ايه اكبر جنط يركب على الفيرنا من غير مشاكل فى العفشه 15 ولا 16

[.EhAb]

متابع معاكم

[mohamedhendawy]

الجنط 60/205
ده ياباشا هل احتجت لتركيب رينجات ولا ايه النظام وياترى مركبه بقاللك قد ايه ؟ علشان نعرف نحكم والعفشه اخبارها ايه وياترى بقيت بتربطها كل فتره قريبه عن الجنوط العاديه ولا مفرقتش

وهل يبيبقى فى صوت دب كده زى الزلط فى الارض يااستاذ فادى مدحت ومشتكر لردك ياباشا

ومستنى الرد لانى عايز انزل اجيبه من بكره

[borio1704]

المشاركة الأصلية كتبت بواسطة fadymedhat ال45-50 ده قطر الكاوتش يعنى المسافة بين الجنط و الارض... 45 معناها البعد 4.5 سم 50 معناها البعد 5 سم..

كلام حضرتك غير دقيق

مقاس الكاوتش بيتكتب كالتالي:
مثلا: 205/50R16




الـ 205 هي عرض الكاوتش بالمليمتر... يعني 20.5 سم
الـ50 هي نسبة ارتفاع الكاوتش إلى عرضه... بمعنى إن المسافة من أسفل الجنط إلى الأرض = 50% من عرض الكاوتش... وفي حالتنا هنا = 10.25 سم
الـ 16 هي قطر الجنط بالبوصة (إنش) ، البوصة = 2.54 سم يبقى الـ16 بوصة = 40.64 سم


كده يبقى القطر الإجمالي لفردة الكاوتش (الارتفاع الإجمالي) = قطر الجنط + (2 × المسافة من الجنط لحد الأرض)
= 40.64 + (10.25 ×2) = 61.14 سم

أهم حاجة تعملها لما تيجي تغير مقاس كاوتش إنك تحافط على القطر الإجمالي للفردة ثابت... لإن تغييره بيأثر على أداء العربية وهيخلف معاك قراية عداد السرعة وهيغير استهلاك البنزين





...

[borio1704]

المشاركة الأصلية كتبت بواسطة mohamedhendawy انا معايا فيرنا اتوماتيك جايه بجنط 14 بفكر اجيب جنوط ليها بعد ما شوفت واحد ماشى قدامى بجنط 16 وقالى كويس ومفيش مشاكل بس انا خوفت انى اسمع كلامه واركب 16 خصوصا انى سالته انت مركبه بقالك قد ايه قالى تلات شهور فا قولت لسه مبانش معاه لسه مشاكل او الفتره مش كافيه السوال هنا الجنط 16 فعلا يركب من غير مشاكل لو حد هنا جربه يقول ؟ ولو هنا حد جرب وركب 15 يقول برده لانى بفكر اركب حاجه من الاتنين دول عايز اعلى العربيه كارتفاع عن الارض شويه برده وهل الكاوتش العالى هو اللى يبوظ العفشه ولا الكاوتش العريض ولا ايه بالظبط لانى مبفهمش فى مقاسات الكاوتش واعرف ان الكاوتش بيبقى عليه تلات ارقام جنب بعض كده ياريت الافاده فى كل الاسئله ؟ المقاس والعرض والارتفاع ايه الانسب للفيرنا

ممكن حضرتك تقولي مقاس الكاوتش الأصلي اللي راكب في العربية؟؟ عشان أقولك المقاس المناسب

بالنسبة لموضوع بوظان العفشة... أهم حاجة إن الجنط الجديد ما يبقاش وزنه أتقل من القديم... لأن الوزن هو العامل الأساسي في بوظان العفشة

تاني حاجة... عشان تركب جنط أكبر لازم البروفايل بتاع الكاوتش (المسافة من الجنط للأرض) لازم تقل عشان يعوض فرق الارتفاع الزائد
لما تعمل كده أكيد الاتزان بتاع العربية هيزيد ودي حاجة كويسة جدا للأمان... بس في المطبات مش هتستريح... لإنك هتحس بكل زلطة على الطريق

ثالت حاجة... لو الكوتش بقى عريض قوي... ممكن البيضات والاسكاترا في الأمام يتأثروا وعمرهم يقصر شوية، بالذات لإن عندك باور

آخر حاجة... لو عايز تعلي العربية بلاش تعليها بتغيير مقاس الكاوتش... فيه علايات ممكن تتحط في السوست وتعملك اللي انت عايزه من غير ما تكلف نفسك (الواحدة بـ15 جنيه)

فكر شوية وشوف الأولوية بالنسبالك إيه!!!


...

[michaelmic]

انا مركب 15/55/195 بصراحة العربية ثابتة قوووى و العفشة تمام بس العفشة بقيت نشفه قوووى لو رمله تحت العجل بحس بيها و دة العيب الوحيد