحوار فوجئنا بالشابين يتناوبوا تدخين سيجارة مخدرات-ماريجوانا-وكانت رائحتة واضحة
وطبعا هى مسموح بها هنا وكذلك مخدر الحشيش تجارة وتعاطى ولكن طبعا لها نظام وقانون..
ولكن ما زاد توترنا انا واخى انهم حاولا ان يركبا سيارتهما وينصرفا وهو ما جعل اخى ينفعل ويصمم انة لن يتحرك من امام سيارتهم حتى يأتى البوليس.. ومافيش خلال دقائق وجدنا سيارة البوليس ويخرج منها اتنين ظابطات شرطة ( بصراحة كانوا زي القمر )سلموا علينا وسألونا لو كان فى حوادث علشان يتصلوا بالاسعاف
ولكننا جميعا جاوبنا بالنفى واخذت احداهن اقولى واقوال اخى والاخرى اقوال الشابين الهولنديين
وبعد دقائق تحدثوا معنا سويا وبصراحة وقتها حسيت انهم متعاطفين اكتر مع الشابين الهولنديين -مش عنصرية _ لانى شخصيا مش مؤمن بالعنصرية كصفة ولكن بالطبع اننا مش فاهمين كل الكلام اللى بيتقال لنا وكذلك مش عارفين نعبر بالشكل اللى يرضى طموحنا-وانتهى الحوار وكتبنا اقرار مصاحب لة رسم كروكى واعترافات الشاب قائد السيارة واقرارة انة غلطان.
وانصرف الجميع الشابين وهم بيشتموا فينا بينهم وبين نفسهم وظابطات الشرطة ولكن قبل انصرافهم سألت واحدة منهم هو انتم كنت معديين من هنا بالصدفة ولا اية احنا ماحدش مننا اتصل؟
وكان ردها الغريب ان مركز البوليس الذى اعطاهم الاشارة تلقى 25 مكالمة تليفونية تقول ان فى حادث فى هذا الشارع وايضا خناقة بالايدى( وهذا جزء من طبيعة الشعب الهولندى ) لو حد زعق بصوت عالى فى الشارع ممكن يلاقى حد بيتصل بالبوليس يشتكية -ايش حال بقى لو كانت خناقة والصوت كدة كدة عالى فيها..لكن حقيقى لابد هنا ان اؤكد ان هولندا تستحق المرتبة التى تحتلها كدولة متحضرة
والمعروف ان قياس حضارة الدول يكون على حسب سرعة تلبية الاسعاف والشرطة للمواطنين-
وهذا الامر لاحظتة اكثر من موقف مابين اسعاف وشرطة-بصراحة فى خلال من 3 الى 7 دقائق يكونوا موجودين!! المهم
اتصلت بعدها بالنداء الالى هنا وهو يخدم 24 ساعة وفى اى حارة فى قارة اوروبا تجدهم وطبعا لابد ان تكون عضو عندهم بأشتراك سنوى قرابة 81 ايورو فى السنة(حاليا) وانا كنت عضو عندهم فعلا
جأت سيارة وشالت سيارتى على جراج انا حددت لهم مكانة -عند اصدقاء لي عراقيين اكراد_
استقبلونى بطريقة جيدة ونزلوا السيارة ولم تظهر على ملامحهم اى علامات استغراب وهم ينظرون لها
ولكنى وجدت ابتسامة هادئة واحدهم يقول لى بسيطة ح نرد البامبرز بشفطة حرارة ونعدلة وخلاص
طبعا انا مش مصدق -طيب ياعم شوفها جربها بص على الموتور حاول تدورها-فقالى انت حاولت تدورها بعد الحادثة قلت لة -لا طبعا - خفت حاجة تحصل -قاللى طيب جرب دلوقتى
جربت لقيت السيارة دارت عادى خالص وفى بس صوت شخلله استغربت فعلا
قاللى تعالى بكرة خدها-قلت لة -لا - سيبها زى ماهى لغاية خبير شركة التأمين ما ييجى يشوفها-وبالفعل
هو دة اللى حصل تانى يوم زارها الخبير وقرر انة يمكن ان تصلح بقيمة 650 جيلدر طبعا انا اتبسطت جدا خاصا انى كنت متفق مع الصديق الكردى انة ح ياخد 25 جيلدر فقط.. يعنى وفرت 625 جيلدر وقتها فرحت جدا وحبيت السيارة اكتر خاصا انها لما اتصلحت بقت تمام زى الاول بالظبط وفى نفس الوقت تذكرت انى كنت دافع فيها اكثر منما تستحق -كدة ربنا عوضها-
والاهم ان ماحدش خد بالة او شك مجرد شك بسيط انى عندى مشكلة فى عيونى او انى ممنوع اقود سيارة-عدت على خير -ومر حوالى اسبوعين وقررت ان انزل اروح مقهى المصريين -اقابل اصدقائى واللعب شوية طاولة وبالفعل وهناك قابلت احد اصدقائى القدامى -محمد عياد-وهو قاهري وشخصية حبوبة سنة تقريبا وقتها 50 سنةوعازب وشغال شغل كويس ولية مركزة يعنى
المهم جلسنا معا وانصرفنا معا ولم تكن معة سيارة وعرضت علية ان اقلة لمنزلة-وبالفعل انصرفنا بسيارتى وكان لابد ان نستخدم الطريق السريع وبالفعل وفى اول طريق يمين ومع اول منحنى - فوجئت بسيارة تحتك بى من ناحية اليمين وهى الناحية التى يجلس فيها -صديقى محمد عياد- وقفنا فى الحال وكذلك السيارة الاخرى واحنا نازلين فوجئت بصديقى محمد عياد يقول لى -كدة برضة -كدة برضة - عمال اقولك خللي بالك خللي بالك-
فقلت لة لا يا استاذ محمد لا تقلق السيارة الاخرى هى المخطئة قاللى لا ياراجل انت واضح انك استعجلت
فى الرجوع للقيادة مرة اخر --بصراحة عكننى محمد عياد- ونزلت سلمت على الرجل قائد السيارة الاخرى وسألنا بعض السؤال التقليدى -انت كويس والناس اللى معاك ولا تحب اتصلك بالاسعاف؟
طبعا دة سؤال ستنادرد حتى لو ح نتخانق لازم نسأل السؤال دة الاول
وكان كل شىء على مايرام بل واكثر خاصا بعد ان فوجئت بالشاب قائد السيارة الاخرى يقول لي انة هو المخطىء وبأنة لم يتحكم فى سيارتة فى المنحنى-الحمدلله ظهر الحق _
تعالى انت بقى ياعم محمد عياد وقول -لأ لأ لأ- مش انت الغلطان احنا الغلطانين -يادى النيلة لية كدة
قاللى هو دة الحق -ياستاذ محمد الرجل اعترف وقتها لقيت الشاب بيقول لي -لا انا بقول نتصل بالبوليس افضل وبالفعل جاء البوليس وحررنا محضر وكانت فى السيارتين خدوش بسيطة وهو ماقدرة
الخبير فيما بعد بقيمة 450 جيلدر صرفت لى انا طبعا بعد ما أقر الخبير ان الشاب هو المخطىء
وطبعا كان لازم شهادة الشاهد الوحيد صديقى محمد عياد-والذى اقر بأنى انا صاحب الحق وان الشاب هو المخطىء - وانضم المبلغ ال450 جيلدر الى ال625 اللى سبقوهم ولم اصلح الخدوش وتركتها تاخد العين وازداد تعلقى بهذة السيارة ومرت حوالى 3 شهور وفى احدى الايام -وكان الوقت فى الصباح الباكر وانا متوجة مع ابنى اوصلة للمدرسة وكان لابد من السيارة
وبالفعل مجرد انى وصلت عند السيارة انا ومصطفى ابنى حتى فوجئت بكيس زبالة

