|
|||||||
| سوق السيارات المصرية نصائح عامة وتجارب واخبار عن بيع وشراء السيارات فى السوق المصرى |
 |
|
|
أدوات الموضوع |
|
|||||||
| سوق السيارات المصرية نصائح عامة وتجارب واخبار عن بيع وشراء السيارات فى السوق المصرى |
|
|
|
أدوات الموضوع |
|
#1
02-08-2008, 04:37 AM
|
||||
|
||||
|
تعالوا نحسبها مع بعض التوكيلات بتكسب اد ايه فى مقابل ايه
تعالوا نحسبها مع بعض التوكيلات بتكسب اد ايه فى مقابل ايه ؟ عنوان طويل معلش بس مجرد فضول بينتابنى دائما كل ما اشوف الاسعار عمالة تنط بدون اى داعى فى كل حاجة حتى العربيات بس انا هتكلم عن العربيات بس علشان ده تخصصنا هخش فى الموضوع وتعالو نحسب اسعار العربيات المتوسطة اللى بيشتريها اغلب الناس اللى هيا فئة 1600CC مثلا هوندا سيفيك سعرها فى السعودية 45000 ريال بالمصرى 65000 جنية قيمة الجمارك المستحقة عليها قد تمنها تقريبا يعنى المفروض توصل هنا ب 130 الف باكتييييير اوى لما التوكيل يبعها ب 140 واكتر ده يبقى كتير لان مينفعش نقول ال10000 الزيادة دول تمن الصيانة والضمان لان الوكيل برده واخد تمنهم فى السعر الاصلى ده فعلا ومينفعش نقول دول مكسبة لان التوكيل بره بيكسب برضو حسبة السفيك ديه اقل حسبة فى الهيونداى مثلا الحسبة اكبر من 10 الاف فى الموديلات الكبيرة الحسبة اكبر بكتير الكامرى 2008 مثلا المفروض ان جماركها 360 الف جنية وسعرها برة فى حدود 110 الف جنية ازاى تتباع هنا ب 560 الف جنية مش عارف من الاعاجيب الاقتصادية والله اللى بيحصل فى مصر ده ولو اتكلمنا عن نسبة الفائدة بالنسبة للى بيشترى بالقسط حتلاقى نفسك مدبوح ومغتصب مليون مرة تانى وكل ده ليه برضو مش عارف هيا الحكومة مش لاقية غير اللى عندهم عربيات علشان تاخد منهم جمارك بالضعف ما فيه مليون حاجة هابلة بنستوردها ملهاش اي لازمة وبتضر الاقتصاد والجمارك عليها مش اضعاف مضاعفة كده طيب ياخدو اللى ياخدوه ماشى بس نلاقى مقابل فى الطرق او الخدمات او اى حاجة ميغلوش البنزين حتى ...... اى حاجة طيب ابدا هو كده اذا كنت عايز تركب عربية اساسا وزى ما انتو عارفين احنا دولة طالعين من مشاكل اقتصادية وعنق زجاجة واحنا احسن من اهالينا اللى كانوا بحجزوا ال 128 من شركة النصر ويستلموها بعد سنة واكتر ماعلينا طيب ديه الحكومة وامرنا لله التوكيلات المفروض تلمها شوية متبقاش مبهوقة من كل ناحية واللى يفرس اكتر ان العربية من دول تيجى من برة بسعر ولما تتجمع فى مصر تتباع برده بنفس السعر وساعات اغلى كمان يعنى التوكيل مكسبة بيزيد لان الجمارك بتقل طبعا والسعر الاجمالى بيقل كمان لان سعر القطع المحلية ارخص وبرده نفس السعر طيب ديه التوكيلات الحكومة شايفانا بيحصل فينا كده من التوكيلات ما تتحكمش فى السوق ليه باى شكل من الاشكال ولا هو خلاص بقى متاح لاى حد عايز يسرق يسرق بدام بقت كلها رجال اعمال ومستثمرين انا عارف انى طولت عليكم بس حبيت افضفض وافكر معاكوا بصوت عالى فى اللى بيحصل ده والاهم من ده اننا نجتهد فى التفكير فى حلول او طرق للتعبير عن رفضنا للوضع ده مثلا نقاطع التوكيلات اللى بتبالغ فى اسعار العربيات اللى معاه فلوس كاش يفكر جديا فى انه يجيب العربية من برة استيراد مباشر نجتهد فى تقييم تجارب المعارض اللى بتبيع عربيات خليجى بضمان برة التوكيل او بدون ضمان وخاصة ان التوكيلات لا منها ولا كفاية شرها (الا من رحم ربى ) اسعار صيانة مبالغ فيها وقطع غيار مش موجوده ومواصفات اقل ومعاملة وفكر زبالة للاسف فكلها محصلة بعضها يبقى السعر والمواصفات اهم مليون مرة من انى اشترى العربية من الوكيل من ايام شوفت فى نايل