أدب الرحلات

[خالدخليفة]

من اغرب المفارقات سواق قطار قصير جدا وراجل كبير بس جريمة فى السرعة زى حالاتى بس حظه زفت كل ميركب قطر الاقصر الجرار يبوظ فى بنها
(ده قطار سريع بيقوم من الاقصر 10 صباحا يوصل القاهرة 6:30 اخر النهار ويقوم 7:15 االى الاسكندرية ويوصلها 10 بالليل وبيتغير عليه 3 سواقين من الاقصر الى اسيوط ثم من اسيوط الى القاهرة ثم من القاهرة الى الاسكندرية)
المهم صاحبنا ده كل م ييجى دوره على القطار ده يعطل فى بنها يعنى القطار ماشى من الاقصر لبنها 10 ساعات متواصلة بدون تأخير لدرجة انى بقيت اشوفه على رصيف المحطة اسلم عليه ازيك ياعم احمد يقول اهلا ياباشا اقول له عندك ايه النهاردة يقول 157 (رقم ا لقطار ) اقول فى سرى اااااه ه ه ه عطلنا ف بنها والحمد لله وفعلا نوصل بنها فى الميعاد وييجى يقوم من بنها الجرار يزرجن ويتأخر زى كل مرة ساعة الا ربع والغريبة انه فى كل مرة بعد ساعة الا ربع الجرار يشتغل عادى لحد اسكندرية المهم أخر مرة قابلته جينا ف بنها روحت له وانا بضحك فبص لى وقال بغيظ انا مش هركب القطار ده تانى والعجيب ان كان له رئيسه غالبا بيكرهه لانه المفروض لما يحصل تأخير بسبب عطل يبلغ القاهرة علشان ميوصلش متأخر ويلغو الحوافز وكنت اسمعه بيكلم القاهرة فى اللاسلكى ويقول لرئيسه ازاى ياريس اوصل فى المعاد واسمع رئيسه لان اللاسلكى عالى بيقول له مليش دعوةة تتصرف وتوصل بالقطار فى المعاد وكنت استعجب الراجل ده مجنون والا ايه ؟ طب والارواح اللى فى القطار طب مهو السواق هيضطر يجرى وقد كان اخدها من بنها لطنطا فى 16 دقيقة وهيا مفروض نص ساعة ومن طنطا لدمنهور نص ساعة وهيا مفروض 45 دقيقة ومن دمنهور لسيدى جابرتلت ساعة وهيا مفروض 35 دقيقة المهم قابلته فى اسكندرية وانا بضحك وبقول له حمد الله على السلامة وبغمز له بعينى قال هتنطق بأى كلمه هقدم استقالتى فقلت له و على ايه ياعم العيال تصرف منين لما تقدم استقالتك وضحكنا ومشيت
اللى جاية دى مصيبة (الله ينتقم من منصور وزير النقل السابق )
مرة رايح اركب من اسكندرية ووصلت متاخر وبسال على القطار اتااريهم غيرو الرصيف بتاعه وجريت المهم شاورت للسواق من بعيد علشان يستنى المهم لقيته حاطط ايده على دماغه ووشه باين عليه مصيبة بقول له مالك فى ايه قال مفيش الحق ارجع علشان تركب لان وقتنا جه خلاص المهم ركبت ووصلنا مصر فروحت له بقول له ايه العيال فيهم حاجة قال لا لكن الجرار اللى كنا طالعين بيه مكانش بيمسك فرامل واجبرونى اطلع بالقطار وكنت شغال على حاجة اسمها (قال اسم غريب مش فاكره ) (تقريبا رجل الميت) المهم هيا زى فرامل اليد فى العربية يعنى تخيل عربية ماشية بسرعة 120 على فرامل اليد
اخيرا نختمها بحكاية طريفة
مرة روحت اركب من اسكندرية فقالو مفيش حجز لحد بكرة وكنا 9 بالليل فقلت اركب العادى بيقوم 10 الا ربع وسريع جدا وكنا فى الشتا والجو تلج واركب القطار الاقى مفيش شبابيك والعربية اللى بعدها شرحه لفيت القطار كله ولا عربيه فيها شبابيك والقطار سريع
المهم تتصرف كيف ياعبد الرحيم تتصرف كيف ياعبد الرحيم
روحت رايح مشترى جرنان وقلعت الجاكيت ولفيت الجرنان حوالين جسمى وكان الاهرام جرنان دسم ولبست الجاكيت تانى والناس بتتفرج عليا واشتريت شنطة بلاستيك شفافة ولبستها على راسى وقعدت وفوجئت كل الناس عملت زيى كان المنظر تحفة
دخل الكمسارى ولقان كلنا كده فقال بسم الله الرحمن الرحيم هو انا دخلت بيت الاشباح والا ايه شوية وسقع فجالى قلت له عامل حسابك وطلعت شنطة من جيبى واديته ورقتين من الجرنان فقال هات صفحة الرياضة فرد واحد من الركاب يعنى انت هتقراها وضحكنا واحنا نازلين مصر كان المنظر تحفة لان فى ناس سابت الاكياس على راسها هههههههههههه

