FIAT 131 SPORT

[M7MD8ONIEM]

تحيه طيبه لمحبي فيات عامه و اصحاب ال 131 خاصه و بعد ..
دي اول مشاركه ليا ف القسم و كنت حابب استفسر من الخبراء هنا عن كام حاجه كده لاني خبرتي لسه ع قدي و قولت مش هلاقي مكان يفيدني احسن من هنا ..
الموضوع انى بفكر اشتري فيات 131 سبور لاني لسه متخرج و مفيش اجيب اعلي من كده .. بعدين ربنا يكرمني و اقدر اعمل فيها شويه شغل يخلي الناس تحكي بيها زى ابواب لامبو ع جنوط و عفشه سبور ع شغل ليدات و رنجات و فوجات واضاءه داخليه ع سبويلر و عتب ع تابلوه نضيف و كراسي ريس ع ستاير اتوماتيك خلفي و جانبي ع باور و تكييف امامي و خلفي و اعلي كفاءه الفتيس و الموتور مايقلش عن 1600 tc و يستحب يكون بتيربو وكمان انتي ليج و باك فاير و شكمان ديفل " بعشق الدريفتات معلش " ..
كـــــــده يــعني ترويش م اللي قلبك يحبه .. مش هقول دا كله ف يوم و ليله هتبقي حاجه حاجه طبعا حسب الظروف .. السؤال هنا بقي :-
1) ايه هي موديلات السبور و بدات و انتهت امتي و ايه افضل انواعها و مدي توافر قطع غيارها
2) الحاله النضيفه خصوصا من البارومه هتكون عامله كام و ياريت ستاندر عشان اعدل فيها براحتي
3) ايه اللي ينفع و اللي ماينفعش يتعمل م اللي نفسي فيه دا كله و هيكلفني كام و اقرب صنايعيه لاسماعيليه لو مفيش حد كويس هنا ..

وشكرا لحضراتكم و يارب الاقي الافاده و ماكنش تقيل عليكم من اول مشاركه ..

[M7MD8ONIEM]

طب ينفع ولا يرضي مين دا والنبي.. يعنى مشاهدات قد كده و مفيش اي رد برضو..

يا جماعه انا معشم الاقي الخبرات نازله ترف عليا م الخبراء اللي هنا و بجد نفسي الاقى الافاده عندكم