موتورز مجموعة من الناس بتفكر تشترك وتجيب عربيات خليجى استيراد مباشر لحسابها ووصلوا فعلا لحد (معرض تقريبا) يساعدهم فى كده ووصلوا فعلا لسعر كويس جدا لبعض الموديلات انا شخصيا اعجبت جدا بالفكره ديه واتمنى ليها النجاح لان لو ده حصل فعلا اكيد ناس كتير هتعمل كده وهيبقى ده ابلغ رد من الناس للتوكيلات علما بان مجرد السعى للفكره شهادة واقعية لايمكن انكارها على فشل الكثير من التوكيلات فى اداء دورها فى السوق فضلا عن كسب ثقة العميل يارب مكونش طولت عليكم اوى اوى يعنى وياريت اللى عنده فكره او وجه نظر يقولها وناقشها مع بعض 
|
|
#2
02-08-2008, 04:15 PM
|
||||
|
||||
رد: تعالوا نحسبها مع بعض التوكيلات بتكسب اد ايه فى مقابل ايه
فكرة الشباب في نايل موتورز هايلة فعلآ ،،
بس المشكلة بالنسبة للطبقة المصرية الكادحة زي حالاتي كلمة الضمان تعني كثييييييييييييييييييييييي ييير يعني انا مرميش 70 الف جنية في شوية حديد بدون ضمان حتي لو مرسيدس ممكن يحلوها يروحوا لحد زي اوتو ماجد مثلا ده تاجر سيارات و موزع معتمد لكذا ماركة و في نفس الوقت عنده مركز صيانة كبير و بيدي ضمان علي السيارات الخليجي اللي بيبيعها طبعا قمة الإستهبال في سعر السيارات المجمهة محليا لأن الجمارك بتقل بنسبة كبيرة جدا و مع ذلك هما بيتعمدوا يبقي الفرق عشرتلاف جنية فقط و كفاية عليك كده رغم انها غالبا بتكون موديلات قديمة اللي حضرته بنفسي و يعتبر قمة الاستعباط الأفيو كانت ب 74 الف كوري فول اوبشنز و كانت مرطرطة في المعارض لما اتجمعت محلي نزلت بنفس السعر و بعدين زادت اربعتلاف جنية وكمان بالحجز افضل حل نهائي للمشكلة دي يعملوا زي دول كتير و يلغوا نظام الوكيل الوحيد الحصري المعتمد هيونداي في السعودية مثلآ ليها ثلاث وكلاء و معني كده ان الثلاثة بيتنافسوا في المواصفات و السعر و خدمة ما بعد البيع و نظام اكتر من موزع لنفس الماركة موجود برده في كذا بلد بس احنا في بلد الإحتكارات ،،
__________________
|
|
#3
03-08-2008, 06:51 AM
|
||||
|
||||
|
رد: تعالوا نحسبها مع بعض التوكيلات بتكسب اد ايه فى مقابل ايه
على فكرة كلامك يا اخ أحمد بخصوص السيارات المجمعه محليا مظبوط ويمكن انا لمست الموضوع
بنفسى لأن فى واحد صاحبى جدا جدا شغال محاسب تكاليف فى غبور بيقسم لى ان الفيرنا المجمعه محليا لا يزيد سعر تكلفتها بعد جمارك مستلزمات الأنتاج وخلافه لا تتعدى ال20000 أيوة عشرون الف جنيه والله العظيم وربنا يشهد على كلامى وشوف بتتباع بكام ياعم دول ناس ناقص يموتونا هما والحكومه الله يسامحهم
|
|
#4
03-08-2008, 09:18 AM
|
||||
|
||||
|
رد: تعالوا نحسبها مع بعض التوكيلات بتكسب اد ايه فى مقابل ايه
كلام مظبوط جدا
بس فيه نقطة غايبة ، أي حد بيشتغل في السوق عارف انك لازم تطلع مبالغ سميها زي ما تسميها (اكراميات ، اتاوات، ...) لجهات كتير رسمية و غير رسمية و إلا شغلك يقف و ممكن تخش السجن علي حسب مابتدفع و لمين ، مصيرك بيتحدد المبالغ دي كلها بيتعمل حسابها في التسعير و أكيد مش من هامش الربح و المبالغ دي برضه بتهيأ حماية لصاحب البزنس من أي محاولة من المستهلك للمقاومة كله راضي ماعدا المستهلك طب التغيير حايحصل ليه المحاولة واجبة و اللي يقدر يلحق . . . يلحق أنا مش بدافع عن حد لأن في البداية بيحصل كده و بعد مده المستورد أو الوكيل بيقول لنفسه يعني هي جت عليا يزود المبالغ المدفوعه شوية كمان في مقابل رفع هامش الربح أكتر . . . . و أهو كله بيُرزق و حسبنا الله و نعم الوكيل
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
| أدوات الموضوع | |
|
|