على سقف السيارة-بعد نصيحة سيدتين من السورنام بالتوجة بصحبة كيس الزبالة الى قسم البوليس لعمل محضر بالواقعة خاصا بعد ان وجدا ان كيس الزبالة تسبب فى ان سقف السيارة هبط بشكل يصعب معة الجلوس فى السيارة خاصا للى يجلس فى الخلف-وبالفعل اخذت كيس الزبالة ومعايا مصطفى ابنى ورويت لهم ماحدث -رحبوا بى وسألونى اذا كنت احب اشرب قهوة او اى حاجة تانية وكان جوابى انى لازم اذهب مع ابنى للمدرسة
طلبوا منى ان امر عليهم اثناء رجوعى وقد حدث بالفعل ومررت عليهم فى قسم الشرطة ودخلت ولم اجد احد فى الاستقبال
انتظرت حوالى 3 دقائق وفوجئت بعدها بثلاث ظباط شرطة لابسين جوانتيات وكمامات وفى يدهم بعض الاوراق وقالوا لي لقد عثرنا على المتهم صاحب كيس الزبالة -الله معقولة طيب ازاى؟؟
قاللولى احنا ممنوع نقولك على اسمها هى سيدة وتسكن فى الدور العاشر--يانهارى يعنى الكيس دة نازل من عاشر دور!!
طيب الحل اية دلوقتى ح نعمل اية؟
وكان ردهم علي مفاجأة كبيرة ومفرحة جدا جدا
يتبع

<!-- / message --><!-- sig -->

[Dr. Bolbolan]

أستاذ جنيدى ! اللهم لا حسـد ! واضح انك مرزق من السيارات ! أنا لو مكانك ألم السيارات الخرده فى

هولندأ ! وأمشى كل يوم بواحده يمكن نسترزق ! ptmnlo123per1147 وبعدين صورة الكيس اللى فوق دى ؟؟؟
بالذمه ده كيس زباله ولا بونبونى !؟؟ ptmnlo123per1106
عمومآ أنا بأضحك معاك ومستمتع بالذكريات دى ! و ربنا يسـهل لك ياعم !

Dr. Bolbolan

[m.genedy]

مرور سيادتك يا دكتور عبد السلام
شرف كبير..الف شكر