النصر للسيارات تعود من جديد

[pop2107]

ان شاء الله لا تعود منتجات رديئة و اسعار خيالية وخدمة وعمال سيئة للغاية كفاية ضحك على الناس ..نساندها ليه وهى بتضحك علينا 40 سنة ..دة ما كنش هاين عليهم يفتحولك السيارة علشان تتفرج عليها قال يعنى حتفرج غلى المرسيدس ؟؟
الى مزبلة التاريخ

[tata33]

الاخ الهولندى الطائر . رغم انى اتفق معاك فى كل اللى انت قلته الا انى برضه عندى امل صدقنى والله احنا مش وحشين للدرجة دى المشكلة ان المصرى حسب مابتعوده يعنى ليه احنا ناجحين بره مصر وبنحقق معجزات هات للمصرى قيادة صح امينة وشريفة ودوغرى وخلى الجو اللى حواليه نضيف هتلاقيه يطلع احلى شغل وربنا يسههههههل

[tameromarw]

طيب بالنسبه للتقفيل بتاع النصر للسيارات اخباره ايه ؟ .. وللتوضيح اكثر

عندك مثلا العربية الفيات تمبرا ايطالي استيراد لسنة 94 ثم تقفيل النصر للسيارات لسنة 2001

السؤال فيه كلام عن عدم جودة التقفيل المصري ؟؟؟ ما معني ذلك

هل كل مكونات السياره بتيجي من ايطاليا كاملة ثم تتقفل هنا بالنصر للسيارات ؟ وده هين ويعدي

لكن هل في مكونات ممكن مصر اللي بتصنعها زي الكراسي او مكونات الدهان او اي شئ بالعربية ؟ ومن هنا يجي الخراب لان هيكون التصنيع زفت والمكونات زفت

هل حد عنده خبره او معلومه بخصوص تقفيل العربية الفيات تمبرا بالنصر للسيارات ؟؟

لان انا علي مشارف شراء السياره المتقفله بالنصر للسيارات .....
وفيه كلام علي انها مش كويسه في المكونات زي الايطالي الاستيراد ؟؟

ارجو الاهتمام والرد يا اهل الخبره

[سيف الدين سعيد]

المشاركة الأصلية كتبت بواسطة tameromarw طيب بالنسبه للتقفيل بتاع النصر للسيارات اخباره ايه ؟ .. وللتوضيح اكثر عندك مثلا العربية الفيات تمبرا ايطالي استيراد لسنة 94 ثم تقفيل النصر للسيارات لسنة 2001 السؤال فيه كلام عن عدم جودة التقفيل المصري ؟؟؟ ما معني ذلك هل كل مكونات السياره بتيجي من ايطاليا كاملة ثم تتقفل هنا بالنصر للسيارات ؟ وده هين ويعدي لكن هل في مكونات ممكن مصر اللي بتصنعها زي الكراسي او مكونات الدهان او اي شئ بالعربية ؟ ومن هنا يجي الخراب لان هيكون التصنيع زفت والمكونات زفت هل حد عنده خبره او معلومه بخصوص تقفيل العربية الفيات تمبرا بالنصر للسيارات ؟؟ لان انا علي مشارف شراء السياره المتقفله بالنصر للسيارات ..... وفيه كلام علي انها مش كويسه في المكونات زي الايطالي الاستيراد ؟؟ ارجو الاهتمام والرد يا اهل الخبره

أخى الحبيب : انا طبعا معلوماتى تكاد تكون محدوده بالنسبه للتمبرا بس انا كل معلوماتى ان اى عربيه بتتجمع هنا فى مصر بتكون فيها نسبه تتراوح بين 40 الى 70 % من مكونات السياره حسب ما تسمح به كل شركه مع وكيلها هنا فى مصر . ومثال ذلك من المكونات زجاج السياره وكاوتشات تقفيل الزجاج والأبواب - كاوتش اطارات السياره - كاوتش الخراطيم والوصلات - طلاء السياره - الفرش الداخلى للسياره من كراسى وسقف ودواسات - بعض القطع المكونه لميكانيكا السياره كاريدياتير - ضفيرة الكهرباء - وطلمبات المياه والزيت وما شابه - تيل الفرامل - وحاليا الفوانيس الأماميه والخلفيه .
تقبل تحياتى واحترامى .

[سيف الدين سعيد]

المشاركة الأصلية كتبت بواسطة tata33 الاخ الهولندى الطائر . رغم انى اتفق معاك فى كل اللى انت قلته الا انى برضه عندى امل صدقنى والله احنا مش وحشين للدرجة دى المشكلة ان المصرى حسب مابتعوده يعنى ليه احنا ناجحين بره مصر وبنحقق معجزات هات للمصرى قيادة صح امينة وشريفة ودوغرى وخلى الجو اللى حواليه نضيف هتلاقيه يطلع احلى شغل وربنا يسههههههل

كلام وبصراحه مصر من 60 سنه وهى بتفتقد الإداره الصح . واذا كان رب البيت بالدف عازف - فشيمة أهل البيت كلهم الـ ....... . تحياتى يا باشا . وفعلا ربنا يسهل واحنا يا مصريين ننضف من ترسيبات زمن وعصر اضمحلال عدى علينا ونقدر نقف وراء الصح وننميه وننبذ الفساد ونقاومه . وننسى كلمة وانا مالى - ماليش دعوه .