الرينو لوجان اتوماتيك 2012 زيرو ب 34000 الف ريال في السعودية

[smmms]

يعني ايه مش فاهم يعني انا لو جبتها من السعودية مش هدفع عليها جمارك ؟؟؟
يعني لو جبتها من السعودية هتقف عليا بكام من الاخر

[أشرف المصري]

المشاركة الأصلية كتبت بواسطة mazen mazen الاستيراد مفتوح للتجار والافراد روح هاتها من السعوديه او اقولك هاتها من بلدها المغرب واستفيد انت من الاعفاء

هو انا عامل الموضوع عشان حضرتك تقول لي روح اشتريها من السعودية او المغرب ربنا يسامحك
انا عامل الموضوع عشان حد يرد علينا رد مقنع هل هناك حقيقة اعفاء جمركي يتم تطبيقه وفقا لاتفاقية اغادير هذه ام ان هذه الاتفاقية لا يتم تطبيقها؟
ومن المسؤول عن عدم تطبيقها ؟!

عندنا مثلا ضريبة تم الغائها بقانون من 1/1/2007 وهي ضريبة كسب العمل وللاسف مازالت هذه الضريبة تقتطع من رواتب الموظفين المساكين بالمخالفة للقانون

ورغم ان وزير المالية في عام 2011 اصدر قرارا بعدم خصم ضريبة كسب العمل الا انها ايضا مازالت تخصم من رواتب الموظفين

[dra7mad]

معلومه بقي كمان من مصرين شغالين في توكيل رينو السعوديه وشوفتها بنفسي ان اللوجان في مصر مغربي واللوجان في السعوديه فرنسي وشكرا وفرق في النضافه والتقفيل واللي شافها في السعوديه هيفهمني

[Emgrand]

المشاركة الأصلية كتبت بواسطة أشرف المصري هو انا عامل الموضوع عشان حضرتك تقول لي روح اشتريها من السعودية او المغرب ربنا يسامحك انا عامل الموضوع عشان حد يرد علينا رد مقنع هل هناك حقيقة اعفاء جمركي يتم تطبيقه وفقا لاتفاقية اغادير هذه ام ان هذه الاتفاقية لا يتم تطبيقها؟ ومن المسؤول عن عدم تطبيقها ؟! عندنا مثلا ضريبة تم الغائها بقانون من 1/1/2007 وهي ضريبة كسب العمل وللاسف مازالت هذه الضريبة تقتطع من رواتب الموظفين المساكين بالمخالفة للقانون ورغم ان وزير المالية في عام 2011 اصدر قرارا بعدم خصم ضريبة كسب العمل الا انها ايضا مازالت تخصم من رواتب الموظفين

الرد معناه اشتريها من بره بدون جمارك وبرضه هتدفع نفس تمنها فى مصر وبرضه الله اعلم
- فى نسب اخرى كرسم التنميه وضريبه المبيعات وفى الاخر بدون ضمان (ملحوظه الضمان له سعر حتى لو الوكيل(مثلا) لم يلتزم بالضمان لكنه محصل فى النهايه)


-اتفاقيه الاتحاد الاوروبى العربيات هينزل من جماركها 10% سنويا وصولا لصفر فى 2016 لكن هل الاسعار نزلت ؟؟ انت فى مصر فى مليون جمرك باسماء مختلفه ده احنا اللى دهنا الهوا دوكو وفاكرين اننا ضحكنا على الخواجه

-موضوع استقطاعات كسب العمل انا عارف ان مصر بلد العجايب لكن حاجه زى كده لو موظف خد بها حكم فورا بتسقط من الجميع

معلومه بقي كمان من مصرين شغالين في توكيل رينو السعوديه وشوفتها بنفسي ان اللوجان في مصر مغربي واللوجان في السعوديه فرنسي وشكرا وفرق في النضافه والتقفيل واللي شافها في السعوديه هيفهمني

اللوجان رومانى

[أشرف المصري]

- انا شفت صور اللوجان اللى في السعودية وبصراحة باين من الصور انها افضل من اللى في مصر فعلا
- ما هو لو جهاز حماية المستهلك شغال زي باقي الدول وبيحافظ على حقوق المواطنين ما كنش ده بقى حالنا
- لما المصريين اللى في مصر اللى رواتبهم اقل من ربع رواتب المصريين اللى في السعودية
يدفعوا 150% عشان يركبوا نفس العربية اللى راكبها اخوانهم وقرايبهم في السعودية يبقى فيه حاجه غلط عندنا يا ترى ايه هي