|
|||||||
| رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
 |
|
|
أدوات الموضوع |
|
#1
13-10-2012, 04:42 AM
|
||||
|
||||
مراية الحب عميا
بعد بحث اكتر من شهرين قررت ابعد تماما عن اللوجان اوتوماتيك وطبعا معظمكم عارف انى كان معايا لوجان 2011 مانيوال وبعتها لظروف ومقدرتش على فراق اللوجان اكتر من 7 شهور وكتبتلها موضوع بعنوان لمسة وفاء لحبيبتي اللوجان http://www.masrmotors.com/vb/showthread.php?t=97383 ومن شهرين راودتنى فكرة شراء لوجان اوتوماتيك لكن لما قرأت عن مشاكلها الكتيرة جدا زى التكييف الضعيف والسحب البطىء ومشكلة الفتيس الجديد بدأت اراجع نفسى وبدأت ابحث عن سيارة بديلة عن اللوجان وقررت الابتعاد تماما عن لوجان اوتوماتيك لكن لسه فيه اشتياق للمانيوال (اللى تعرفه احسن من اللى ما تعرفوش) وبدأت رحلة البحث عن سيارة اوتوماتيك بعيدا تماما عن اللوجان نبدأ مع بعض طبعا اول حاجة بدأت ارتب لنفسى اولويات ومتطلبات وكانت كالتالى 1- سيارة اوتوماتيك 2- السعر لايزيد عن 80 الف (لأنى بعت القديمة ب 55 على شوية سلفيات على جمعية على على على كملت 75 الحمد لله) 2- الارتفاع عن الارض (طبعا عشان اعدى التلال اللى اتعملت بعد الثورة فى الفيوم وفى اسيوط) 3- موتور قوى (لانى بسافر كتير من الفيوم الى اسيوط واحيانا ارجع محمل بالكراتين والحقاب التى لا تمل امى من تعبئة السيارة بها كل اجازة، واحيانا كان بيركب معايا نفرين تلاتة ) 4- عفشة ناعمة 5- ثبات على السرعات لانى بسافر كتير من الفيوم الى اسيوط ومن الفيوم الى القاهرة 6- تكييف قوى مع السرعة مع الاوتوماتيك 7- يفضل بلاش التقفيل المصرى (وبلاش الصينى والماليزى مش عارف ليه) وبدأت البحث عن السيارة ذات المواصفات الستة 1- الاوتوماتيك طبعا موجود كتير جدا للصبح 2- سعر لايزيد عن 80 الف دى كانت اول مشكلة مالقيتش حاجة ب 80 زيرو اوتوماتيك لانى رافض الصينى ورافض الماليزى يعنى لا بى واى دى ولا سبرنزا ولا بروتون هنا طبعا بدأت اغير اولوياتى من تانى وحذفت مصطلح الزيرو من القاموس فبدأت ادور على مستعمل (يا حلاوة) رحلتى فى البحث عن المستعمل طبعا دخلت على كونتاكت كار وبدأت ابحث عن سيارة اوتوماتيك السعر لايزيد عن 80 الف وشفت العجب خد عند 1- سيارة لانسر فبريكة 2008 عاملة 90 الف كيلو راشة حزام وبنطلون وقميص وبعد اجزاء من السيارات اللى جنبها فى الشارع مطلوب 79 الف ياحلاوة 2- سيارة كورولا 2003 عاملة 160 الف كيلو راشة حزام ومغيرة رفرف واكصدام امامى وبها خبطة جنب الباب اليمين وبعض الخدوش والخرابيش مع كسر فى الفانوس الامامى مع اختفاء للمراية اليمين فقط مطلوب 77 الف غير قابل للتفاوض (يا حلاوة) 3- وخد عندك بلاوى المهم ركزت اكتر ولم امل ولم اكل لغاية ما لقيت ييجى 6 عربيات لقطة بمعنى لقطة (احكي لكم قصة واحدة منهم) واحدة منهم على سبيل المثال لانسر 2007 فبريكة 65 الف كيلو راشة اجزاء من الخارج هاف سبورات جنوط وعتب ووحدة رفع وملايين المزايا طبعا سافرت من الفيوم ومعايا شنطة سفرى واتاكدت من المبلغ فى البنك