رسالة الى الكورولا.... من سيارة منافسة

[SuccessCre8or]

المشاركة الأصلية كتبت بواسطة mialbedewy الموضوع ده ما هو الا مثال بسيط جدا جدا علي الانهيار في تعاملاتنا مفهوم التعصب اللي صاحب الموضوع كاتبه في التوقيع مبيطبقوش في حياته مش عارف ليه بنتخانق علي كل حاجة في حياتنا اهلي وزمالك موبينيل وفودافون حتي المطربين اللي عايزين يولعو بجاز بيتخانقو عليهم والعربيات كورولا وكروز كروز وسيراتو كورولا وسكودا اشياء عجيبه الصراحه هو ليه منعبرش عن ميولنا بشئ من احترام آراء الآخرين واحترام المنافس هيضرك في ايه انا بحب كورولا ولا بحب كروز هيضرك في ايه اني بتكلم في فودافون ولا موبينيل هيضرك في ايه ان الزمالك فاز ولا مفزش

يعني حضرتك شايفني متعصب؟
طب ازاي و انا مش معايا لا كورولا و لا كروز ؟!!
و بعدين كل ده عشان كنت عايز اوضح فكرة ان العربية دي منافسة فعلاً للكورولا !! و ده اللي بيقوله الإعلان.. مش انا

You're offensive for calling me offensive

[eskenderiya]

المشاركة الأصلية كتبت بواسطة abd000 يا جماعة انا شايف ان العربيتين تحفة بس بجد نفسي الاسعار تنزل شوية لان لاتنين ميستهالوش سعرهم اسعار مبالغ فيها جدا جدا جدا مش فاهم لية بجد يارب الاسعار الهابلة دى تتعدل شوية

فعلا اعربيتين فالعالم كله مش معديين ال100 الف جنيه

هما غاليين فمصر بسبب الجمارك

و قول للى اكل الحرام يخاف

قصدى قول للحكومة تشيل الجمارك

ههههه

[Toyota Corolla]

المشاركة الأصلية كتبت بواسطة eskenderiya على فكرة ال a5 اسمع ان اسعارها كمستعمل ريحت شوية ممكن تفكر فواحدة كسر زيرو بس لو حضرتك معاك الكورولا الشكل الجديد مانصحكش انك تجيب كورولا 2011 لان ببساطة الفرق انهم عدلو الفوانيس اخلفية فقط وبعدين لو حلفت لحد انك غيرت العربية مش هيصدقك هيقولك انت غيت الفوانيس بس هههههه شوف يا باشا انا هقولك رايى احسن عربيتين تحت ال150 الف الكروز والالنترا الجديدة و الكورولا من 150 ل200 الجيتا الشكل الجديد ثم الفنتازيا خصوصا ان الجيتا هترخص

أنا كنت هجيب ال A5 بس لما الشكل الجديد نزل غيرت رأى
و أنا الكورولا الجديدة ممكن حضرتك لو دققت فى الصور هتلاقى ان الفوانيس القدامنية اتغيرت حاجة بسيطة هى و الكصدام الأمامى و خاصة فانوس الشبورة و الكصدام الخلفى اتغير و من العواكس اتغيرت و باعدين هابقة أجيب لون تانى عشان يصدقوا انى غيرتها أصل أنا كان عندى كورولا موديل 1996 و 2002 و 2006 و اللى معاية حاليا 2009 فا مش متعود على حاجة غير التويوتا و خصوصا ان موديل 2006 عملت بيها 70000 كم و مغيرتش تيل الفرامل ولا اى حاجة غير الزيت
و بالنسبة للجيتا لو سعرها رخص هفكر أجيبها بس أعتقد ان الشكل الجديد نزل برة

[sasa76216]

بعد السلام عليكم اهدو وقولو هدينا الى عاوز يركب كروز يركب والى عاوز يركب تويوتا يركب والى عاوز يركب فورد هو حر والى عاوز يركب هوندا براحته بس العيب ان احنا نقلل من بعض بالمناسبه الاختلاف فى الرأى لا يفسد للود قضيه بالحق شركة تويوتا العريقه كانت بتلم عربيتها فى الخليج علشان عيوب الصناعه وده الى خلانى احترم بتوع الخليج واجيب كروووووووووووز سلام

[ramy01011]

الكروز عربية حلوة و تحفة بس مع احترامي لحضرتك هما بيقصدوا الكروز المعروفة عالمية اللي الماتور بتاعها 1800 سي سي او 2000 سي سي موش الموجوده في مصر اللي ماتورها ماتور الاوبترا . ثانيا رغم انها تحفة بس هي بتدخل في مقارنة مع الالنترا و السيراتو و ممكن الكورولا بإعتبار انهم منزلنها الخليج علشان تنافس الكورولا رغم لحد دلوقت مقدرتش تعمل كدة لاكن مقارنتها بالهوندا السيفك هوندا يا راجل مرسيدس الياباني ده صعب جدااااااااا