[خالدخليفة]

المشاركة الأصلية كتبت بواسطة corsair رايح تقلبلي فيرنا علي 200 وبتدي صاحبها ميه يشرب ياخي اديله كيس كلوكوز يعلقة علي بقه ولا جركن مكروكوم اه منك ربنا يسترها عليا انا غلبان مش حمل قلبه زي ديه متجيش مقابلة لمصر موتورز يكون فيها حد جي بفيرنا لحسن تضيعهولنا وبالذات انا وانا اللي كنت لسه بقول اني هقفشك ونروح مع بعض بورسعيد لا يا عم اتكل علي الله ده العمر واحد

ياعم وانا مالى انا جاى اجرى بسرعة قلبتله نور وسعلى جرى ورايا ليه ثم لما جرى ورايا انا نفسى نزلت السرعة لانى فهمت انه هيعمل كارثة وبعدت عنه
ثم ياعم لو جيت معاك مهو انت اللى هتسوق والا انت كنت ناوى تركب معايا ؟؟؟
اصلا انا لما حد يركب معايا بلم نفسى ومبجريش وانا بجرى لما اكون وحدى بس

المشاركة الأصلية كتبت بواسطة خالدخليفة ياعم وانا مالى انا جاى اجرى بسرعة قلبتله نور وسعلى جرى ورايا ليه ثم لما جرى ورايا انا نفسى نزلت السرعة لانى فهمت انه هيعمل كارثة وبعدت عنه ثم ياعم لو جيت معاك مهو انت اللى هتسوق والا انت كنت ناوى تركب معايا ؟؟؟ اصلا انا لما حد يركب معايا بلم نفسى ومبجريش وانا بجرى لما اكون وحدى بس

ربنا يستر ويبعدني عن طريقك خليني ماشي جنب الحيط هههههههههههههههه

خلوده اوعي تنسي بورسعيد بس ادعيلي الاول اني اخد الجمعه اجازة ونروح مع بعض وهتبقي لمه حلوه

[خالدخليفة]

المشاركة الأصلية كتبت بواسطة corsair ربنا يستر ويبعدني عن طريقك خليني ماشي جنب الحيط هههههههههههههههه خلوده اوعي تنسي بورسعيد بس ادعيلي الاول اني اخد الجمعه اجازة ونروح مع بعض وهتبقي لمه حلوه

ان شاء الله هاجى وتسوق انت وهقعد واربع ايدى كمان ومش هنطق علشان تسوق براحتك ياعم احسن انت فضيحة ولو ركبت جنبى هتشردنى هنا