ونزلت عند واحد قريبى فى القاهرة عشان نخلص فى العربية دى (تمام) وبأختصار رحنا للعربية من التجمع الاول الى مصر الجديدة وكانت السيارة كالتالى كلاسيك (طبعا صاحبها قالى دى عندى احسن من السبورت) ما فيهاش جنوط (قالى الحديد يا استاذ احسن من الالومنيوم راشة بالكامل (قالى دى نظافة بس) العداد طلع 95 الف قالى معلش انا كتبت غلط طبعا قلت بما ان الراجل دا كداب يبقى بلاش العربية ومارضيتش افحصها خمس عربيات بنفس الطريقة معلومات مضللة وكلها كدب ووساخة وناس ما عندهش ذوق وهكذا ايه الحل الحل انى اقدم تنازل آخر وهو التسليم وقبول التقفيل المصرى وهنا كان الإختيار واحد وهو الفيرنا وبما انى لا احب لا الفيرنا ولا اللانوس فالفكرة لم تدم اكثر من دقائق واحد صاحبى قالى اطلع شوية بالمبلغ ونجيب الافيو آآآآآآآآآآآآآآآآآآآآآآه وقالى: واذا كان على الفلوس انا اكملك وادينى الفلوس بعدين وبراحتك وبلاش يا ابنى تتورط فى اللوجان تانى ولعبلى فى دماغى بالافكار التقليدية يعنى قطع غيارها منتشرة وسعر اعداة بيع كويس وصيانة فى كل حتة وهكذا بدأت أدرس الفكرة لمدة يومين وقررت اشترى الافيو اوتوماتيك ولم اكن اعلم عنها اى شىء فرجعت المنتدى افحص ادور على مزايا الافيو وعيوبها ورتبت نفسى على شراء الافيو وتوكلت على الله وشديت الرحال الى سمير ريان وبمجرد دخولى المعرض رأيت محبوبتى القديمة لوجان لكن كانت اوتوماتيك 4 عربيات وبدون ان ادرى وجدت نفسى لا اهتم بالافيو تماما وكل تركيزى فى شكل الفتيس والسيارة وكأنى اول مرة اراها (الحب غلاب) المهم شدنى صاحبى الى الافيو مرة اخرى وبدأنا نسال على السعر فوجدنا انه 90 الف وليس مثل المكتوب على كونتكت كار قلت مش مهم وكنت خلاص على وشك دفع مقدم السيارة لكن صلاة المغرب حلت فرحنا نصلى المسجد اللى جنب المعرض وخرجت من المعرض وجدت 3 عربيات لوجان اوتوماتيك منزوعة البلاستيك ويتم غسيلها فعرفت انهم اتباعوا (نعم ؟؟؟؟ على بال ما صليت المغرب اتباعوا ثلاث عربيات ؟؟؟؟) المهم صاحبى كان عنده امتحان تانى يوم وعايز يروح البيت يذاكر قلت ماشى ما هى الافيو فى كل مكان ورجعنا البيت دخلت على منتدانا العزيز وعلى كل تعليقات الافيو وبدون ان ادرى وجدت نفسى اقارنها باللوجان سحبت ورقة من نوتة على المكتب وعملت مقارنة بين اللوجان والافيو الاوتوماتيك وكانت ابرز النتائج كالتالى الشكل الخارجى الافيو تكسب المقصورة الداخلية الافيو تكسب سعر اعادة البيع الافيو تكسب قطع الغيار والاسعار الافيو تكسب كفاية كدة على الافيو خد عنك الباقي اللوجان تكسب 110 حصان مقابل 83 للافيو السى سى اللوجان تكسب 1600 مقابل 1500 للافيو الجنوط 15 لوجان مقابل 14 افيو الثبات على الطريق انا عارفها اللوجان طبعا تكسب مقابل تعليقات ملاك الافيو اير باج منصور ما سمعش عنها الا فى حالات نادرة الموتور 16 صباب فى اللوجان و8 فى الافيو طارة مالتى فنكشن اللوجان فيها الافيو لسه بدرى عليها بلوتوث اللوجان فيها (بصراحة الافيو معرفش) ابز الشكاوى من الملاك للسيارتين بالنسبة للافيو (الشكاوى من المساعدين