لوجان ولا اسبيرانزا A516 ؟؟؟؟

[NiGm]

دلوقتى انا محتاج اجيب عربية فى حدود الــ 75 - 80 ولغيت فكرة اللانوس وبقى قدامى اللوجان والاسبيرانزا الــ A516....

ايه رايكم ؟؟؟

[عمرو عبد الحميد الجندى]

بص اللوجان و الاسبيرانزا حلوين المهم المحافظة على العربية و الصيانة . بس انا اعتقد اعتقاد من وجهة نظرى ان الصينى عموما مهما كان في من اوبشن بتاع وقته و تظهر فيه عيوب و ربنا يوفقك للفيه الخير

[mostafa mamdouh]

الاسبرانزا افضل من حيث
- وسع الصالون
- وسع الشنطه 580 لتر !! ما شاء الله
- الموتور اقوى والسحب افضل على الطرق السريعه
- الفرامل افضل "" ABS و EBD ""
- جنوط اسبور
- اضاءه الفوانيس الاماميه اقوى بشكل ملحوظ
- الكاسيت محترم عن اللوجان
- تكييف ديجيتال تاتش
- التبلوه مرتب ومنظم عن اللوجان واماكن الزراير مريحه وسهل استعملها اثناء القياده ... على عكس واللوجان اماكن زرايرها غريبه جدا وصعب استعملها اثناء القياده .. "ده كفايه الكلاكس الى فى زراع النور"

اللوجان افضل من حيث
- العفشه انعم من الاسبرانزا ..."" بس كل الناس بتغير عفشه الاسبرانزا بعفشه لانسر وبتبقى افضل من اللوجان ""
- وجود وساده هوائيه للسائق
- طاره multi function
- السماعات صوتها احلى الصراحه
- السحب افضل فى بدايه التحرك
- ارتفاعها اعلى نسبيا عن الارض
- قعدتها مريحه عن الاسبرانزا خاصه فى المقاعد الخلفيه

اشياء مشتركه فى السيارتين
التقفيل والعزل والخامات الداخليه وجوده الدهان زى بعض تقريبا
كفاءه التكييف متساويه ..""بس فى الاسبرانزا التبريد اسرع .. وده لان هواء التكييف اقوى وفتاحات التكييف اكتر "6 فتحات" ... اربعه فى الامام واتنين فى الخلف ده غير انه 8 سرعات مش 4 "" بس فى النهايه الكفاءه واحده
الاعتماديه متساويه تقريبا .... والعمر الافتراضى لقطع الغيار زى بعض بالتقريب ... مع العلم ان قطع غيار اللوجان اغلى
صوت الموتور عالى نسبيا فى السيارتان
الصاج متانته متقاربه فى العربيتين
استهلاك البنزين متساوى بالتقريب
سعر اعاده البيع مش كويس بس بيتحسن مع الوقت
الثبات متساوى فى العربيتين ..بس الاسبرانزا ماسكه نفسها شويه عن اللوجان وخاصه فى الغرز على السرعات العاليه ...لان الاسبرانزا وزنها اتقل 1300 كجم فى حين ان اللوجان 980 كجم

بس هو ده الى فى دماغى دلوقتى .... ديه مقارنه بسيطه عن تجربه لأنى معايا العربيتين واحده بتعتى والتانيه بتاعه الشغل ... فأنا مجرب العربيتين وعارف كل كبيره وصغيره فيهم
و رأيى الشخصى ... ان الاسبرانزا افضل ...
وبكررتانى المقارنه ديه موضوعيه عن تجربه ... بقارن فيها العربيتين كعربيتين بغض النظر عن الصناعه ... يعنى مثلا لو قارنت السوزوكى ماروتى واسبرانزا 113 .....الاسبرانزا هتكسب فى كل حاجه بجداره ...على الرغم ان الاسبرانزا صينى والسوزوكى يابانى !!
وطبعا الى يقولك ابعد عن الصينى ... بدون سبب!! .. بيبقى متعقد من العربيات الصينى ومعندوش خبره او سابق تجربه فلا تأخذ بكلامه ...ده غير ان عربيات اسبرانزا بالذات ليها اسمها ومتجربه واكثر عربيه صينى انتشارا وكل سنه بتتحسن عن السنه الى قبلها
وفى النهايه لك حريه الاختيار ... و موفق باذن الله

[no more]

طب دا المانيول والاتوماتيك ايه نظاموا؟؟؟؟؟؟؟؟؟
والاسبرانزا مش حلوه فعفشتها يبقي هى احسن ولا byd????
وتبقي الزيرو افضل ولا كسر الزيرو؟؟؟
ثانكس للاهتمام

[يوسف ع الرحيم]

طيب انتا حاول جرب الاتنين واركبهم وجرب برضو البى واى دى.واهم حاجه تصلى صلاة استخارة وربنا يوفقك فى اختيارك.وبعد كدا انوى على واحده وتوكل على الله