مساعدة فى شراء بعض اجزاء من نظام الصوت

[memoking]

السلام عليكم يا شباب اولا انا بفضل منتجات السونى اكس بلود عن اى حاجة تانية لانى مجربها سنين __ نيجى للمهم اولا العربية جولف 2
عندى 2 بازوكا سونى واحدة 1300 وات rms 350 -و التانية 1500 وات rms 380 -و 4 سمعات سونى 440 وات rms 100 دابل بيز و 2 تويتر سيمفونى وكابستر2 فارد (مكثف طاقة يشتغل علية 2 جى ام) ناقص ال جى امات والكاسيت الناس الفنين اللى بيركبو مش عارفين يفيدونى كل واحد بكلمة انا كده عايز 2 جى ام واحد للصبات و التانى السماعات _ مع العلم ان ماينفعش اكتر من 2 جى ام عشان الكابستر 2 فراد __ اجيب بتاع الصبات كام وات وبتاع السماعات كام وات والكاسيت اللى يستحمل اجيب ايه ياريت يبقى سونى _ معلش طولت عليكم وياريت الاسعار وشكرا

[Injection]

هو بصراحة انا دخلت الموضوع أول مرة وازبهليت, ودخلت تانى وأصبت بنفس الأعراض, ربنا يباركلك فى ال setup بتاعك ياباشا.

متهيألى صعب حد هنا (أو فى أى حتة ) يساعدك, الموضوع محتاج نزولة لمحل معاه توكيل سونى, وتاخد معاك ال specifications بتاعة كل حاجة وهو يقولك على اللى هيركب.

الفنيين لازم ياباشا كل واحد بكلمة, حضرتك ممكن تجيب جى أم لكل صب أو جى أم تشغل عليه الصبين أو جى أم عالى تشغل عليه الصبات ويفضل فيه فائض فى الطاقة بتاعته, أو واطى وميشغلش الحاجة بكامل قدرتها, فكل واحد ونظرته للموضوع المهم أن النتيجة واحدة.

على العموم أنا مبحبش أرد من غير ما أساعد, فدورت ولقيت شوية حاجات:-

الصبات, سونى عندها line من ال mono amplifirs يعنى جى أمات قناة واحدة, دى تركب عند حضرتك وتقوم الصبات بالكامل, المشكلة أن كل صب هياخد أمبليفاير وهيبقى حمل كبير على البطارية والدينامو وخاصة لسه جى أم السماعات, هو طبعا الصوت هيبقى خرافى, بس لازم نستبعد الحل ده.

الحل التانى, فى أمبليفاير 2 تشانل 1400 وات ماكس, ده طبعا هيقوم الصبات كويس جدا, ال rms بتاعه أقل من الصبات بس ال 1400 وات ماكس هيعوضوا الفرق ده طبعا, فده امبليفاير كويس قوى وممكن تركب عليه الصبات, ودى مواصفاته.
Sony Xplod XM-GTR2202


1400W Max, GTR Series 2-Channel Power Amplifier

GTX Series 2-Channel Car Amplifier • Class AB • 1400 Watts Max • 220W x 2 Chan. @ 4 Ohm • 270W x 2 Chan. @ 2 Ohm • 0-10 dB Tuned Bass EQ • 2/1 Channel Operation • Gold-Plated Contacts • Low-Pass Filter

الكابستر أصلا هيركب على الأمب بتاع الصبات بس, حد بيركب كاب على السماعات؟, ده يفجرها.

بالنسبة للسماعات, ده أمب كويس ويقوم السماعات تمام.

Sony XM-ZR704


700W Max, ZR Series 4-Channel Amplifier
ZR Series Power Amplifier • 4-Channel • 70W RMS x 4 Chan. @ 4 Ohms • 80W RMS x 4 Chan. @ 2 Ohms • 700W Max • High-Level Sensing Power On Feature • Gold Plated Speaker Terminals • Transformerless Circuit •

والتويترات وصلها على الهيد يونت الجديدة وخليها تريبل بس من ال hi pass filter اللى هيبقى فى اليونت الجديدة بأذن الله.

الهيد يونت الاختيارات كتير, المهم الهيد الجديدة يبقة فيها مخرج ل 2 جى أم, وفيها low , high pass filter وطبعا أكولايزر, علشان تعرف تظبط الصوت كويس.

الأسعار, مش عايز أصدمك بس مفيش جى أم من دول هيقل عن 600 جنيه, لأن سعرهم بره أصلا فوق 100 دولار.

والهيد بالمواصفات دى هتعمل حوالى 900 جنيه مش أقل.

ربنا يوفقك ياباشا, حالتك بتفكرنى بالمثل all this power but no will to use it

[memoking]

تشكر يا باشا على محاولتك للمساعدة هى فعلا صعبة شوية انا ممكن اركب 3 جى ام واخلص لاكن الفكرة ان الكابستر بيشيل 2 جى ام بس وعلى فكرة اكتشفت ان الكابستر لما بينظم الكهربة اللى داخلة للجى ام الصوت بيطلع مختلف تمامااااااا غير لما توصل على البطارية اختلاف ملحوظ جدااا اقوى بمراحل ومافيش زنة ولا اى حاجة .. هنزل توكيل سونى و اشوف كده .. تحياتى