والبطاحات والتكييف والسحب مع التكييف وعدم الثبات والصاج الضعيف جدا وكتير) بالنسبة للوجان (فقط اسعار قطع الغيار واحيانا نتشة فى الفتيس الاوتو) ثم بدأت المرحلة الثانية من المقارنة وهى تحديد الاولويات وحذف غير الاولويات حددت معايير للمفاضلة وهى تتعلق بشخصى وكانت كالتالى 1- مش مهم المصاريف مقابل الاداء (يعنى قطعة غيار غالية ومعمرة احسن من الرخيصة وكل يومين اغيرها) لذلك حذفت المزايا المرتبطة بالافيو والمتمثلة فى الصيانة وقطع الغيار مقابل حاجة احسن وامتن فى اللوجان 2- السمعة العالمية والمحلية للمنتج (ده عامل مهم جدا لان مفيش حد عالمى بيخاطر بإسمه وتاريخه عشان الفلوس) وطبعا مش محتاج اتكلم عن منصور وحملة تغور من وش منصور 3- الشكل والجمال (مش مهم عندى انا من صغرى وانا احب الحاجات المتينة حتى لو شكلها مش مقبول وعموما الجمال والشكل اذواق) وبناءا عليه قررت اعيد المقارنة بين الافيو واللوجان فكان القرار قررت وبدون تردد ولا شك ولا حيرة ولا ندم بإذن الله طبعا اشترى اللوجان وانا مغمض (ورجعت تانى للوجان حبيبتى بعد فراق دام 10 شهور) طبعا توجهت الى محمد زكى لانه كان قريب من مكان سكنى فترة البحث عن سيارتى نصيحة (أشتروا من الوكيل او الموزع المعتمد مباشرة وده لاى عربية) وبوصولى لمحمد زكى وجدت سيارة واحدة اوتوماتيك حجزتها ب 9 الاف ليوم واحد الى ان اكمل المبلغ الباقى وهو 74 الف تانى يوم توجهت الى المعرض لاستلم السيارة والحمد لله علشان لا اطيل عليكم ركبت العربية من التجمع الاول متجها الى الفيوم وده تقرير مختصر عن الرحلة السرعة لم ازيد عن 70 كم/ الساعة الا لو حبيت اعدى عربية كانت بتوصل 100 جربت التكييف لمدة 3 دقايق كان هايل وغير عادى ولم يؤثر نهائيا على السرعة الثبات على الطريق انا كان عندى لوجان 2011 مانيوال عملت بيها 175 كم/ الساعة ولا كأنها حاسة بيهم موضوع نتشة الفتيس انا لغاية دلوقتى الحمد لله معنديش مشكلة وسوف اوافيكم بتقرير غدا مفصل بإذن الله لانى رايح انام من التعب من الرحلة
__________________
اللهم صل على سيدنا محمد وعلى آله وصحبه وسلم
|
|
#2
13-10-2012, 10:25 AM
|
||||
|
||||
|
رد: مراية الحب عميا
والله ياباشا قصة مثيرة وتسلم على القصة الشخصية... والف مبرووووووووووووووووك
انا عندى لوجان مانوال بسافر بها من اسيوط الى الاسكندرية وهى لها سنه عندى وانا لا اشتكى منها من اى شئ وشايفها سيارة ممتاز وممتعة وخاصة انا بسافر ومعى الاسرة وبضع اشياء كثيرة فى الشنطة وبشغل التكيف خلال ال 600 كيلو وسحبها تمام ... واحمد الله على مارزقنى بهذة السيارة الممتازة بهذا الفئة السعرية 
__________________
LOGAN  LOGAN  LOGAN  LOGAN  LOGAN
|
|
#3
13-10-2012, 01:37 PM
|
||||
|
||||
|
رد: مراية الحب عميا
ربنا يباركلك فيها ويعطيك خيرها ويكفيك شرها
وشكرا على الموضوع الجميل انا كل مادا بلاقى اعضاء كتير بيشكرو فى اللوجان بصراحة من السنة اللى فاتت وانا مقتنعة بيها وكل ما يمر الوقت باقتنع بيها اكتر جزاك الله خيرا 
|
|
|
|
حبيبت قلبى سبيدر
