بعد رحلتى الاخيرة للغردقة بالسيارة رحلتى القادمة الاقصر!

[حسن فتحى]

المشاركة الأصلية كتبت بواسطة eng/walaaeldeen السلام عليكم على ما اعتقد طريق الجيش الشرقي اقرب واسهل من طريق البحر الأحمر والله اعلى واعلم والله المستعان

بالفعل كلام حضرتك مضبوط

بعد مراجعة جيدة للامر استقريت على الطريق الشرقى
لان طريق الجيش مريح فى القيادة كما هو معلوم
وبذلك سأرتاح نصف المسافة تقريبا
لكن عيبة الوحيد انعدام الخدمات
ولذلك سأقوم بعمل صيانة العربية فى التوكيل قبل السفر للاطمئنان على الحالة العامة للسيارة

وان شاء الله سأخبركم بالتجربة بعد اتمامها على خير

[nktis]

تروح و ترجع بالف سلامه ,,, و في انتظار تقريرك عن السفريه دي و عن الطريق ...

[oousaoo]

انا ذهبت للاقصر مرتين مرة بالسيارة ومرة بالطائرة
بالسيارة كانت سنة2007 اتحركت من اسكندرية الفجر ودخلت طريق الفيوم ومن عند دهشور مسكت الطريق الصحراوي الغربي حتي اسيوط والمفروض انهم كانو شغالين فية يكمل لغاية سوهاج الطريق ممتاز فردتين لكل اتجاةويوجد بعض الخدمات القليلة بالطريق عملت رست في اسيوط كان وقت صلاة الظهر وعديت البر الشرقي ومسكت الطريق حتي الاقصر الطريق ضيق جدا في بعض المناطق ملايان مطبات وكماين تفتيش ويمر خلال قري كتير ولا يمكن الجري علية وبعض القري كان يوجد صعوبة مرورية بها زي نص البلد ولكن المناظر خلابة النيل علي يمينك وجبل منحوت عالي طالع جنبة نخل وترعة رفيعة جنب الجبل ووصلت الاقصر بعد صلاة العشاء
طبعا العربية مقدرش اقولك نفعتني اد اية هناك كانت مريحاني جدا وخلتني اغامر وازور اماكن لايمكن زيارتها اثناء برنامج رحلة
في المجمل بعربيتك متعة
سافرت سنة 2013 بالطيارة قلت الواحد كبر وبلاش بهدلة
في الذهاب اتأخرت 2ساعةوفي العودة اتأخرت خمس ساعات طبعا محبوس في المطار
نفسي اكررها مرة اخري بالعربية انما معرفش دلوقتي الظروف الامنية اية وياترا الطريق الغربي كمل لغاية فين لانه كان ممتاز
مرفق صور للطريق من بعد اسيوط حتي الاقصر

[حسن فتحى]

انا وصلت الاقصر والحمد لله
بعد عودتي إن شاء الله سأكتب لكم التفاصيل

[ahmed_eng2001]

تيجى بالسلامة ان شاء الله ... فى انتظار تقرير حضرتك و الصور