تقييم اللوجان

[POP EL GAMED]

المشاركة الأصلية كتبت بواسطة flashfox مشكور وانا بضم صوتي لصوتك فعلا بس انت عن نفسك اييه رايك في اللوجان بالنسبة لانتشارها وحضرتك بيقول سقت فئتها كلها

اللوجان عربيه جميله عاليه وثابته واستريحت فى سواقتها ابعادها مش صعبه بس هى الشنطه اللى عاليه شويه ومحتاجه تركيز فى الركنه (ده فى الاول لغايه ما الواحد يتعود عليها)
وسحبها كويس بس معنديش فكره عن استهلاك البنزين بالنسبه ليها
وانا بقول عشان ابقى ركبت كل الفئات انا مركبتش منها غيرا الفول اوبشن بس مركبتش الهاف ولا الفاضيه

[m.HaMeD]

انا شايف انى الساجا يعيبها التقفيل وهذا راى كثير
من الناس شاوفها ف التوكيل

[ashraf mahmoud]

ياجماعه فعلا الكلام مظبوط جدا وانا مبدفعش عن الساجا ولا حاجه كل اللى بقوله انها هتبقى منافسه قويه مع اللوجان وانا عارف ان التقفيل مش حلو بس مفيش عربيه فى الفئه السعريه دى الا وليها مميزات وليها عيوب وكمان حته التوكيل وعدم توافر قطع الغيار دى حاجه معروفه بس لو هوا عايز يبيع يشتغل بقى ويوفر قطع الغيار والا العربيه مش هتتباع وبالنسه للسعر كلامك يا اخ pop el gamed مظبوط جدا لازم تنزل بالسعر دا عشان تنافس بقيه الماركات وانا لا اعيب ابدا فى اللوجان بالعكس اللوجان عربيه قويه ومحترمه ولكن كل ما اقصدة ان المنافسه سوف تشمل هاتين السيارتين والفيرنا واللانوس هيخرجوا برة المنافسه او هتقل نسبتهم وقطع الغيار اعتقد هتتوفر لان السيارات اللى فى الفئه دى ناس كتير بتشتريها فاكيد قطع الغيار هتتوفر ..معلش طولت عليكوا

[flashfox]

وياريت ياجماعة اللي مع اللوجان يقول ويقول السبب واللي مش معاها يقولنا برضه عشان نستفيد كلنا من وجهات النظر

[aymansour]

انا شايف ان اللوجان بتتفوق في نواحي كتير عن اللانوس والفيرنا أما بالنسبة للساجا فالفعل ممكن تتقدم عنهم وتصبح المنافس الاقوى للوجان دا بالنسبة للسعر
الاهم من كده ان اكبر شيئ بيميز اللوجان انها ماركة كانت فئة كبيرة من الناس بتستبعدها من خياراتها عند الشراء هي وماركات تانية زي الفولكس والسكودا والمرسيدس والبيجو ... (مجموعة الكبار ان صح التعبير ) لان سعرهم في المعتاد بيكون عالي جدا ptmnlo123per1100
لكن نزول اللوجان ادى ان الناس اللي كان خياراتهم كلها في الكوري والصينى اصبح عندهم اختيار حاجة تانية
كمان كان الفئة السعرية دي وفيها كل الكماليات أو معظمها أعتقد ان ده هيصب في النهاية في مصلحة المستهلك
حاجة تانية كل العربيات اللى بتنزل مصر مبالغ في سعرها بالنسبة لسعرها خارج مصر السبب معروف اولا الجمارك ثانيا وده الاهم جشع التوكيلات والتجار