المشاركة الأصلية كتبت بواسطة خالدخليفة من اغرب المفارقات سواق قطار قصير جدا وراجل كبير بس جريمة فى السرعة زى حالاتى بس حظه زفت كل ميركب قطر الاقصر الجرار يبوظ فى بنها (ده قطار سريع بيقوم من الاقصر 10 صباحا يوصل القاهرة 6:30 اخر النهار ويقوم 7:15 االى الاسكندرية ويوصلها 10 بالليل وبيتغير عليه 3 سواقين من الاقصر الى اسيوط ثم من اسيوط الى القاهرة ثم من القاهرة الى الاسكندرية) المهم صاحبنا ده كل م ييجى دوره على القطار ده يعطل فى بنها يعنى القطار ماشى من الاقصر لبنها 10 ساعات متواصلة بدون تأخير لدرجة انى بقيت اشوفه على رصيف المحطة اسلم عليه ازيك ياعم احمد يقول اهلا ياباشا اقول له عندك ايه النهاردة يقول 157 (رقم ا لقطار ) اقول فى سرى اااااه ه ه ه عطلنا ف بنها والحمد لله وفعلا نوصل بنها فى الميعاد وييجى يقوم من بنها الجرار يزرجن ويتأخر زى كل مرة ساعة الا ربع والغريبة انه فى كل مرة بعد ساعة الا ربع الجرار يشتغل عادى لحد اسكندرية المهم أخر مرة قابلته جينا ف بنها روحت له وانا بضحك فبص لى وقال بغيظ انا مش هركب القطار ده تانى والعجيب ان كان له رئيسه غالبا بيكرهه لانه المفروض لما يحصل تأخير بسبب عطل يبلغ القاهرة علشان ميوصلش متأخر ويلغو الحوافز وكنت اسمعه بيكلم القاهرة فى اللاسلكى ويقول لرئيسه ازاى ياريس اوصل فى المعاد واسمع رئيسه لان اللاسلكى عالى بيقول له مليش دعوةة تتصرف وتوصل بالقطار فى المعاد وكنت استعجب الراجل ده مجنون والا ايه ؟ طب والارواح اللى فى القطار طب مهو السواق هيضطر يجرى وقد كان اخدها من بنها لطنطا فى 16 دقيقة وهيا مفروض نص ساعة ومن طنطا لدمنهور نص ساعة وهيا مفروض 45 دقيقة ومن دمنهور لسيدى جابرتلت ساعة وهيا مفروض 35 دقيقة المهم قابلته فى اسكندرية وانا بضحك وبقول له حمد الله على السلامة وبغمز له بعينى قال هتنطق بأى كلمه هقدم استقالتى فقلت له و على ايه ياعم العيال تصرف منين لما تقدم استقالتك وضحكنا ومشيت اللى جاية دى مصيبة (الله ينتقم من منصور وزير النقل السابق ) مرة رايح اركب من اسكندرية ووصلت متاخر وبسال على القطار اتااريهم غيرو الرصيف بتاعه وجريت المهم شاورت للسواق من بعيد علشان يستنى المهم لقيته حاطط ايده على دماغه ووشه باين عليه مصيبة بقول له مالك فى ايه قال مفيش الحق ارجع علشان تركب لان وقتنا جه خلاص المهم ركبت ووصلنا مصر فروحت له بقول له ايه العيال فيهم حاجة قال لا لكن الجرار اللى كنا طالعين بيه مكانش بيمسك فرامل واجبرونى اطلع بالقطار وكنت شغال على حاجة اسمها (قال اسم غريب مش فاكره ) (تقريبا رجل الميت) المهم هيا زى فرامل اليد فى العربية يعنى تخيل عربية ماشية بسرعة 120 على فرامل اليد اخيرا نختمها بحكاية طريفة مرة روحت اركب من اسكندرية فقالو مفيش حجز لحد بكرة وكنا 9 بالليل فقلت اركب العادى بيقوم 10 الا ربع وسريع جدا وكنا فى الشتا والجو تلج واركب القطار الاقى مفيش شبابيك والعربية اللى بعدها شرحه لفيت القطار كله ولا عربيه فيها شبابيك والقطار سريع المهم تتصرف كيف ياعبد الرحيم تتصرف كيف ياعبد الرحيم روحت رايح مشترى جرنان وقلعت الجاكيت ولفيت الجرنان حوالين جسمى وكان الاهرام جرنان دسم ولبست الجاكيت تانى والناس بتتفرج عليا واشتريت شنطة بلاستيك شفافة ولبستها على راسى وقعدت وفوجئت كل الناس عملت زيى كان المنظر تحفة دخل الكمسارى ولقان كلنا كده فقال بسم الله الرحمن الرحيم هو انا دخلت بيت الاشباح والا ايه شوية وسقع فجالى قلت له عامل حسابك وطلعت شنطة من جيبى واديته ورقتين من الجرنان فقال هات صفحة الرياضة فرد واحد من الركاب يعنى انت هتقراها وضحكنا واحنا نازلين مصر كان المنظر تحفة لان فى ناس سابت الاكياس على راسها هههههههههههه

كفايا يا عمي حرام عليك انا هترفد من الشغل وانا عمال بضحك كدا ومحدش في الشغل فاهم انا بضحك ليه

انا حصلي موقف بردك كنا مسافرين اسكندرية بالتوربين الاحمر واتاخرنا وكنا بنجري في المترو لحد ما وصلنا واول ما دخلنا محطة مصر طلع ولقيت ابويا بيقولي اجري وراه وحاول تخلي الامن يوقفه ههههههههههههههههه

ابويا من النرفزة قال الكلمة ديه ولقني مصدقت قال كدا وطلعت جريت والامن وقفني ومن نرفزتي قولتلهم كلمو السواق خليه يقف ثواني نركب ويمشي الامن قعد يضحك عليا وقالي قطر ايه اللي نوقفه

ساعتها كان منظري وحش اوي

وراحت علينا التذاكر وحجزنا في الاسباني اللي بعده


بس كان نفسي اشوفك وانتا لابس الكيس في دماغك انتا وركاب القطر

ههههههههههههههههههههههههه ه

والله كان ممكن تضربوا بالنار ويقولك ارهابين راكبين القطر ولبسين اكياس بلاستيك في دماغهم ههههههههههههههههههههههه

وحتي سواق القطر مصاحبه انتا مصر كلها طلعت عرفاك